ନୂଆଦିଲ୍ଲୀ,୮ା୫: ଆଇପିଏଲ୍ର ଆଣ୍ଟି କରପଶନ ଏବଂ ସିକ୍ୟୁରିଟି ୟୁନିଟ୍ (ଏସିଏସ୍ୟୁ) ଚଳିତ ସିଜନରେ ଦଳର ଡଗ୍ଆଉଟ୍, ବସ୍, ହୋଟେଲ, ଖେଳାଳି ଓ ମ୍ୟାଚ୍ ଅଫିସିଆଲ୍ସ ଏରିଆ (ପିଏମ୍ଓଏ)ରେ ଅଣସ୍ବୀକୃତିପ୍ରାପ୍ତ ବ୍ୟକ୍ତିଙ୍କ ଉପସ୍ଥିତିକୁ ନେଇ ଚିନ୍ତା ବ୍ୟକ୍ତି କରିଛି।
ଏଥିଯୋଗୁ ବିସିସିଆଇ ପକ୍ଷରୁ ଖୁବ ଶୀଘ୍ର ସମସ୍ତ ଫ୍ରାଞ୍ଚାଇଜ ଲାଗି କଡ଼ା ପଦକ୍ଷେପ ନିଆଯିବ। ଆଇପିଏଲ୍ ଚେୟାରମ୍ୟାନ ଅରୁଣ ଧୁମଲ ସ୍ପଷ୍ଟ କରିଛନ୍ତି ଯେ, ଏସିଏସ୍ୟୁ ଏ ସଂକ୍ରାନ୍ତରେ ବିସିସିଆଇ ନିକଟରେ ରିପୋର୍ଟ ଦାଖଲ କରିଛି।
ଏସିଏସ୍ୟୁ କିଛି ଅନିୟମିତତା ସମ୍ପର୍କରେ ପ୍ରକାଶ କରିଛି। ଆଇପିଏଲ୍ ମ୍ୟାଚ୍ ବେଳେ ଡଗଆଉଟ, ବସ, ହୋଟେଲରେ ଅଣସ୍ବୀକୃତି ପ୍ରାପ୍ତ ବ୍ୟକ୍ତିଙ୍କ ଉପସ୍ଥିତିକୁ ନେଇ ଏକ ରିପୋର୍ଟ ପ୍ରସ୍ତୁତ କରିଛି ବୋଲି ଧୂମଲ କହିଛନ୍ତି।
ସୌଜନ୍ୟ ଧରିତ୍ରୀ