ଆଇପିଏଲ୍ ୨୦୨୬ରେ ପ୍ରଫୁଲ୍ଲ ହିଙ୍ଗେ ତାଙ୍କ ଡେବ୍ୟୁ ମ୍ୟାଚ୍ରେ ଅସାଧାରଣ ପ୍ରଦର୍ଶନ କରି ସବୁଙ୍କୁ ଆଶ୍ଚର୍ଯ୍ୟଚକିତ କରିଦେଇଛନ୍ତି। ସେହିଭଳି ସାକିବ୍ ହୁସେନ୍ ମଧ୍ୟ ମ୍ୟାଚର ଦିଗ ପୁରା ବଦଳାଇଦେଇଥିଲେ।
ନୂଆଦିଲ୍ଲୀ: ରୋମାଞ୍ଚକର ହେଉଛି ଫଟାଫଟ୍ କ୍ରିକେଟ । ମୁକାବିଲା ବି ଭାରି ଜବରଦସ୍ତ । ବେଳେ ବେଳେ ଯୋଡିହେଉଛି ଅଲୋଡା ରେକର୍ଡ । କାରଣ IPLର ବଡ଼ ମଞ୍ଚ ସୃଷ୍ଟି କରେ ନୂଆ ଖେଳାଳି । ଏପରି କାହାଣୀ ଲେଖାଯାଏ ଯାହା ବିଶ୍ୱାସ କରିବା କଷ୍ଟକର । ଏଥରକ ବି ଲେଖିହୋଇଛି ନୂା କାହାଣୀ । ଆଉ ସେହି କାହାଣୀର ନୂଆ ନାୟକ ପ୍ରଫୁଲ ହିଙ୍ଗ୍ ଓ ସାକିବ୍ ହୁସେନ୍ । ଦୁଇଟି ଯାକ ଖେଳାଳି ସନରାଇଜର୍ସ ହାଇଦ୍ରାବାଦର । ଏମିତି କିଛି କରିଛନ୍ତି ଯାହାକୁ ଯୋଡିହୋଇଛି ନୂଆ ରେକର୍ଡ । ତା ପୁଣି ଡେବ୍ୟୁ ମ୍ୟାଚ୍ରେ ।
ପ୍ରଥମ ମ୍ୟାଚ୍ରେ ଏମିତି ପରିସ୍ଥିତି ସୃଷ୍ଟି କରିଥିଲେ । ଯାହା ଦେଖି ସବୁ ତାଜୁବ୍ । ଏହି ଦୁଇ ଡେବ୍ୟୁଟାଣ୍ଟ ଦ୍ରୁତ ବୋଲର ଆରମ୍ଭରୁ ହିଁ ରାଜସ୍ଥାନ ରୟାଲ୍ସର ଶକ୍ତିଶାଳୀ ବ୍ୟାଟିଂ କ୍ରମକୁ ଧ୍ୱଂସ କରିଦେଇଥିଲେ। ମ୍ୟାଚ୍ ର ଫଳାଫଳ ତୃତୀୟ ଓଭର ପର୍ଯ୍ୟନ୍ତ ସ୍ପଷ୍ଟ ହୋଇଯାଇଥିଲା । ଯେତେବେଳେ RR ୯/୫ ଥିଲା । IPL ଇତିହାସରେ ପ୍ରଥମ ଥର ପାଇଁ, ଜଣେ ବୋଲର ମ୍ୟାଚ୍ ର ପ୍ରଥମ ଓଭରରେ ତିନୋଟି ୱିକେଟ ନେଇଥିଲେ । ପ୍ରଫୁଲ ହିଙ୍ଗ୍ ତାଙ୍କ ଡେବ୍ୟୁରେ ଏହି ସଫଳତା ହାସଲ କରିଥିଲେ।
ବିଦର୍ଭର ଏହି ଯୁବ ପେସରଙ୍କ ପାଇଁ, ଏହା ଏକ ସ୍ୱପ୍ନ ସାକାର ହୋଇଥିଲା। ପ୍ରଥମ ବଲ୍ ରେ ବୈଭବ ସୂର୍ଯ୍ୟବଂଶୀଙ୍କୁ ଆଉଟ୍ କରିବା ପରେ ହିଙ୍ଗ୍ ଯେଉଁ ଉତ୍ସବ କରିଥିଲେ ତାହା ପ୍ରତିଫଳିତ କରିଥିଲା ଯେ ଏହି ୱିକେଟ୍ ତାଙ୍କ ପାଇଁ କେତେ ସ୍ୱତନ୍ତ୍ର ଥିଲା। ତା’ପରେ ସେ ସେହି ଓଭରରେ ଆଉ ଦୁଇଟି ୱିକେଟ୍ ନେଇଥିଲେ, ରାଜସ୍ଥାନର ବ୍ୟାଟିଂକୁ ଗରମ ବଟରରେ ଛୁରୀ ପରି ଚିରି ଦେଇଥିଲେ।ତଥାପି, ରବିନ୍ଦ୍ର ଜାଡେଜା ଓ ଡୋନୋଭାନ ଫେରେରା ହାର ମାନିବାକୁ ରାଜି ନଥିଲେ । ଫେରେରା ଆକ୍ରମଣାତ୍ମକ ଖେଳ ପ୍ରଦର୍ଶନ କଲେ ।
ଜାଡେଜାଙ୍କ ସହ ମିଶି ଷଷ୍ଠ ୱିକେଟ ପାଇଁ ୧୧୮ ରନର ପାର୍ଟନରସିପ୍ ଗଠନ କଲେ। କିନ୍ତୁ ସାକିବ ହୁସେନ ଫେରେରାଙ୍କୁ ଆଉଟ୍ କରି ଏହି ପାର୍ଟନରସିପ୍ ଭାଙ୍ଗି ଦେଲେ ଏବଂ ସେଠାରୁ ସନରାଇଜର୍ସ ହାଇଦ୍ରାବାଦ ମ୍ୟାଚ୍ ଉପରେ ସମ୍ପୂର୍ଣ୍ଣ ନିୟନ୍ତ୍ରଣ ରଖିଲା। ଅଧିନାୟକ ଇଶାନ କିଶାନଙ୍କ ହସ ସାରା ମ୍ୟାଚ୍ ରେ ବହୁତ କିଛି କହିଥିଲା । ତାଙ୍କ ଦଳ କେବଳ RRକୁ ୫୭ ରନରେ ପରାସ୍ତ କରିନଥିଲା । ବରଂ ସେମାନଙ୍କର ବିଜୟ ଧାରା ମଧ୍ୟ ଭାଙ୍ଗି ଦେଇଥିଲା।
ସୌଜନ୍ୟ Prameya News7