ନୂଆଦିଲ୍ଲୀ: ଉଦୟପୁରରେ ଆଜି ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ବରିଷ୍ଠ ତାମିଲ ପ୍ରଯୋଜକ ଆର୍ବି ଚୌଧରୀଙ୍କ ପରଲୋକ ଘଟିଛି। ଆଜି ଅପରାହ୍ଣ ୩ଟାରେ ଏହା ଘଟିଥିବାବେଳେ ଦୁର୍ଘଟଣାର ପ୍ରକୃତ କାରଣ କ’ଣ ଜଣାପଡ଼ିନାହିଁ। ସୁପର ଗୁଡ୍ ଫିଲ୍ମ୍ସ ବ୍ୟାନର ପ୍ରତିଷ୍ଠା କରିଥିବା ଏହି ପ୍ରଯୋଜକ ୧୯୮୮ରୁ ତାମିଲ ସିନେମାରେ ଜଣେ ପ୍ରମୁଖ ନାମ। ତାଙ୍କ ମରଶରୀର ଆସନ୍ତାକାଲି ଚେନ୍ନାଇ ଅଣାଯାଇ ଅନ୍ତିମ ସଂସ୍କାର କରାଯିବ।
ଆର୍ବି ଚୌଧରୀଙ୍କ ମୃତ୍ୟୁ ଘଟଣାରେ ଫିଲ୍ମ ଜଗତରେ ଗଭୀର ଶୋକର ଛାୟା ଖେଳିଯାଇଛି। ବନ୍ଧୁଙ୍କୁ ହରାଇ ସୁପରଷ୍ଟାର୍ ରଜନୀକାନ୍ତ ମଧ୍ୟ ଶୋକ ପ୍ରକାଶ କରିଛନ୍ତି। ଏକ୍ସରେ ଏକ ପୋଷ୍ଟ୍ କରି ରଜନୀକାନ୍ତ କହିଛନ୍ତି, ‘ମୋର ପ୍ରିୟ ବନ୍ଧୁ ଆର୍ବି ଚୌଧରୀ ଜଣେ ଆଗଧାଡ଼ିର ପ୍ରଯୋଜକ ଓ ଜଣେ ଚମତ୍କାର ମଣିଷ ଥିଲେ। ଅଗଣିତ ଯୁବ ନିର୍ଦ୍ଦେଶକଙ୍କୁ ସେ ସୁଯୋଗ ପ୍ରଦାନ କରିଛନ୍ତି। ତାଙ୍କ ଅକାଳ ବିୟୋଗରେ ମୁଁ ଗଭୀର ଭାବେ ଦୁଃଖିତ।
