Saurabh Das : ‘ସଂସଦ ଚଲୋ’ ପଦଯାତ୍ରାବେଳେ ସୌରଭ ଦାସ ଓ ଆଶୁତୋଷ ରାଙ୍କାଙ୍କ ଉପରେ ଉତ୍‌କ୍ଷୀପ୍ତ ହୋଇଯାଇଥିଲେ: ଦୀପ୍‌କେ

‘ବିବିସି’ ସହିତ ଏକ ସାକ୍ଷାତକାର ଦୀପ୍‌କେ କହିଛନ୍ତି,‘ସଂସଦଚଲୋ’ ପଦଯାତ୍ରା ଦିନ ତାଙ୍କର ଅନଶନର ତୃତୀୟ ଦିନରେ ପହଞ୍ଚି ଥିଲା। ସେ ଦିନ ଯନ୍ତର ମନ୍ତରଠାରେ ଏତେ ଲୋକ ରୁଣ୍ଡ ହୋଇଯାଇଥିଲେ ଯେ, ସେମାନଙ୍କର ନେତୃତ୍ୱ ନେବା ପାଇଁ ତାଙ୍କ ପାଖରେ ଶକ୍ତି ନଥିଲା। ଏହି ସମୟରେ ବିଜେପି ନେତାମାନଙ୍କ ସହିତ ଆଲୋଚନା ପାଇଁ ଆଶୁତୋଷ ଓ ସୌରଭଙ୍କୁ ଡକାଯାଇଥିଲା। ସେ ଆହୁରି ମଧ୍ୟ କହିଛନ୍ତି ଯେ, ବିଜେପି ନେତାଙ୍କ ସହିତ ମାତ୍ର ୧୦ ମିନିଟ୍‌ର ଆଲୋଚନା ପାଇଁ ଉଭୟଙ୍କୁ ପ୍ରାୟ ପାଞ୍ଚ ଘଣ୍ଟା ପାଇଁ ସେଠାରେ ଅଟକାଇ ରଖାଯାଇଥିଲା। ଆଶୁତୋଷ ଓ ସୌରଭଙ୍କୁ ଯନ୍ତର ମନ୍ତର ସଭାସ୍ଥଳ ନିକଟରେ ନ ପାଇ ଦୀପ୍‌କେ ତାଙ୍କ ଉପରୁନିୟନ୍ତ୍ରଣ ହରାଇ ଅତ୍ୟଧିକ ବିରକ୍ତ ହୋଇଯାଇଥିଲେ।

ଏପରିକି ସେମାନଙ୍କ ଫୋନ୍‌ ମଧ୍ୟ ଲାଗୁ ନଥିବାରୁ ରାଗି ଯାଇଥିଲେ। ଦୀପ୍‌କେ କହିଛନ୍ତି, ‘ଆମେ ପଦଯାତ୍ରା କରିବୁ, କିନ୍ତୁ ଆମେ ଦାୟିତ୍ୱର ସହିତ କରିବୁ। ଆମେ ଏପରି କିଛି କରିବୁ ନାହିଁ ଯାହା ଏଠାରେ କାହା ପାଇଁ ସମସ୍ୟା ସୃଷ୍ଟି କରିବ। ମୁଁ ସୌରଭ ଓ ଆଶୁତୋଷଙ୍କୁ ଫୋନ୍ କରିଥିଲି, କିନ୍ତୁ ସେମାନଙ୍କ ଫୋନ୍ ଲାଗି ନଥିଲା। ମୁଁ ସେମାନଙ୍କ ଉପରେ ପ୍ରକୃତରେ ଖୁବ୍‌ ରାଗିଗଲି। ସେହି ସମୟରେ ସୌରଭ ଓ ଆଶୁତୋଷ ଜନ୍ତର ମନ୍ତରଠାରେ ଥିଲେ ଭିଡ଼କୁ ପରିଚାଳନା କରିବା ଏବଂ ପଦଯାତ୍ରାର ନେତୃତ୍ୱ ନେବା ତାଙ୍କ ପାଇଁ ବହୁତ ସହଜ ହୋଇଥାଆନ୍ତା’ ବୋଲି ଦୀପ୍‌କେ କହିଛନ୍ତି।