ବଲିଉଡ ଅଭିନେତା ଅଭିଷେକ ବଚ୍ଚନ ଏବଂ ତାଙ୍କ ସ୍ତ୍ରୀ ଐଶ୍ୱର୍ଯ୍ୟା ରାୟଙ୍କ ମଧ୍ୟରେ ଛାଡପତ୍ରକୁ ନେଇ ଚର୍ଚ୍ଚା ଜୋର ଧରିଛି। ନିକଟରେ ଏକ ସାକ୍ଷାତକାରରେ ଅଭିଷେକ ଐଶ୍ୱର୍ଯ୍ୟାଙ୍କୁ ଧନ୍ୟବାଦ ଜଣାଇଛନ୍ତି। ଅଭିଷେକ କହିଛନ୍ତି, ଐଶ୍ୱର୍ଯ୍ୟା ମା’ ହେବା ପରେ ନିଜ କ୍ୟାରିୟରରେ ଅନେକ କିଛି ବଳିଦାନ ଦେଇଛନ୍ତି। ମୁଁ ନିଜକୁ ବହୁତ ଭାଗ୍ୟବାନ ମନେ କରେ ଯେ ମୋତେ ଫିଲ୍ମରେ କାମ କରିବାର ସୁଯୋଗ ମିଳୁଛି। କିନ୍ତୁ ମୁଁ ଜାଣେ ଯେ ଐଶ୍ୱର୍ଯ୍ୟା ଘରେ ରହି ଆରାଧ୍ୟାଙ୍କ ଯତ୍ନ ନେଉଥିବେ ଏବଂ ଏଥିପାଇଁ ମୁଁ ତାଙ୍କୁ ଧନ୍ୟବାଦ ଦେଉଛି।
ଅଭିଷେକ ଆହୁରି ମଧ୍ୟ କହିଛନ୍ତି, ମୋର ପିଲାଦିନରେ ମୁଁ କେବେ ଅନୁଭବ କରି ନ ଥିଲି ଯେ ମୋର ମାତାପିତା ମୋ ଚାରିପାଖରେ ନାହାଁନ୍ତି। ଯେତେବେଳେ ମୁଁ ଜନ୍ମ ହେଲି, ମା’ ପିଲାମାନଙ୍କ ସହିତ ସମୟ ବିତାଇବା ପାଇଁ ଚଳଚ୍ଚିତ୍ରରେ କାମ ଛାଡିଥିଲେ। ଏହି ଅବଧି ମଧ୍ୟରେ ଆମେ ଆମ ପିତାଙ୍କ ଅନୁପସ୍ଥିତି କେବେ ଅନୁଭବ କରିନାହୁଁ।
୧୯୭୬ରେ ଅଭିଷେକ ଜନ୍ମ ହେବା ପରେ ତାଙ୍କ ମା’ ଜୟା ବଚ୍ଚନ ଅଭିନୟରୁ ନିଜକୁ ଦୂରେଇ ରଖିଥିଲେ। ତାଙ୍କ ପିତା ଅମିତାଭ ବଚ୍ଚନ ସେହି ସମୟରେ ତାଙ୍କ କ୍ୟାରିୟରର ଶିଖରରେ ଥିଲେ।
୨୦୦୭ରେ ଅଭିଷେକ ଏବଂ ଐଶ୍ୱର୍ଯ୍ୟା ବିବାହ କରିଥିଲେ। ୨୦୧୧ରେ ଉଭୟ ଝିଅ ଆରାଧ୍ୟାଙ୍କ ପିତାମାତା ହୋଇଥିଲେ। ନିକଟରେ ଆରାଧ୍ୟା ଐଶ୍ୱର୍ଯ୍ୟାଙ୍କ ସହ ତାଙ୍କର ୧୩ତମ ଜନ୍ମଦିନ ପାଳନ କରିଥିଲେ। ତାଙ୍କ ଜନ୍ମଦିନ ଉତ୍ସବର ଫଟୋରେ ଅଭିଷେକଙ୍କୁ ଦେଖିବାକୁ ମିଳି ନ ଥିଲା।
ସୌଜନ୍ୟ-ଧରିତ୍ରୀ