Mother Carries Dying Son ମରିଗଲା ମାନବିକତା: ମୁମୂର୍ଷୁ ପୁଅକୁ କାନ୍ଧରେ ଧରି ଦୌଡ଼ିଲେ ମା’, ଆଖି ଆଗରେ ଦେଖି ବି ନିରବ ରହିଲେ ଲୋକେ

କେନ୍ଦୁଝର (ଜିତେନ୍ଦ୍ର ପଟ୍ଟନାୟକ): ଲଗାଣ ବର୍ଷାରେ ଭରା ପୋଖରୀ, ମା’ଓ ପୁଅ ଗାଧୋଇବାକୁ ଯାଇଥିଲେ, ପୋଖରୀ ପାଣିରେ ଡୁବିଗଲେ ପୁଅ। ଜୀବନକୁ ପାଣିଛଡ଼ାଇ ପୁଅକୁ ପାଣିରୁ କାଢ଼ିଲେ। ଆମ୍ବୁଲାନ୍‌ସକୁ ଡାକିଲେ, କିନ୍ତୁ ବର୍ଷାରେ ରାସ୍ତା ଧୋଇ ହୋଇଯାଇଥିବାରୁ ଆମ୍ବୁଲାନ୍‌ସ ଆସିପାରିଲାନାହିଁ। ବିକଳରେ ମା’ ନିଜର ମୁମୂର୍ଷୁ ପୁଅକୁ କାନ୍ଧରେ ପକାଇ ଦୌଡ଼ିଲେ, କିନ୍ତୁ ଆମ୍ବୁଲାନ୍‌ସ ନିକଟରେ ପହଞ୍ଚିବା ବେଳେ ପୁଅ ଆଖିବୁଜିଦେଇଥିଲେ। ମା’ର କୋଳ ଉଜୁଡ଼ିଯାଇଥିଲା। ତେବେ ଏହି ଘଟଣା ଯେତିକି ହୃଦୟ ବିଦାରକ ନଥିଲା, ମାଆ ପୁଅକୁ କାନ୍ଧରେ ପକାଇ ଦୌଡ଼ିବା ବେଳେ କେତେକ ଯୁବକ ମୋଟରସାଇକଲ୍‌ ଧରି ଠିଆ ହୋଇ ଦେଖୁଥିଲେ ମଧ୍ୟ କୌଣସି ସହାୟତା କରିନଥିଲେ।  ଏପରି ଖଟିଆରେ ପୁଅକୁ ଧରି ଦୁଇ ଜଣ ମହିଳା ବୋହିଚାଲିଥିବା ବେଳେ ଆଖପାଖର ପୁରୁଷମାନେ ମଧ୍ୟ ନିରବଦ୍ରଷ୍ଟା ସାଜିଥିଲେ। ଏଭଳି ଏକ ହୃଦୟବିଦାରକ ଓ ମାନବିକତାକୁ ପାଦରେ ଦଳିଦେବା ଭଳି ଘଟଣା, ଆଜି (ମଙ୍ଗଳବାର) କେନ୍ଦୁଝର ପାଟଣାରେ ଘଟିଛି।

ସୌଜନ୍ୟ ସମ୍ବାଦ