ରାଜ୍ୟରେ ୪୫ ପ୍ରତିଶତରୁ ଅଧିକ ଜଙ୍ଗଲ ରହିଛି। ଶୁଖିଲା ପତ୍ର, ଡାଳ ଓ ପାଇନ୍ କାଠି ଜମା ହେବା କାରଣରୁ ପ୍ରତିବର୍ଷ ନଭେମ୍ବରରୁ ମେ ମାସ ମଧ୍ୟରେ ଅଗ୍ନିକାଣ୍ଡ ଘଟିଥାଏ। କିନ୍ତୁ ଏବେ ନିଆଁର ବାରମ୍ବାରତା ଓ ତୀବ୍ରତା ବୃଦ୍ଧି ପାଉଛି। ବିଶ୍ଳେଷଣରୁ ଜଣାପଡିଛି ଯେ ରାଜ୍ୟରେ ଅଗ୍ନିକାଣ୍ଡ ଘଟଣା ୨୦୦୨ରେ ୯୨୨ରୁ ୨୦୧୯ରେ ୪୧,୬୦୦କୁ ବୃଦ୍ଧି ପାଇଛି। ରୁଦ୍ରପ୍ରୟାଗର ଡିଭିଜନାଲ ଫରେଷ୍ଟ ଅଫିସର (ଡିଏଫ୍ଓ) ରଜତ ସୁମନ କହିଛନ୍ତି ଯେ ଅନେକ ନିଆଁ ଜାଣିଶୁଣି ଲଗାଯାଉଛି। କିଛି ଅଭିଯୁକ୍ତଙ୍କୁ ଗିରଫ କରାଯାଇଛି ଓ ତଦନ୍ତ ଚାଲିଛି। ଏଭଳି ମାମଲାରେ ଅପରାଧୀଙ୍କୁ ବିପର୍ଯ୍ୟୟ ପରିଚାଳନା ଆଇନ ଅନୁଯାୟୀ ଆର୍ଥିକ ଦଣ୍ଡ ଓ ଦୁଇ ବର୍ଷ ପର୍ଯ୍ୟନ୍ତ ଜେଲ ଦଣ୍ଡର ବ୍ୟବସ୍ଥା ରହିଛି।