Pakistan: ପାକିସ୍ତାନ-କୁଏତ ମଧ୍ୟରେ ପ୍ରତିରକ୍ଷା ଚୁକ୍ତି ଆଲୋଚନା: ପଶ୍ଚିମ ଏସିଆରେ ବଦଳୁଛି ସୁରକ୍ଷା ସମୀକରଣ

ବର୍ତ୍ତମାନ କୁଏତ ଓ ପାକିସ୍ତାନ ମଧ୍ୟରେ ସୀମିତ ପ୍ରତିରକ୍ଷା ସହଯୋଗ ରହିଛି। ଏଥିରେ ସାମରିକ ପ୍ରଶିକ୍ଷଣ ଓ ମିଳିତ ଅଭ୍ୟାସ ସାମିଲ। ନୂଆ ଚୁକ୍ତି ହେଲେ ଏହି ସହଯୋଗର ପରିସର ଆହୁରି ବଢ଼ିପାରେ। ତେବେ ପାକିସ୍ତାନ ସରକାର ସ୍ପଷ୍ଟ କରିଛନ୍ତି ଯେ, ଏହି ପର୍ଯ୍ୟାୟରେ କୁଏତରେ ଯୁଦ୍ଧ କରିବା ପାଇଁ ସେନା ମୁତୟନ କରିବାର କୌଣସି ଯୋଜନା ନାହିଁ। ଏହା ପୂର୍ବରୁ ପାକିସ୍ତାନ ସାଉଦି ଆରବ ସହ ଏକ ରଣନୈତିକ ପାରସ୍ପରିକ ପ୍ରତିରକ୍ଷା ଚୁକ୍ତି କରିସାରିଛି। ସେହି ଚୁକ୍ତି ଅନୁସାରେ ଆବଶ୍ୟକ ପଡ଼ିଲେ ପାକିସ୍ତାନ ସାଉଦି ଆରବକୁ ସେନା, ଯୁଦ୍ଧ ବିମାନ ଓ ଅନ୍ୟାନ୍ୟ ସାମରିକ ସହାୟତା ଯୋଗାଇପାରିବ। କିନ୍ତୁ ସମ୍ପ୍ରତି ଇରାନ ଆକ୍ରମଣରୁ ପାକିସ୍ତାନ ସାଉଦି ଆରବକୁ ରକ୍ଷା କରି ପାରି ନ ଥିବା ବେଳେ ବର୍ତ୍ତମାନ କୁଏତ ସହ ମଧ୍ୟ ସମାନ ଧରଣର ବ୍ୟବସ୍ଥା ନେଇ ଆଲୋଚନା କରୁଛି।