ନୂଆଦିଲ୍ଲୀ ୧୭/୧୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଇଥିଓପିଆ ଗସ୍ତରେ ଅଛନ୍ତି। ଏହି ଅବସରରେ ଇଥିଓପିଆ ସଂସଦରେ ପ୍ରଧାନମନ୍ତ୍ରୀ ମୋଦୀଙ୍କ ଅଭିଭାଷଣ ରଖିଛନ୍ତି । ଏହି ଅବସରରେ ସେ କହିଛନ୍ତି “ମୁଁ ୧.୪ ବିଲିୟନ ଲୋକଙ୍କ ବନ୍ଧୁତାର ବାର୍ତ୍ତା ଆଣି ଆସିଛି । ବୁଧବାର ଦିନ ପ୍ରଧାନମନ୍ତ୍ରୀ ମୋଦୀ ଇଥିଓପିଆ ସଂସଦକୁ ସମ୍ବୋଧିତ କରି କହିଥିଲେ, “ଏହା ମୋ ପାଇଁ ଗର୍ବର ବିଷୟ । ଏହା କେବଳ ମୋର ସମ୍ମାନ ନୁହେଁ, ଏହା ଦେଶର ସମ୍ମାନ । ପ୍ରଧାନମନ୍ତ୍ରୀ କହିଥିଲେ, ଗଣତନ୍ତ୍ରର ମନ୍ଦିରକୁ ଆସିବା ମୋ ପାଇଁ ସମ୍ମାନର କଥା ।
ଇଥିଓପିଆ ହେଉଛି ସିଂହଙ୍କ ଦେଶ:
ପ୍ରଧାନମନ୍ତ୍ରୀ ମୋଦୀ ଇଥିଓପିଆକୁ “ସିଂହଙ୍କ ଦେଶ” ବୋଲି କହିଥିଲେ । ସେ କହିଥିଲେ ଯେ ତାଙ୍କ ଗୃହ ରାଜ୍ୟ, ଗୁଜରାଟ ମଧ୍ୟ ସିଂହଙ୍କ ଘର, ତେଣୁ ସେ ଏଠାରେ ନିଜ ଘର ଭଳି ଅନୁଭବ କରନ୍ତି। ଭାରତର ୧.୪ ବିଲିୟନ ଲୋକଙ୍କ ପକ୍ଷରୁ, ସେ ବନ୍ଧୁତା, ସଦ୍ଭାବନା ଏବଂ ଭାଇଚାରା ପାଇଁ ତାଙ୍କର ଶୁଭକାମନା ଜଣାଇଥିଲେ । ଏହି ଭବ୍ୟ କୋଠାକୁ ଗଣତନ୍ତ୍ରର ମନ୍ଦିର ଭାବରେ ବର୍ଣ୍ଣନା କରି ସେ କହିଥିଲେ ଯେ ଏଠାରେ ଲୋକଙ୍କ ଇଚ୍ଛା ରାଜ୍ୟର ନୀତି ହୋଇଥାଏ।ଭାରତ ଏବଂ ଇଥିଓପିଆ ମଧ୍ୟରେ ବନ୍ଧୁତା ସମ୍ପର୍କରେ ପ୍ରଧାନମନ୍ତ୍ରୀ ମୋଦୀ କହିଥିଲେ, “ଆମର ସାଂସ୍କୃତିକ ଐତିହ୍ୟ ସହଭାଗୀ। ଗଣତନ୍ତ୍ରର ଏହି ମନ୍ଦିରକୁ ଆସିବା ମୋ ପାଇଁ ଗର୍ବର ବିଷୟ। ମୁଁ ୧.୪ ବିଲିୟନ ଲୋକଙ୍କ ବାର୍ତ୍ତା ଆଣିଛି।
“ବନ୍ଦେ ମାତରମ୍ ଓ ଇଥିଓପିଆ ସଂଗୀତରେ ମା’ ଚର୍ଚ୍ଚା:
ପ୍ରଧାନମନ୍ତ୍ରୀ ମୋଦୀ କହିଥିଲେ, “ଭାରତର ଜାତୀୟ ସଙ୍ଗୀତ, ବନ୍ଦେ ମାତରମ୍ ଓ ଇଥିଓପିଆର ଗୀତ ଉଭୟ ଦୁଇ ଦେଶ ଧରିତ୍ରୀ ମାତାଙ୍କ ବିଷୟରେ ବଖାଣେ । ଆମେ ଆଡିସ୍ ଆବାବା କିମ୍ବା ଅଯୋଧ୍ୟାରେ ରହୁ । ରାଜନୀତି ଓ ସୀମା ବାହାରେ ଆମର ସଭ୍ୟତାଗୁଡ଼ିକର ସାଧାରଣ ମୂଳ ରହିଛି । ଯାହା ସଭ୍ୟତା ମଧ୍ୟରେ ସେତୁ ନିର୍ମାଣ କରେ । ଆମର ସମ୍ପର୍କକୁ ଏକ ନୂତନ ଯୁଗକୁ ନେଇଯାଉଛି ବୋଲି ମୋଦୀ କହିଛନ୍ତି ।
ସର୍ବୋଚ୍ଚ ସମ୍ମାନ ପାଇଁ କୃତଜ୍ଞତା:
ଏହି ଅବସରରେ ଇଥିଓପିଆ ଦେଇଥିବା ସର୍ବୋଚ୍ଚ ସମ୍ମାନ ପାଇଁ ଜଣାଇଛନ୍ତି ଧନ୍ୟବାଦ । ସେ କହିଛନ୍ତି ,ଏତେବଡ଼ ସମ୍ମାନ ପ୍ରଦାନ ସମଗ୍ର ଭାରତବାସୀଙ୍କ ପାଇଁ ଉତ୍ସର୍ଗୀକୃତ । ପ୍ରଧାନମନ୍ତ୍ରୀ ମୋଦୀ କହିଥିଲେ । “ଇଥିଓପିଆ ଆଜି ଉଚ୍ଚରେ ଛିଡା ହୋଇଛି । କାରଣ ଏହାର ଗଭୀର ମୂଳ ଅଛି । ଏହା ଭବିଷ୍ୟତକୁ ଖୋଲା ହୃଦୟରେ ଗ୍ରହଣ କରୁଛି । ଭାରତ ମଧ୍ୟ ଏକ ପ୍ରାଚୀନ ସଭ୍ୟତା ଯାହା ‘ସବକା ସାଥ, ସବକା ବିକାଶ, ସବକା ବିଶ୍ୱାସ, ସବକା ପ୍ରୟାସ’ ମନ୍ତ୍ର ସହିତ ଆଗକୁ ବଢ଼ୁଛି।
ସୌଜନ୍ୟ ସମ୍ବାଦ