ମନାଲି ବର୍ଷାରେ ଫସିଲା ହଜାରରୁ ଅଧିକ ଗାଡ଼ି: ଉଦ୍ଧାର କାର୍ଯ୍ୟ ଜାରି

ମନାଲି:  ହିମାଚଳ ପ୍ରଦେଶ ମନାଲିରେ ପ୍ରବଳ ମାତ୍ରାରେ ବର୍ଷା ହେବା ଫଳରେ ଲୋକେ ନାହିଁନଥିବା ଅସୁବିଧାର ସମ୍ମୁଖୀନ ହୋଇଛନ୍ତି। ବର୍ଷା ହେତୁ ସୋଲାଙ୍ଗ ଭ୍ୟାଲିରୁ ଅଟଳ ଟନେଲ ମଧ୍ୟରେ ଶତାଧିକ ଗାଡ଼ି ଫସିରହଛି। ଏହାରି ମଧ୍ୟରେ ୭ ଶହ ପର୍ଯ୍ୟଟକଙ୍କୁ ପୁଲିସ ଉଦ୍ଧାର କରି ସାରିଥିବା ସୂଚନା ରହିଛି।

ପ୍ରବଳ ବର୍ଷା ଭିତରେ ଘଣ୍ଟା ଘଣ୍ଟା ଧରି ଗାଡ଼ି ଗୁଡ଼ିକ ତୁଷାରପାତ ଭିତରେ ଫସିରହିଛି। ସ୍ଥାନୀୟ ଅଧିକାରୀଙ୍କ ସୂଚନା ଅନୁଯାୟୀ ପାଖାପାଖି ହଜାର ଉପରେ ଗାଡ଼ି ଏଠାରେ ଫସିରହିଥିଲା । ପୁଲିସ ଏ ସଂପର୍କରେ ଅବଗତ ହେବା ପରେ ଉଦ୍ଧାର କାର୍ଯ୍ୟ ଆରମ୍ଭ କରି ୭ ଶହ ପର୍ଯ୍ୟଟକଙ୍କୁ ଏବେ ସୁଦ୍ଧା ମୃତ୍ୟୁ ମୁଖରୁ ବଞ୍ଚାଇ ସାରିଲାଣି।

ପ୍ରତିବର୍ଷ ଏହି ସମୟରେ ହିମାଚଳ ପ୍ରଦେଶରେ ପର୍ଯ୍ୟଟକଙ୍କ ସଂଖ୍ୟା ବଢ଼ିଥଏ।   ଆଉ ଏବେ ବଡ଼ଦିନ ଓ ନୂଆ ବର୍ଷ ଛୁଟି ପାଇଁ ହିମାଚଳ ପ୍ରଦେଶରେ ପର୍ଯ୍ୟଟକଙ୍କ ଗହଳି ବଢ଼ିବାରେ ଲାଗିଛି। ଡିସେମ୍ବର  ୮ତାରିଖରେ ଚଳିତବର୍ଷର ପ୍ରଥମ ତୁଷାରପାତ ହୋଇଥିବା ବେଳେ ଗତକାଲି ପୁଣି ତୁଷାରପାତ ହୋଇଥିଲା ।  ଏହି ସମୟରେ ସୋଲାଙ୍ଗ ଭ୍ୟାଲିରୁ ଅଟଳ ଟନେଲ ମଧ୍ୟରେ ପର୍ଯ୍ୟଟକଙ୍କ ଗାଡ଼ି ଫସିଯାଇଥିଲା।

ସୌଜନ୍ୟ-ସମ୍ୱାଦ