Suhasini Mulay Love Story: ୬୦ ବର୍ଷରେ କନିଆ ସାଜିଥିଲେ ଅମୀରଙ୍କ ଅନ୍ସ୍କ୍ରିନ ମା’, ଜାଣନ୍ତୁ ତାଙ୍କ ଲଭଷ୍ଟୋରୀ ବିଷୟରେ…
ମୁମ୍ଵାଇ ୧୯।୦୬; ପ୍ରାୟତଃ ଚର୍ଚ୍ଚା ହୁଏ ଯେ ସୁପରଷ୍ଟାର ସଲମାନ ଖାନ ୬୦ ବର୍ଷରେ ମଧ୍ୟ ଅବିବାହିତା ରହିଛନ୍ତି । ବିବାହ କରିବାକୁ ତାଙ୍କର କୌଣସି ଇଚ୍ଛା ନାହିଁ। ହେଲେ ଏବେ ଏଭଳି ଏକ ଖବର ସାମ୍ନାକୁ ଆସିଛି । ଯାହା ଆପଣ ଜାଣି ଆଶ୍ଚର୍ଯ୍ୟ ହେବେ ଇଣ୍ଡଷ୍ଟ୍ରିରେ ଜଣେ ପ୍ରବୀଣ ଅଭିନେତ୍ରୀ ଅଛନ୍ତି। ଯିଏ ଦଶନ୍ଧି ଧରି ଅବିବାହିତ ରହିଥିଲେ ଏବଂ ୬୦ ବର୍ଷ ବୟସରେ ବିବାହ ବନ୍ଧନରେ ଆବଦ୍ଧ ହୋଇଥିଲେ।
ତାଙ୍କ ନାମ ସୁହାସିନୀ ମୁଲେ। କଲ୍ଟ କ୍ଲାସିକ୍ ଚଳଚ୍ଚିତ୍ର ଲଗନରେ ସୁପରଷ୍ଟାର ଅମୀର ଖାନଙ୍କ ମାଆ ଯଶୋଦା ଭୂମିକାରେ ଅଭିନୟ କରିଥିଲେ। ଆସନ୍ତୁ ତାଙ୍କ ପ୍ରେମ କାହାଣୀ ଉପରେ ନଜର ପକାଇବା। ଅଭିନେତ୍ରୀ ସୁହାସିନୀ ମୁଲେ ପାଞ୍ଚ ଦଶନ୍ଧିରୁ ଅଧିକ ସମୟ ଧରି ହିନ୍ଦୀ ସିନେମାରେ ଆକ୍ଟିଭ୍ ଅଛନ୍ତି। ସେ ତାଙ୍କ ବ୍ୟକ୍ତିଗତ ଜୀବନ ପାଇଁ ସର୍ବାଧିକ ଧ୍ୟାନ ଆକର୍ଷଣ କରିଛନ୍ତି। ଅନୁ କପୁରଙ୍କ ଶୋ ସୁହାନା ସଫରରେ ୬୦ ବର୍ଷ ବୟସରେ ତାଙ୍କ ବିବାହ ବିଷୟରେ ଖୋଲାଖୋଲି ଭାବେ କହିଥିଲେ, ମୁଁ ୬୦ ବର୍ଷ ବୟସରେ ପ୍ରଥମ ଥର ପାଇଁ ବିବାହ କରିଥିଲି। ଏପର୍ଯ୍ୟନ୍ତ ମୁଁ ସଠିକ୍ ଜୀବନସାଥୀ ପାଇ ନଥିଲି। ମୋ ସ୍ୱାମୀ ଅତୁଲ ଜଣେ ପ୍ରସିଦ୍ଧ ବୈଜ୍ଞାନିକ। ଯେତେବେଳେ ସେ ବିଜ୍ଞାନ ବିଷୟରେ କଥା ହୁଅନ୍ତି ମୁଁ କିଛି ବୁଝିପାରେ ନାହିଁ, କିନ୍ତୁ ସେ ଜଣେ ଚମତ୍କାର ମଣିଷ।
ସେ ସିଧାସଳଖ ପ୍ରସ୍ତାବ ଦେଇନଥିଲେ, କିନ୍ତୁ ସେ ଏକ ସଙ୍କେତ ଦେଇଥିଲେ। ଯେତେବେଳେ ମୁଁ ଜାଣିଲି ଯେ ସେ କାହାକୁ ଖୋଜୁଛନ୍ତି, ମୁଁ ନିଜ ମନରେ ହସିଦେଲି। ମୁଁ ଭାବିଲି, ଯଦି ମୁଁ ୬୦ ବର୍ଷ ମଧ୍ୟରେ ସଠିକ୍ ବ୍ୟକ୍ତି ପାଇଲି ନାହିଁ, ତେବେ ମୁଁ ଏବେ ହଠାତ୍ କିପରି ପାଇବି? ସୁହାସିନୀ ଆହୁରି କହିଛନ୍ତି, “ମୁଁ ଜଣେ ସହ-କଳାକାରଙ୍କ ପରାମର୍ଶରେ ଏକ ଫେସବୁକ ଆକାଉଣ୍ଟ ଖୋଲିଥିଲି। ସେତେବେଳେ ମୁଁ ଏହା ବିଷୟରେ ପ୍ରକୃତରେ କିଛି ଜାଣି ନଥିଲି।
ଗୋଟିଏ ଦିନ, ଫେସବୁକ୍ ବ୍ରାଉଜ୍ କରିବା ସମୟରେ, ଏକ ପ୍ରୋଫାଇଲ୍ ସୁପାରିଶ ମୋ ନଜରରେ ପଡ଼ିଲା ଏହା ଥିଲା ଅତୁଲ ଗୁର୍ତୁଙ୍କ ହ୍ୟାଣ୍ଡେଲ୍। ସେହିଠାରୁ ଆମର କଥାବାର୍ତ୍ତା ଆରମ୍ଭ ହୋଇଥିଲା ଏବଂ ୭୫ ଦିନ ମଧ୍ୟରେ, ଆମେ ବିବାହ କରିବାକୁ ନିଷ୍ପତ୍ତି ନେଇଥିଲୁ। ଆପଣଙ୍କୁ କହି ରଖୁଛୁ ଯେ ସୁହାସିନ୍ ୨୦୧୧ ମସିହାରେ ଅତୁଲଙ୍କୁ ବିବାହ କରିଥିଲେ।
ସୌଜନ୍ୟ Prameya News7
