Supremecourt Ai: ଏଆଇ ପରିଚାଳନା କରିବ ମାମଲା ତାଲିକା ଓ ବେଞ୍ଚ ଆବଣ୍ଟନ,ସିଜେଆଇଙ୍କ ନିଷ୍ପତ୍ତି
ବାର୍ ଆଣ୍ଡ ବେଞ୍ଚ୍ର ଏକ ରିପୋର୍ଟ ଅନୁସାରେ, ଏହି ପ୍ରକ୍ରିୟାରେ ମାନବୀୟ ହସ୍ତକ୍ଷେପ ହ୍ରାସ ପାଇବ । ଦିଲ୍ଲୀରେ ଏଆଇ ଇମ୍ପ୍ୟାକ୍ଟ ସମିଟ୍ର କିଛି ସପ୍ତାହ ପରେ ଏହି ରିପୋର୍ଟ ସାମ୍ନାକୁ ଆସିଛି ।
ନୂଆଦିଲ୍ଲୀ ୧୪/୦୩: ଏଣିକି ମାମଲାଗୁଡ଼ିକର ତାଲିକା ପ୍ରସ୍ତୁତି ଓ ଖଣ୍ଡପୀଠ ଆବଣ୍ଟନ କାର୍ଯ୍ୟ ତୁଲାଇବ ଏଆଇ ବା ଆର୍ଟିଫିସିଆଲ ଇଣ୍ଟେଲିଜେନ୍ସ । ଏହି ପ୍ରୟାସ ଭାରତୀୟ ସର୍ବୋଚ୍ଚ ନ୍ୟାୟାଳୟର ପ୍ରଶାସନିକ କାର୍ଯ୍ୟରେ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ଆଣିବ । ବାର୍ ଆଣ୍ଡ ବେଞ୍ଚ୍ର ଏକ ରିପୋର୍ଟ ଅନୁସାରେ, ଏହି ପ୍ରକ୍ରିୟାରେ ମାନବୀୟ ହସ୍ତକ୍ଷେପ ହ୍ରାସ ପାଇବ ।
ଦିଲ୍ଲୀରେ ଏଆଇ ଇମ୍ପ୍ୟାକ୍ଟ ସମିଟ୍ର କିଛି ସପ୍ତାହ ପରେ ଏହି ରିପୋର୍ଟ ସାମ୍ନାକୁ ଆସିଛି । ଭାରତର ପ୍ରଧାନ ବିଚାରପତି ସୂର୍ଯ୍ୟକାନ୍ତ ଏହି ନିଷ୍ପତ୍ତି ନେଇଛନ୍ତି । ବର୍ତ୍ତମାନ ପ୍ରଧାନ ବିଚାରପତିଙ୍କ ଦ୍ୱାରା ବିଭିନ୍ନ ଖଣ୍ଡପୀଠକୁ ମାମଲା ଆବଣ୍ଟନ କରାଯାଉଛି, ଯିଏକି ଏହି ତାଲିକାର ମୁଖ୍ୟ ଭାବେ ପରିଚିତ । ଏହି କ୍ଷମତା ପ୍ରଧାନ ବିଚାରପତିଙ୍କ କାର୍ଯ୍ୟାଳୟକୁ କଡ଼ା ଯାଞ୍ଚ ପରିସର ମଧ୍ୟରେ ରଖେ ।
ତେବେ ସୁପ୍ରିମକୋର୍ଟ ରେଜିଷ୍ଟ୍ରୀ ମଧ୍ୟରେ ଦୁଇଟି ପ୍ରମୁଖ ବ୍ୟବସ୍ଥାଗତ ବିଫଳତା ଚିହ୍ନଟ ପରେ ଏକ ଅନ୍ତରୀଣ ତଦନ୍ତ ହୋଇଥିଲା । ଏହା ପରେ ସଦ୍ୟ ସଂସ୍କାରଗୁଡ଼ିକ ଆସିଛି । ଅଧିକାରୀମାନେ ଦୀର୍ଘ ସମୟ ଧରି ସମାନ ପଦବୀରେ ରହିଥିଲେ । ଅନିୟମିତ ଓ ଅନୁପଯୁକ୍ତ ମାମଲା ଆବଣ୍ଟନ ସମେତ ପୁରୁଣା ବୈଷୟିକ ଢାଞ୍ଚା ପ୍ରଶାସନିକ ତ୍ରୁଟି ପାଇଁ ଦାୟୀ ଥିଲା ।
ବର୍ଷ ବର୍ଷ ଧରି ଚାଲିଥିବା କାର୍ଯ୍ୟକାଳ ଓ ଅଦକ୍ଷତାକୁ ଦୂର କରିବା ପାଇଁ ରେଜିଷ୍ଟ୍ରୀରେ ଅଧିକାରୀମାନଙ୍କର ଆନ୍ତବିଭାଗୀୟ ସ୍ଥାନାନ୍ତରଣର ମଧ୍ୟ ଏକ ଅପ୍ରତ୍ୟାଶିତ ଧାରା ଦେଖିବାକୁ ମିଳିଛି । ଚଳିତ ମାସ ଶେଷ ପୂର୍ବରୁ ୨ୟ ପର୍ଯ୍ୟାୟ ସ୍ଥାନାନ୍ତର ଆଶା କରାଯାଉଛି । ମୁଖ୍ୟ ବିଚାରପତି ସୂର୍ଯ୍ୟକାନ୍ତ, ଜୟମାଲା ବାଗ୍ଚୀ ଓ ବିପୁଲ ପାଞ୍ଚୋଲିଙ୍କ ଖଣ୍ଡପୀଠଙ୍କ ସମ୍ମୁଖରେ ଏକ ଶୁଣାଣି ସମୟରେ ଏହି ପ୍ରସଙ୍ଗ ସାମ୍ନାକୁ ଆସିଥିଲା ।
ସୌଜନ୍ୟ Prameya News7
