୫୦୦୦ କୋଟି ବାଜିରେ ଲଗାଇଥିଲେ ନିବେଶକ, ଗୋଟି ଖେଳିଦେଲେ ଟ୍ରମ୍ପ
ଗୋଟି ଖେଳିଲେ ଟ୍ରମ୍ପ। ଏମିତି ଘୋଷଣା କଲେ, ହଠାତ ବଢ଼ିଗଲା ସେୟାର ବଜାର ଓ ଅଶୋଧିତ ତୈଳ ମୂଲ୍ୟ। ଆମେରିକାର ଗୋଟିଏ ନିଷ୍ପତ୍ତି ବିଶ୍ୱ ବଜାର ଓ ନିବେଶକଙ୍କ ମଧ୍ୟରେ ଆଶ୍ୱସ୍ତ ଆଣିଛି।
ନୂଆଦିଲ୍ଲୀ: ଭୁଶୁଡ଼ି ପଡୁଥିଲା ସେୟାର ବଜାର। ଗୋଟି ଖେଳିଲେ ଟ୍ରମ୍ପ। ଏମିତି ଘୋଷଣା କଲେ, ହଠାତ ବଢ଼ିଗଲା ସେୟାର ବଜାର ଓ ଅଶୋଧିତ ତୈଳ ମୂଲ୍ୟ। ଆମେରିକାର ଗୋଟିଏ ନିଷ୍ପତ୍ତି ବିଶ୍ୱ ବଜାର ଓ ନିବେଶକଙ୍କ ମଧ୍ୟରେ ଆଶ୍ୱସ୍ତ ଆଣିଛି। ଟ୍ରମ୍ପଙ୍କ ଇରାନକୁ ୪୮ ଘଣ୍ଟାର ଚରମବାଣୀ ଦେଇଥିଲେ। ଇରାନ ପାଓ୍ୱାର ପ୍ଲାଣ୍ଟ ଉପରେ ଯୋଜନାବଦ୍ଧ ଆକ୍ରମଣକୁ ପାଞ୍ଚ ଦିନ ପାଇଁ ସ୍ଥଗିତ ରଖିବା ପାଇଁ ତାଙ୍କର ହଠାତ୍ ଘୋଷଣା ପୂର୍ବରୁ ତୈଳ ବଜାରରେ ନିବେଶକମାନେ ଅଶୋଧିତ ତୈଳ ମୂଲ୍ୟ ଉପରେ ମୋଟ $580 ନିୟୁତ ବା ପ୍ରାୟ ୫୪୪୦ କୋଟିରୁ ଅଧିକ ଟଙ୍କାର ବାଜି ଲଗାଇ ସାରିଥିଲେ। ଗୁରୁତ୍ୱପୂର୍ଣ୍ଣ କଥା ହେଉଛି, ଏହି କାରବାରଗୁଡ଼ିକ ଟ୍ରମ୍ପଙ୍କ ଯୁଦ୍ଧ ବନ୍ଦ ଘୋଷଣାର ଠିକ୍ ୧୫ ମିନିଟ୍ ପୂର୍ବରୁ କାର୍ଯ୍ୟକାରୀ ହୋଇଥିଲା।
ଫାଇନାନ୍ସିଆଲ୍ ଟାଇମ୍ସର ରିପୋର୍ଟ ଅନୁଯାୟୀ, ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନ ସହିତ ସକାରାତ୍ମକ ଆଲୋଚନା ଚାଲିଥିବା ଏବଂ ଇରାନ ସ୍ଥଳଗୁଡ଼ିକ ଉପରେ ତାଙ୍କର ଯୋଜନାବଦ୍ଧ ଆକ୍ରମଣକୁ ପାଞ୍ଚ ଦିନ ପାଇଁ ସ୍ଥଗିତ ରଖିବା ଘୋଷଣା କରିବା ପୂର୍ବରୁ ତେଲ ଏବଂ ସେୟାର ବଜାର ଉଭୟରେ ତୀବ୍ରକାରବାର ହୋଇଥିଲା। ଟ୍ରମ୍ପ ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥ୍ ସୋସିଆଲରେ ଏହି ବିଷୟରେ ପୋଷ୍ଟ କରିବାର କିଛି ସମୟ ପୂର୍ବରୁ ୫୮୦ ନିୟୁତ ମୂଲ୍ୟର ତୈଳ ଏବଂ ଇକ୍ୱିଟି ବାଣିଜ୍ୟ କାର୍ଯ୍ୟକାରୀ ହୋଇଥିଲା।
