Uttar Pradesh: ଉତ୍ତରାରେ ଚାଞ୍ଚଲ୍ୟ: ଛୁରି ଭୁସି କିନ୍ନରଙ୍କୁ ମାରିଦେଲେ

ପ୍ରତ୍ୟକ୍ଷଦର୍ଶୀଙ୍କ କହିବା କଥା ସୋନା ସିଫା ଛକଦେଇ ଚାଲିଚାଲି ଯାଉଥିଲେ। ବାଇକ୍‌ରେ ପିଛା କରୁଥିବା ଦୁଇ ଯୁବକ ତାଙ୍କୁ ଅଟକାଇଥିଲେ। କୌଣସି କଥାକୁ ନେଇ ବଚସା ହେବା ପରେ ହଠାତ୍ ଜଣେ ଯୁବକ ଛୁରି କାଢ଼ି ସୋନାଙ୍କୁ ଆକ୍ରମଣ କରିଥିଲା। ସୋନା ଜୀବନ ବିକଳରେ ଦୌଡ଼ିବାରୁ ଦୁର୍ବୃତ୍ତଜଣକ ଗୋଡ଼େଇ ଗୋଡ଼େଇ ପଛରୁ ଛୁରି ଭୁସି ଚାଲିଥିଲା। ସେ ତଳେ ପଡ଼ିଯିବା ପରେ ଦୁର୍ବୃତ୍ତ ମୁଣ୍ଡ, ଗୋଡ଼ ଓ ଜଙ୍ଘକୁ ବାରମ୍ବାର ଭୁସି ପକାଇଲା। ଏଭଳି କାଣ୍ଡ ଦେଖି ‌ପଥଚାରୀମାନେ ଅଟକିଗଲେ ସିନା ଭୟରେ ପାଖ ମାଡ଼ିଲେନି। ଦୁର୍ବୃତ୍ତମାନେ ପଳାଇବାର କିଛି ସମୟ ପରେ ଧଉଳି ଥାନା ପୁଲିସ ପହଞ୍ଚି ସୋନାଙ୍କୁ କ୍ୟାପିଟାଲ୍‌ ହସ୍‌ପିଟାଲକୁ ପଠାଇଥିଲା। ମାତ୍ର ସେତେବେଳକୁ ସବୁ କିଛି ଶେଷ ହୋଇଯାଇଥିଲା। ଖବର ପାଇ ରାଜଧାନୀର ବିଭିନ୍ନ ଅଞ୍ଚଳରୁ କିନ୍ନରମାନେ ହସ୍ପିଟାଲ୍‌ରେ ପହଞ୍ଚିଥିଲେ। ଉତ୍ତେଜନା ବଢ଼ିବା ଦେଖି ପୁଲିସ ମୁତୟନ କରାଯାଇଥିଲା। ପୁଲିସର ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ ମାତ୍ର ଦୁଇ ଦିନ ହେଲା ସୋନା ଭୁବନେଶ୍ବର ଆସି ଉତ୍ତରା ଅଞ୍ଚଳରେ ରହୁଥିଲେ। ପୂର୍ବ ଶତ୍ରୁତାରୁ ଏଭଳି କାଣ୍ଡ ଘଟିଥିବା ଅନୁମାନ କରାଯାଉଛି।

ସୌଜନ୍ୟ ସମ୍ବାଦ