Prajwal Revanna case: ପ୍ରଜ୍ବଳ ରେବନ୍ନା ମାମଲା: ଡ୍ରାଇଭର ହିଁ ଅଶ୍ଳୀଳ ଭିଡିଓ ଚୋରି କରି ଲିକ୍ କରିଥିଲା
ଏସ୍ଆଇଟି ଗତ ମାସରେ ହାସନର ଏକ କୋର୍ଟରେ ୧୩,୭୧୨ ପୃଷ୍ଠାର ଏକ ଚାର୍ଜସିଟ୍ ଦାଖଲ କରିଥିଲା, ଯେଉଁଥିରେ ତଦନ୍ତ ପରେ ୩୯ ଜଣଙ୍କୁ ଅଭିଯୁକ୍ତ ଭାବରେ ନାମିତ କରାଯାଇଥିଲା। ପ୍ରଜ୍ବଳ ରେବନ୍ନା ଦୋଷୀ ସାବ୍ୟସ୍ତ ହୋଇସାରିଥିବାରୁ ଏହି ଅଭିଯୋଗ ଫର୍ଦରେ ତାଙ୍କର ନାଁ ନାହିଁ।
ବେଙ୍ଗାଲୁରୁଳ : କର୍ଣ୍ଣାଟକ ପୁଲିସର ସ୍ୱତନ୍ତ୍ର ତଦନ୍ତକାରୀ ଦଳ (ଏସ୍ଆଇଟି) ଦ୍ୱାରା ଦାଖଲ କରାଯାଇଥିବା ଏକ ନୂତନ ଚାର୍ଜସିଟ୍ରୁ ଜଣାପଡ଼ିଛି ଯେ, ୨୦୨୪ ଲୋକସଭା ନିର୍ବାଚନ ପୂର୍ବରୁ ଜନତା ଦଳ (ଏସ୍)ର ପୂର୍ବତନ ସାଂସଦ ପ୍ରଜ୍ୱଳ ରେବନ୍ନାଙ୍କ ସହ ଜଡିତ ଅଶ୍ଳୀଳ ଭିଡିଓ ଲିକ୍ କରିବା ପଛରେ ପ୍ରତାରଣା, ଷଡ଼ଯନ୍ତ୍ର, ରାଜନୈତିକ ପ୍ରତିଦ୍ୱନ୍ଦ୍ୱିତା ଏବଂ ଏକ ବିସ୍ତୃତ ଷଡ଼ଯନ୍ତ୍ର ରହିଛି। ଏହି ମାମଲାରେ ରେବନ୍ନା ଦୋଷୀ ସାବ୍ୟସ୍ତ ହେବା ସହିତ ଆଜୀବନ କାରାଦଣ୍ଡାଦେଶ ଭୋଗୁଛନ୍ତି।
ଡେକାନ୍ ହେରାଲ୍ଡକୁ ମିଳିଥିବା ଅଭିଯୋଗଫର୍ଦ୍ଦ ତଥ୍ୟ ଅନୁଯାୟୀ, ପ୍ରଜ୍ବଳଙ୍କ ପୂର୍ବତନ ଡ୍ରାଇଭର ତଥା ଅଭିଯୁକ୍ତ କାର୍ତ୍ତିକ ଏନ୍ ସାଂସଦଙ୍କ ସହିତ ତା’ର ସହିତ ଘନିଷ୍ଠତାର ସୁଯୋଗ ନେଇ ତାଙ୍କ ମୋବାଇଲ ଫୋନରୁ ବ୍ୟକ୍ତିଗତ ତଥା ଅଶ୍ଳୀଳ ଭିଡିଓ ନିଜ ମୋବାଇଲ ଫୋନକୁ ନେଇଆସିଥିଲା। କିନ୍ତୁ ଏହାକୁ ସେ ଗୋପନ ରଖିବାକୁ ୨୦୨୧ରେ ତାଙ୍କ ମୋବାଇଲ ଫୋନ୍ ଚୋରି ହୋଇଯାଇଥିବା ଦର୍ଶାଇ ପୁଲିସରେ ମିଥ୍ୟା ମାମଲା ରୁଜୁ କରିଥିଲେ।
ପେନ୍ ଡ୍ରାଇଭର ଫୋରେନସିକ୍ ବିଶ୍ଳେଷଣ
ଏସ୍ଆଇଟି ଗତ ମାସରେ ହାସନର ଏକ କୋର୍ଟରେ ୧୩,୭୧୨ ପୃଷ୍ଠାର ଏକ ଚାର୍ଜସିଟ୍ ଦାଖଲ କରିଥିଲା, ଯେଉଁଥିରେ ତଦନ୍ତ ପରେ ୩୯ ଜଣଙ୍କୁ ଅଭିଯୁକ୍ତ ଭାବରେ ନାମିତ କରାଯାଇଥିଲା। ତଦନ୍ତକାରୀ ଦଳ ୨୭୭ ଜଣ ସାକ୍ଷୀଙ୍କୁ ଯାଞ୍ଚ କରିଥିଲା, ପେନ୍ ଡ୍ରାଇଭର ଫୋରେନସିକ୍ ବିଶ୍ଳେଷଣ ସହିତ ଅନ୍ୟାନ୍ୟ ବୈଷୟିକ ପ୍ରମାଣ ସଂଗ୍ରହ କରିଥିଲା। ପ୍ରଜ୍ବଳ ରେବନ୍ନା ଦୋଷୀ ସାବ୍ୟସ୍ତ ହୋଇସାରିଥିବାରୁ ଏହି ଅଭିଯୋଗ ଫର୍ଦରେ ତାଙ୍କର ନାଁ ନାହିଁ।
୨୦୨୨ ଅଗଷ୍ଟରେ ଜମିବାଡ଼ି ମାମଲାକୁ ନେଇ ପ୍ରଜ୍ବଳଙ୍କ ପରିବାର ସହିତ କାର୍ତ୍ତିକଙ୍କ ପରିବାରର ବିବାଦ ପରେ ସେ ପ୍ରତିଶୋଧ ପରାୟଣ ହୋଇ ସ୍ଥାନୀୟ ବିଜେପି ନେତା ତଥା ଆଉ ଜଣେ ଅଭିଯୁକ୍ତ ଦେବରାଜେଗୌଡା ସହିତ ହାତ ମିଳାଇ ଥିଲା। ପ୍ରଜ୍ବଳଙ୍କ ଅଡିଟର ତଥା ଅନ୍ୟ ଜଣେ ଅଭିଯୁକ୍ତ ହରିଶ ଏସ୍ଏନ୍ (୩୩) ପୂର୍ବତନ ସାଂସଦ ଓ ତାଙ୍କ ପରିବାର ତାଙ୍କୁ ସରକାରୀ ଚାକିରି ଦେବାରେ ସାହାଯ୍ୟ କରିନଥିବାରୁ ଅସନ୍ତୋଷ ଥିଲେ। ମୁଖ୍ୟ ଅଭିଯୁକ୍ତ ନବୀନ ଗୌଡା ଫେସ୍ବୁକ୍ରେ ଏହି ସବୁ ଲିକ୍ ଭିଡିଓ ସେୟାର କରି ପରେ ଡିଲିଟ କରିଦେଇଥିଲା ବୋଲି ଜଣାପଡ଼ିଛି।
ସୌଜନ୍ୟ ସମ୍ବାଦ