“ଡୋନାଲ୍ଡ ଟ୍ରମ୍ପ୍ ତ୍ରୁଥ ସୋସିଆଲରେ ପୋଷ୍ଟ କରି ଦାବି କରିଥିଲେ ଯେ ଇରାନ ସହିତ ଆଲୋଚନା ଚାଲିଛି। ମୁଁ ଖୁସି ଯେ ଆମେରିକା ଏବଂ ଇରାନ ଗତ ଦୁଇ ଦିନ ଧରି ବହୁତ ଭଲ ଏବଂ ଗଠନମୂଳକ ଆଲୋଚନା କରିଛନ୍ତି। ଇରାନ ଶକ୍ତି ଭିତ୍ତିଭୂମିକୁ ଟାର୍ଗେଟ କରି ସାମରିକ ଅଭିଯାନ ୫ ଦିନ ପାଇଁ ବନ୍ଦ କରାଯାଉଛି। ଏହା ଉତ୍ତେଜନା ହ୍ରାସର ଏକ ସମ୍ଭାବ୍ୟ ସଙ୍କେତ।”
ସରଳ ଭାବରେ କହିବାକୁ ଗଲେ, ଏହି କ୍ଷେତ୍ରର ବ୍ୟବସାୟୀ ଏବଂ ନିବେଶକମାନେ ଆଶା କରିଥିଲେ – ଟ୍ରମ୍ପ ତାଙ୍କର ସାର୍ବଜନୀନ ଘୋଷଣା କରିବା ପୂର୍ବରୁ ମଧ୍ୟ ତେଲ ମୂଲ୍ୟ ଦ୍ରୁତ ଗତିରେ ହ୍ରାସ ପାଇବ ଏବଂ ଷ୍ଟକ୍ ବଜାର ବୃଦ୍ଧି ପାଇବ। ପରବର୍ତ୍ତୀ ସମୟରେ, ଯେତେବେଳେ ଆମେରିକା ରାଷ୍ଟ୍ରପତି ଇରାନ ଉପରେ ଆକ୍ରମଣ ସମ୍ପର୍କରେ ଘୋଷଣା କଲେ ଏବଂ ସୋସିଆଲ ମିଡିଆରେ ଏକ ପୋଷ୍ଟ ସେୟାର କଲେ, ତେଲ ମୂଲ୍ୟ ଏହି ପୂର୍ବାନୁମାନ ଅନୁଯାୟୀ ହଠାତ୍ ଖସିଗଲା। ବିଶ୍ୱବ୍ୟାପୀ ସେୟାର ବଜାର ବୃଦ୍ଧି ପାଇଲା।
ରିପୋର୍ଟରୁ ଜଣାପଡିଛି ଯେ, ବ୍ୟବସାୟୀମାନେ ବ୍ରେଣ୍ଟ କ୍ରୁଡ୍ ଏବଂ ୱେଷ୍ଟ ଟେକ୍ସାସ ଇଣ୍ଟରମିଡିଏଟ୍ (WTI) କ୍ରୁଡ୍ ଉପରେ ପ୍ରାୟ ୫୮୦ ମିଲିୟନ ମୂଲ୍ୟର ବାଜି ଲଗାଇଥିଲେ। ବିଶେଷଜ୍ଞମାନେ କହିଛନ୍ତି ଯେ ଏତେ ପରିମାଣର ବାଣିଜ୍ୟ – ଏତେ ସୀମିତ ସମୟସୀମା ମଧ୍ୟରେ ଅତ୍ୟନ୍ତ ଅସାଧାରଣ। ତଥାପି, ଟ୍ରମ୍ପଙ୍କ ଦାବିକୁ ଇରାନ ଏହି ରିପୋର୍ଟକୁ “ମିଥ୍ୟା ଖବର” ବୋଲି କହିଛି। ଆମେରିକା ସହିତ କୌଣସି ଆଲୋଚନାରେ ସାମିଲ ହେବା ଅସ୍ୱୀକାର କରିଛି।
ସୌଜନ୍ୟ Prameya News7
