Trump Warns: ଇରାନର ଗ୍ୟାସ୍ ଭଣ୍ଡାର ଉପରେ ଇସ୍ରାଏଲର ଆକ୍ରମଣ: ଆମେରିକାର ହାତ ନାହିଁ କହି ନିଜକୁ ଦୂରେଇ ରଖିଲେ ଟ୍ରମ୍ପ

ବୃଦ୍ଧି କରିଛି। ଏହି ସମୟରେ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସ୍ପଷ୍ଟ କରିଛନ୍ତି ଯେ ଆମେରିକା ଏହି ଆକ୍ରମଣରେ ସାମିଲ ନଥିଲା। ଏପରି କହି ଟ୍ରମ୍ପ ଆକ୍ରମଣରୁ ନିଜକୁ ଅଲଗା କରି ଦୂରେଇ ରଖିଛନ୍ତି। ଟ୍ରମ୍ପ କହିଛନ୍ତି ଯେ, ଇସ୍ରାଏଲ ଏହି ଆକ୍ରମଣ ପାଇଁ ଦାୟୀ ଏବଂ ଏବେ ସେଠାରେ ଆଉ କୌଣସି ଆକ୍ରମଣ କରାଯିବ ନାହିଁ ଏଭଳି ମନ୍ତବ୍ୟ ଦେଇ ଟ୍ରମ୍ପ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁଙ୍କୁ ଚେତାବନୀ ଦେଇଛନ୍ତି।

ଆମେରିକା ପ୍ରତିଶୋଧ ନେବାକୁ ପଛାଇବ ନାହିଁ

ରାଷ୍ଟ୍ରପତି ଟ୍ରମ୍ପ ଚେତାବନୀ ଦେଇ କହିଛନ୍ତି ଯେ, ଯଦି ଇରାନ ପୁଣି ଥରେ କତାର ଉପରେ ଆକ୍ରମଣ କରେ, ତେବେ ଆମେରିକା ପ୍ରତିଶୋଧ ନେବାକୁ ପଛାଇବ ନାହିଁ ଏବଂ ସମଗ୍ର ଅଞ୍ଚଳରେ ଆମ ଆକ୍ରମଣ ବିନାଶ ଆଣିପାରେ। ସେ କହିଛନ୍ତି, ମୁଁ ଏହି ସ୍ତରର ହିଂସା ଏବଂ ବିନାଶକୁ ମଞ୍ଜୁରୀ ଦେବାକୁ ଚାହେଁ ନାହିଁ, କାରଣ ଏହା ଇରାନର ଭବିଷ୍ୟତ ପାଇଁ ଦୀର୍ଘକାଳୀନ ପ୍ରଭାବ ପକାଇବ। ତଥାପି, ଯଦି କାତାରର ତରଳୀକୃତ ପ୍ରାକୃତିକ ଗ୍ୟାସ (ଏଲ୍‌ଏନ୍‌ଜି) ସୁବିଧାଗୁଡ଼ିକ ଉପରେ ପୁଣି ଥରେ ଆକ୍ରମଣ ହୁଏ, ତେବେ ଆମେରିକା ସକ୍ରିୟ ଭାବରେ ହସ୍ତକ୍ଷେପ କରିବ।

