ୱାସିଂଟନ: ନୋବେଲ ଶାନ୍ତି ପୁରସ୍କାର ପାଇଁ ଚାହିଁ ବସିଥିବା ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୁଣି ଥରେ ନିଜ ମୁହଁରେ ନିଜକୁ ଶ୍ରେୟ ଦେଇଛନ୍ତି। ସେ କହିଛନ୍ତି ମୁଁ ଶାନ୍ତିଦୂତ। ବିଶ୍ବରେ ୮ଟି ମହାଯୁଦ୍ଧକୁ ମୁଁ ବନ୍ଦ କରିଛି। ତାଙ୍କ ଅନୁସାରେ, ଭାରତ ଏବଂ ପାକିସ୍ତାନ ମଧ୍ୟରେ ସଂଘର୍ଷ ବନ୍ଦ ସହିତ ତାଙ୍କର ଏହି ଏହି ପ୍ରୟାସଗୁଡ଼ିକ ଯୋଗୁଁ ୩ ରୁ ୫ କୋଟି ଲୋକଙ୍କ ଜୀବନ ରକ୍ଷା କରାଯାଇପାରିଛି। ଏହି ଦାବି ମାଧ୍ୟମରେ, ଟ୍ରମ୍ପ ବିଶ୍ୱ ସ୍ତରରେ ଶାନ୍ତି ସ୍ଥାପନାରେ ତାଙ୍କର ଭୂମିକାକୁ ଗୁରୁତ୍ୱାରୋପ କରିବାକୁ ଚେଷ୍ଟା କରୁଛନ୍ତି। ସେ ଇରାନ ସହିତ ଏକ ସମ୍ଭାବ୍ୟ ଐତିହାସିକ ଶାନ୍ତି ଚୁକ୍ତି ବିଷୟରେ ମଧ୍ୟ ଆଶାବାଦୀ ଥିବା ପ୍ରକାଶ କରିଛନ୍ତି। ଦୁଇ ଦେଶ ମଧ୍ୟରେ ଏକ ଚୁକ୍ତି ଅତ୍ୟନ୍ତ ନିକଟତର ଏବଂ କୌଣସି ଏଥିରେ ପ୍ରମୁଖ ପ୍ରତିବନ୍ଧକ ନାହିଁ। ଗଣମାଧ୍ୟମ ସହ ଏକ ସଂକ୍ଷିପ୍ତ ଟେଲିଫୋନ ସାକ୍ଷାତକାରରେ, ଟ୍ରମ୍ପ କହିଛନ୍ତି, ଆଲୋଚନା ଏକ ସକାରାତ୍ମକ ଦିଗରେ ଅଗ୍ରସର ହେଉଛି ଏବଂ ଏହି ଚୁକ୍ତି ସମସ୍ତ ପକ୍ଷଙ୍କ ପାଇଁ ଲାଭଦାୟକ ପ୍ରମାଣିତ ହୋଇପାରେ।
ଭବିଷ୍ୟତରେ ବନ୍ଦ ହେବ ନାହିଁ
ଟ୍ରମ୍ପ ମଧ୍ୟ ଜୋର ଦେଇ କହିଛନ୍ତି ଯେ ହର୍ମୁଜ୍ ପ୍ରଣାଳୀ ପୂର୍ବରୁ ଖୋଲା ଅଛି ଏବଂ ଭବିଷ୍ୟତରେ ବନ୍ଦ ହେବ ନାହିଁ। ସେ ଏହାକୁ ଆଞ୍ଚଳିକ ସ୍ଥିରତା ପାଇଁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି କହିଛନ୍ତି। ଏ ପରିସ୍ଥିତି ନିୟନ୍ତ୍ରଣରେ ଅଛି ଏବଂ ସବୁକିଛି ସୁରୁଖୁରୁରେ ଚାଲିଛି। ଏହି ବିବୃତି ତାଙ୍କର ସୋସିଆଲ ମିଡିଆ ପ୍ଲାଟଫର୍ମରେ ଅନେକ ପୋଷ୍ଟ ପରେ ଆସିଥିଲା ଯେଉଁଥିରେ ସେ ପ୍ରଣାଳୀ ପୁଣି ଖୋଲିବା ନେଇ ସନ୍ତୋଷ ପ୍ରକାଶ କରିଥିଲେ। ଏପରିସ୍ଥଳେ ଇରାନ କହିଛି, ହର୍ମୁଜ୍ ପ୍ରଣାଳୀ ଖୋଲିବା ଏହାର ନିଜସ୍ୱ ପଦକ୍ଷେପର ଏକ ଅଂଶ, ଯେଉଁଥିରେ କିଛି ସର୍ତ୍ତ ମଧ୍ୟ ଅନ୍ତର୍ଭୁକ୍ତ। ତେହେରାନ ଅନୁଯାୟୀ, ଆମେରିକା ସହିତ ଆଲୋଚନା ଏପର୍ଯ୍ୟନ୍ତ ପ୍ରାଥମିକ ପର୍ଯ୍ୟାୟରେ ଅଛି, ଏବଂ ଅନେକ ପ୍ରମୁଖ ପ୍ରସଙ୍ଗରେ ସହମତି ହେବାକୁ ବାକି ଅଛି। ଏହି ସମୟରେ, ଟ୍ରମ୍ପ କହିଛନ୍ତି ଯେ ଯଦିଓ କିଛି ମତଭେଦ ଅଛି, ସେଗୁଡ଼ିକୁ ଆଲୋଚନା ମାଧ୍ୟମରେ ସମାଧାନ କରାଯାଇପାରିବ ଏବଂ ବର୍ତ୍ତମାନ କୌଣସି ଗମ୍ଭୀର ପ୍ରତିବନ୍ଧକ ଥିବାର ଦେଖାଯାଉନାହିଁ।
ସୌଜନ୍ୟ ସମ୍ବାଦ