ପୁରୁଷ ଶବର ଗୁପ୍ତାଙ୍ଗଙ୍କୁ ନେଇ ପରିହାସ କଲେ ମହିଳା ଡାକ୍ତର, କଡ଼ା ଜବାବ ଦେଲେ ଇଣ୍ଟରନେଟ୍ ୟୁଜର୍ସ, ନିଆଯାଇପାରେ ବଡ଼ ଆକ୍ସନ
ନୂଆଦିଲ୍ଲୀ: ବିଗ୍ ବସ୍ ସିଜିନ୍ -19ରେ ଦ୍ୱିତୀୟ ରନର୍ସ-ଅପ୍ ହେବା ପରେ ଲୋକପ୍ରିୟତା ହାସଲ କରିଥିବା ହାସ୍ୟ ଅଭିନେତା ପ୍ରଣିତ ମୋରେଙ୍କ ଶୋ ବିବାଦ ଛିଡା କରିଛି। ଏହି ଶୋ’ର ଜଣେ 23 ବର୍ଷୀୟ ଦର୍ଶକ ହିମାଂଶୁ ଜାଙ୍ଗରା କହିଥିଲେ ଯେ ସେ ଜଣେ ମହିଳାଙ୍କ ସହିତ ଡେଟ୍ରେ ଯାଇଥିଲେ। ତାଙ୍କୁ ୩୭୦ ଟଙ୍କାର ଚିକେନ୍ ବିରିୟାନି ଦେଇଥିଲେ। ତେଣୁ ତାଙ୍କ ନିବେଶ ଉପରେ ରେଜଲ୍ଟ ପାଇବା ଉଚିତ। ମହିଳାଙ୍କୁ ଆକ୍ଷେପ ନେଇ ସୋସିଆଲ ମିଡିଆରେ ଏହି ବିବାଦ ନସରୁଣୁ ଆଉ ଏକ ବଡ଼ ବିବାଦ ସାମନାକୁ ଆସିଛି।
ପ୍ରଣିତ ମୋରେଙ୍କ ଶୋ’ରେ ସେଜଲ ପାୱାର ନାମକ ଜଣେ ମହିଳା ଡାକ୍ତରଙ୍କ ମନ୍ତବ୍ୟ ଇଣ୍ଟରନେଟରେ ହଇଚଇ ସୃଷ୍ଟି କରିଛି। ପୁରୁଷ ମୃତ ଶରୀରର ଗୁପ୍ତାଙ୍ଗକୁ ନେଇ ମଜାକ ଉଡାଇଥିଲେ ସେଜଲ। ସୋସିଆଲ ମିଡିଆରେ ତାଙ୍କର ମନ୍ତବ୍ୟ ଶୁଣି ସମସ୍ତେ ଆଶ୍ଚର୍ଯ୍ୟ ହୋଇଥିଲେ। ଶୋ’ ସମୟରେ, ସେଜଲ କହିଥିଲେ ଯେ ସେ ଏବଂ ତାଙ୍କର ଅନ୍ୟ ମହିଳା ସହକର୍ମୀ ପ୍ରାୟତଃ ହସ୍ପିଟାଲରେ ପୁରୁଷ ଶବର ଗୁପ୍ତାଙ୍ଗର ଆକାର ତୁଳନା କରନ୍ତି। ତାକୁ ଦେଖି ହସନ୍ତି।
ସେଜଲଙ୍କ ଦ୍ୱାରା ଦିଆଯାଇଥିବା ଅସମ୍ବେଦନଶୀଳ ମନ୍ତବ୍ୟ ଉପରେ ସୋସିଆଲ ମିଡିଆ ପ୍ରତିକ୍ରିୟା ଦେଇ, ଜଣେ Xରେ ୟୁଜର୍ସ ଲେଖିଛନ୍ତି “ଜଣେ ଡାକ୍ତରୀ ଛାତ୍ର ଭାବରେ, ଏକ ଶବକୁ ଉପହାସ କରିବା ହେଉଛି ସବୁଠାରୁ ଖରାପ କାମ ମଧ୍ୟରୁ ଗୋଟିଏ। ମୁଁ ଏବେ ବି ବିଡି ଚୌରାସିଆଙ୍କ ଦ୍ୱାରା ଆନାଟୋମି ବୁକର ପ୍ରଥମ ପୃଷ୍ଠାରେ ଲେଖାଯାଇଥିବା କବିତାଟି ମନେ ରଖିଛି। ଯେଉଁଠାରେ ଜଣେ ଶବକୁ ତାଙ୍କ ହୃଦୟରୁ ପ୍ରେମ ଏବଂ ଯତ୍ନର ସହିତ ପରିଚାଳନା କରିବାକୁ ଅନୁରୋଧ କରନ୍ତି।”
ଆଉ ଜଣେ କହିଛନ୍ତି, “ଜୀବନରେ କିଛି ଜିନିଷ ଅଛି ଯାହାକୁ କେବେବି ଉପହାସ କରିବା ଉଚିତ୍ ନୁହେଁ, ଏବଂ ଏକ ଶବ ମଧ୍ୟ ସେଥିମଧ୍ୟରୁ ଗୋଟିଏ। ଯେକୌଣସି ସ୍ତରରେ ଶବକୁ ଉପହାସ କରିବା ସମ୍ପୂର୍ଣ୍ଣ ଭାବରେ ଗ୍ରହଣୀୟ ନୁହେଁ। ଏକ ପରିବାର ସେମାନଙ୍କର ପ୍ରିୟଜନଙ୍କ ଶରୀର ଦାନ କରନ୍ତି ଯାହା ଦ୍ୱାରା