Bengal Polls 2026: EC releases Post-SIR supplementary list: ମଧ୍ୟରାତ୍ରିରେ ନିର୍ବାଚନ କମିସନଙ୍କ ବଡ଼ ନିଷ୍ପତ୍ତି: ଖୋଲିଗଲା ୨୯ ଲକ୍ଷ ଲୋକଙ୍କ ଭାଗ୍ୟ

କୋଲକାତା,୨୪/୩: ଯେତେବେଳେ ସମଗ୍ର ଦେଶ ଶୋଇବା ପାଇଁ ପ୍ରସ୍ତୁତ ହେଉଥିଲା, ଠିକ୍ ସେହି ସମୟରେ ପଶ୍ଚିମବଙ୍ଗରେ ଏକ ବଡ଼ ରାଜନୈତିକ ଆଲୋଡ଼ନ ସୃଷ୍ଟି ହୋଇଛି। ସୋମବାର ରାତି ପ୍ରାୟ ୧୧:୫୫ ସମୟରେ, ଭାରତୀୟ ନିର୍ବାଚନ କମିସନ ରାଜ୍ୟର ପ୍ରଥମ ଅତିରିକ୍ତ ଭୋଟର ତାଲିକା ପ୍ରକାଶ କରିଛନ୍ତି। ଏହି ତାଲିକା ଲକ୍ଷ ଲକ୍ଷ ଲୋକଙ୍କ ଗଣତାନ୍ତ୍ରିକ ଭବିଷ୍ୟତ ନିର୍ଣ୍ଣୟ କରିଛି। ଯାହାଙ୍କ ନାମ ସପ୍ତାହ ସପ୍ତାହ ଧରି ଅନିଶ୍ଚିତତାରେ ରହିଥିଲା ସେମାନଙ୍କର ଭାଗ୍ୟ ଖୋଲି ଯାଇଛି। ଏହି ପଦକ୍ଷେପ ୨୦୨୬ ବିଧାନସଭା ନିର୍ବାଚନର ଦ୍ୱାରଦେଶରେ ଥିବା ପଶ୍ଚିମବଙ୍ଗ ପାଇଁ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଛି।

ନିର୍ବାଚନ କମିସନ ସ୍ପଷ୍ଟ କରିଛନ୍ତି ଯେ, ଆଗାମୀ ନିର୍ବାଚନ ପୂର୍ବରୁ ଏକ ସମ୍ପୂର୍ଣ୍ଣ ସ୍ୱଚ୍ଛ ଏବଂ ତ୍ରୁଟିମୁକ୍ତ ଭୋଟର ତାଲିକା ସୁନିଶ୍ଚିତ କରିବାକୁ ଚାହୁଛନ୍ତି। ଏହି ପରିପ୍ରେକ୍ଷୀରେ, ଫେବ୍ରୁଆରିରେ ପ୍ରକାଶିତ ଚୂଡ଼ାନ୍ତ ତାଲିକାରେ ବିଚାରାଧିନ ଭାବରେ ତାଲିକାଭୁକ୍ତ ଥିବା ୨୯ ଲକ୍ଷରୁ ଅଧିକ ମାମଲାର ନିଷ୍ପତ୍ତି ନିଆଯାଇଛି। ତଥାପି, ପ୍ରଶାସନ ଏପର୍ଯ୍ୟନ୍ତ ସ୍ପଷ୍ଟ କରିନାହିଁ ଯେ, ଏହି ତାଲିକାରେ କେତେ ନାମ ଯୋଡା ଯାଇଛି ଏବଂ କେତେ ନାମ ବାଦ୍ ଦିଆଯାଇଛି। ନିର୍ବାଚନ ସମୟରେ କୌଣସି ଅନିୟମିତତାର ସୁଯୋଗ ନ ରହିବା ପାଇଁ ସୁପ୍ରିମକୋର୍ଟଙ୍କ ନିର୍ଦ୍ଦେଶାବଳୀ ଅନୁଯାୟୀ ଏହି କାର୍ଯ୍ୟ କରାଯାଉଛି।

ସୌଜନ୍ୟ ସମ୍ବାଦ