Abhishek banerjee: ଚିକିତ୍ସା ପାଇଁ ବିଦେଶ ଯିବାକୁ ଅଭିଷେକ ବାନାର୍ଜୀଙ୍କୁ ହାଇକୋର୍ଟରୁ ମିଳିଲାନି ଅନୁମତି
ତୃଣମୂଳ କଂଗ୍ରେସ ସାଂସଦ ଅଭିଷେକ ବାନାର୍ଜୀଙ୍କୁ ସୋମବାର କଲିକତା ହାଇକୋର୍ଟରୁ ଝଟ୍କା ଲାଗିଛି। ହାଇକୋର୍ଟ ଅଭିଷେକଙ୍କୁ ଚକ୍ଷୁ ଚିକିତ୍ସା ପାଇଁ ବିଦେଶ ଯାତ୍ରା କରିବାକୁ ଅନୁମତି ପ୍ରଦାନ କରିବାକୁ ମନା କରିଦେଇଛନ୍ତି।
କୋଲକାତା: ତୃଣମୂଳ କଂଗ୍ରେସସାଂସଦ ଅଭିଷେକ ବାନାର୍ଜୀଙ୍କୁ ସୋମବାର କଲିକତା ହାଇକୋର୍ଟରୁ ଝଟ୍କା ଲାଗିଛି। ହାଇକୋର୍ଟ ଅଭିଷେକଙ୍କୁ ଚକ୍ଷୁ ଚିକିତ୍ସା ପାଇଁ ବିଦେଶ ଯାତ୍ରା କରିବାକୁ ଅନୁମତି ପ୍ରଦାନ କରିବାକୁ ମନା କରିଦେଇଛନ୍ତି। ହାଇକୋର୍ଟ ନିର୍ବାଚନୀ ଭାଷଣ ମାମଲାରେ ଅଭିଷେକଙ୍କୁ ସେପ୍ଟେମ୍ବର ୩୦ ପର୍ଯ୍ୟନ୍ତ ପୁଲିସ କାର୍ଯ୍ୟାନୁଷ୍ଠାନରୁ ମଧ୍ୟବର୍ତ୍ତିକାଳୀନ ସୁରକ୍ଷା ପ୍ରଦାନ କରିଛନ୍ତି। ତେବେ ଜଷ୍ଟିସ ସୌଗତ ଭଟ୍ଟାଚାର୍ଯ୍ୟଙ୍କ ଖଣ୍ଡପୀଠ ଅଭିଷେକଙ୍କୁ ରାଜ୍ୟ ସରକାରଙ୍କ ଦ୍ବାରା ପରିଚାଳିତ ଏସ୍ଏସ୍କେଏମ୍ ମେଡିକାଲ କଲେଜ ଓ ହସ୍ପିଟାଲରେ ଚକ୍ଷୁ ଯାଞ୍ଚ କରାଇବାକୁ ନିର୍ଦ୍ଦେଶ ଦେଇଛନ୍ତି। ଯଦି ଏସ୍ଏସ୍କେଏମ୍ ମେଡିକାଲ କଲେଜ ଓ ହସ୍ପିଟାଲର ମେଡିକାଲ ବୋର୍ଡ଼ କୋଲକାତାରେ ଚିକିତ୍ସା ସମ୍ଭବ ନୁହେଁ ବୋଲି ରିପୋର୍ଟ ଦିଅନ୍ତି ତେବେ ଅଭିଷେକଙ୍କ ବିଦେଶ ଗସ୍ତ ଆବେଦନ ଉପରେ ବିଚାର କରାଯିବ ବୋଲି କୋର୍ଟ କହିଛନ୍ତି। କୋର୍ଟ ଏହି ମାମଲାର ପରବର୍ତ୍ତୀ ଶୁଣାଣି ଆସନ୍ତା ମାସକୁ ଘୁଞ୍ଚାଇ ଦେଇଛନ୍ତି।
ଅଭିଷେକଙ୍କ ଓକିଲ କୋର୍ଟଙ୍କୁ କହିଥିଲେ ଯେ, ସେ ତାଙ୍କର ଚିକିତ୍ସା ପାଇଁ ୧୦ ବର୍ଷ ଧରି ଆମେରିକା ଯାଉଛନ୍ତି ଓ ତାଙ୍କୁ ଯାତ୍ରା କରିବାକୁ ଅନୁମତି ଦିଆଯିବା ଉଚିତ। ଅତିରିକ୍ତ ଆଡଭୋକେଟ୍ ଜେନେରାଲ ରାଜଦୀପ ମଜୁମଦାର କହିଛନ୍ତି ଯେ, ବାନାର୍ଜୀଙ୍କ ଭାରତରେ ଅନୁପସ୍ଥିତି ମାମଲାଗୁଡ଼ିକର ତଦନ୍ତକୁ ପ୍ରଭାବିତ କରିବ। ଏହି ମାମଲାରେ ୨୦୨୬ ବିଧାନସଭା ନିର୍ବାଚନ ପୂର୍ବରୁ ପ୍ରଚାରବେଳେ ଉତ୍ତେଜକ ଭାଷଣ ଦେବା ମାମଲା ରହିଛି। ଏହି ପ୍ରସଙ୍ଗରେ ମେ ୧୫ ତାରିଖରେ ବାନାର୍ଜୀଙ୍କ ବିରୋଧରେ ଭାରତୀୟ ନ୍ୟାୟ ସଂହିତା ଓ ଜନପ୍ରତିନିଧି ଆଇନ ଅନୁଯାୟୀ ମାମଲା ରୁଜୁ କରାଯାଇଥିଲା।
ସୌଜନ୍ୟ ସମ୍ବାଦ