ଭବିଷ୍ୟତର ଡାକ୍ତରମାନେ ଶିକ୍ଷା ଲାଭ କରିପାରିବେ ଏବଂ ସମାଜର ସେବା କରିପାରିବେ। ଏହା ବିଶ୍ୱାସ ଏବଂ ଉଦାରତାର ଏକ ଅସାଧାରଣ କାର୍ଯ୍ୟ। ଯଦି ଏହି ପ୍ରକାରର ଆଚରଣ ଯୋଗୁଁ ଏପରି ମହାନ ବ୍ୟକ୍ତିମାନେ ସେମାନଙ୍କର ଶରୀର ଦାନ କରିବା ବନ୍ଦ କରନ୍ତି, ତେବେ ଡାକ୍ତରୀ ଶିକ୍ଷା ନିଜେ କ୍ଷତିଗ୍ରସ୍ତ ହେବ। ଏହା ଏକ ମଜା ନୁହେଁ, “ବିଷୟବସ୍ତୁ” ନୁହେଁ, ଏବଂ ଏପରି କିଛି ନୁହେଁ ଯାହାକୁ ଏଡ଼ାଇ ଦିଆଯାଇପାରିବ।”
ସୋସିଆଲ ମିଡିଆରେ ଟ୍ରୋଲ ହେବା ପରେ ସେଜଲ୍ ତାଙ୍କ ଇନଷ୍ଟାଗ୍ରାମ ଆକାଉଣ୍ଟକୁ ପ୍ରାଇଭେଟ୍ କରିଛନ୍ତି। ତାଙ୍କର ଇନଷ୍ଟାରେ ୨୪୪,୦୦୦ ଫଲୋଅର୍ସ ଅଛନ୍ତି। ତାଙ୍କ ଇନଷ୍ଟାଗ୍ରାମ ବାୟୋ ଅନୁସାରେ ସେ ବର୍ତ୍ତମାନ ମୁମ୍ବାଇର KEM ହସ୍ପିଟାଲରେ ପୋଷ୍ଟ ହୋଇଛନ୍ତି। ଚାରିଆଡୁ ସମାଲୋଚନା ପରେ ଭିଡିଓ ସେୟାର କରି କ୍ଷମା ମାଗିଛନ୍ତି ସେଜଲ।
ସେଜଲ କହିଛନ୍ତି- ଏଭଳି ମନ୍ତବ୍ୟ ପାଇଁ ମୁଁ ସମ୍ପୂର୍ଣ୍ଣ ଦାୟୀ। ଏବେ ମୁଁ ଅନୁଭବ କରୁଛି ଯେ ମୋ ଶବ୍ଦରୁ ବାହାର କରାଯାଇଥିବା ଅର୍ଥ ମୁଁ କହିବାକୁ ଚାହୁଁ ନଥିଲି ବରଂ ଏହାକୁ ଲୋକମାନେ ଭିନ୍ନ ଭାବରେ ବ୍ୟାଖ୍ୟା କରିପାରିବେ। ଲୋକମାନେ ଚାହିଁଲେ ତାଙ୍କୁ କ୍ଷମା କରିପାରିବେ।
ସେପଟେ ସୋସିଆଲ ମିଡିଆ ୟୁଜର୍ସ କହିଛନ୍ତି- ଯଦି ଏବେ ପୁଅ ହୋଇଥାନ୍ତେ ତାଙ୍କ ବିରୁଦ୍ଧରେ ଏକ ପୋଲିସ ମାମଲା (FIR) ଦାୟର ହୋଇଥାନ୍ତା, ସେ ଜେଲରେ ଥାଆନ୍ତେ, ଏବଂ ତାଙ୍କ କ୍ୟାରିଅର ସବୁଦିନ ପାଇଁ ନଷ୍ଟ ହୋଇଯାଆନ୍ତା। ଡାକ୍ତର ସେଜଲ ପାୱାରଙ୍କ ସ୍ପଷ୍ଟ କ୍ଷମା ପ୍ରାର୍ଥନା କ’ଣ ଏହି ବିବାଦର ଅନ୍ତ ଘଟାଇବା ପାଇଁ ଯଥେଷ୍ଟ, ନା ମେଡିକାଲ କାଉନସିଲ ତାଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ନେବା ଉଚିତ? ଆପଣଙ୍କ ମତାମତ ସେୟାର କରନ୍ତୁ।
କିଛି ଦିନ ପୂର୍ବରୁ ପ୍ରଣିତ ମୋରେ ତାଙ୍କ ଶୋ’ରେ 370 ଟଙ୍କା ବିରିୟାନି ମନ୍ତବ୍ୟ ପାଇଁ କଡା ସମାଲୋଚନାର ଶିକାର ହୋଇଥିଲେ। ତାଙ୍କ ଇନଷ୍ଟାଗ୍ରାମ ଆକାଉଣ୍ଟକୁ ବନ୍ଦ କରିଦେଇଥିଲେ। ହିମାଂଶୁ ଜାଙ୍ଗରା ଷ୍ଟାରଭିକ୍ ଡିଜାଇନରେ କାମ କରୁଥିଲେ। ବିବାଦ ତୀବ୍ର ହେବା ପରେ କମ୍ପାନୀ ତାଙ୍କୁ ବହିଷ୍କାର କରି।
ସୌଜନ୍ୟ Prameya News7