ଆକ୍ରମଣ ବିଷୟରେ ଆମେରିକା କିଛି ଜାଣିନାହିଁ
ଆମେରିକା ରାଷ୍ଟ୍ରପତି ତାଙ୍କ ଟୃଥ ସୋସିଆଲ ଆକାଉଣ୍ଟରେ ଲେଖିଛନ୍ତି, ମଧ୍ୟପ୍ରାଚ୍ୟରେ ଘଟୁଥିବା ଘଟଣା ଯୋଗୁଁ ଇସ୍ରାଏଲ କ୍ରୋଧରେ ଇରାନର ଦକ୍ଷିଣ ପାର୍ସ ଗ୍ୟାସ୍ ଫିଲ୍ଡ ଉପରେ ଆକ୍ରମଣ କରିଥିଲା। ସେ ଆହୁରି ମଧ୍ୟ କହିଛନ୍ତି, ପ୍ରଭାବିତ ଅଞ୍ଚଳ ତୁଳନାତ୍ମକ ଭାବରେ ଛୋଟ ଥିଲା। ଆମେରିକା ଏହି ଆକ୍ରମଣ ବିଷୟରେ କିଛି ଜାଣି ନଥିଲା। କତାର ଏହି ମାମଲାରେ ଜଡିତ ନଥିଲା। ଏ ବିଷୟରେ ମୋତେ ମଧ୍ୟ କିଛି ଜଣା ନଥିଲା ବୋଲି ଟ୍ରମ୍ପ କହିଛନ୍ତି।

ଇରାନ ଅନ୍ୟାୟରେ ଆକ୍ରମଣ କରିଛି

ଟ୍ରମ୍ପ କହିଛନ୍ତି, ଦୁର୍ଭାଗ୍ୟବଶତଃ, ଇରାନ ଦକ୍ଷିଣ ପାର୍ସ ଆକ୍ରମଣ ଏବଂ କତାର ଉପରେ ପ୍ରତିଶୋଧମୂଳକ ଆକ୍ରମଣ ସହିତ ଜଡିତ କୌଣସି ତଥ୍ୟ ବିଷୟରେ ଆମେ ଝାଣି ନଥିଲୁ। ଇରାନ ଅନ୍ୟାୟ ଏବଂ ଭୁଲ ଭାବରେ କାତାରର LNG ସୁବିଧା ଉପରେ ଆକ୍ରମଣ କରିଛି। ସେ ସ୍ପଷ୍ଟ କରିଛନ୍ତି ଯେ, ଇରାନ ବିନା କାରଣରେ କତାର ଉପରେ ଆକ୍ରମଣ କରିବାର ମୂର୍ଖତାପୂର୍ଣ୍ଣ ନିଷ୍ପତ୍ତି ନ ନେବା ପର୍ଯ୍ୟନ୍ତ ଦକ୍ଷିଣ ପାର୍ସ ଗ୍ୟାସ୍ କ୍ଷେତ୍ରରେ ଇସ୍ରାଏଲ ଦ୍ୱାରା ଆଉ କୌଣସି ଆକ୍ରମଣ ହେବ ନାହିଁ।

ଯଦି ଇରାନ ଏପରି କରେ, ତେବେ ଆମେରିକା ଏକୁଟିଆ କିମ୍ବା ଇସ୍ରାଏଲ ସମର୍ଥନରେ ଦକ୍ଷିଣ ପାର୍ସ ଗ୍ୟାସ୍ କ୍ଷେତ୍ରକୁ ପୂର୍ଣ୍ଣ ଶକ୍ତି ସହିତ ଧ୍ୱଂସ କରିବାକୁ ପଛାଇବ ନାହିଁ। ଟ୍ରମ୍ପ ଏହା ମଧ୍ୟ ଦୋହରାଇଛନ୍ତି ଯେ, ସେ ହିଂସାକୁ ଉସୁକାଇବାକୁ ଚାହାଁନ୍ତି ନାହିଁ, କିନ୍ତୁ ଆବଶ୍ୟକ ହେଲେ କତାର ଉପରେ ଆକ୍ରମଣର ଜବାବରେ କାର୍ଯ୍ୟାନୁଷ୍ଠାନ ନେବାକୁ ପଛାଇବେ ନାହିଁ। ଏହି ବିବୃତି ବିଶ୍ୱ ଶକ୍ତି ବଜାରରେ ଅସ୍ଥିରତା ବୃଦ୍ଧି କରିଛି ଏବଂ ଏହି ଅଞ୍ଚଳରେ ଉତ୍ତେଜନାକୁ ଆହୁରି ବଢ଼ାଇଛି।

ସୌଜନ୍ୟ ସମ୍ବାଦ