Sonam Wangchuk: ମେଦାନ୍ତ ହସ୍ପିଟାଲରୁ ବାହାରିଲେ ସୋନମ ୱାଙ୍ଗଚୁକ, ଲଦାଖ ଫେରିବା ପୂର୍ବରୁ ରାଜଘାଟରେ ଶ୍ରଦ୍ଧାଞ୍ଜଳି
ଛାତ୍ର ଆନ୍ଦୋଳନ ଓ ପେପର ଲିକ୍ ପ୍ରସଙ୍ଗକୁ ନେଇ ସମ୍ପ୍ରତି ଦିଲ୍ଲୀରେ ଚର୍ଚ୍ଚାରେ ଥିବା ପରିବେଶବିତ୍ ଓ ଶିକ୍ଷାବିତ୍ ସୋନମ ୱାଙ୍ଗଚୁକ ସୋମବାର ଗୁରୁଗ୍ରାମସ୍ଥିତ ମେଦାନ୍ତ ହସ୍ପିଟାଲରୁ ବାହାରିଛନ୍ତି।
ନୂଆଦିଲ୍ଲୀ: ଛାତ୍ର ଆନ୍ଦୋଳନ ଓ ପେପର ଲିକ୍ ପ୍ରସଙ୍ଗକୁ ନେଇ ସମ୍ପ୍ରତି ଦିଲ୍ଲୀରେ ଚର୍ଚ୍ଚାରେ ଥିବା ପରିବେଶବିତ୍ ଓ ଶିକ୍ଷାବିତ୍ ସୋନମ ୱାଙ୍ଗଚୁକ ସୋମବାର ଗୁରୁଗ୍ରାମସ୍ଥିତ ମେଦାନ୍ତ ହସ୍ପିଟାଲରୁ ବାହାରିଛନ୍ତି। ଦୀର୍ଘ ଅନଶନ ଦ୍ବାରା ଅସୁସ୍ଥ ହେବା ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ହସ୍ପିଟାଲରୁ ବାହାରିବା ପରେ ସେ ପ୍ରଥମେ ନୂଆଦିଲ୍ଲୀର ରାଜଘାଟକୁ ଯାଇ ମହାତ୍ମା ଗାନ୍ଧୀଙ୍କ ସମାଧିସ୍ଥଳରେ ଶ୍ରଦ୍ଧାଞ୍ଜଳି ଜଣାଇଥିଲେ। ଏହାପରେ ସେ ଲଦାଖ ଫେରିବେ।
ସୋନମ ୱାଙ୍ଗଚୁକ କହିଛନ୍ତି ଯେ, ଚିକିତ୍ସା ପରେ ତାଙ୍କ ସ୍ୱାସ୍ଥ୍ୟରେ ଉନ୍ନତି ଘଟିଛି ଏବଂ ସେ ବର୍ତ୍ତମାନ ସୁସ୍ଥ ଅନୁଭବ କରୁଛନ୍ତି। ଚିକିତ୍ସକ, ହସ୍ପିଟାଲ କର୍ମଚାରୀ ଓ ତାଙ୍କ ସୁସ୍ଥତା କାମନା କରିଥିବା ଦେଶବାସୀଙ୍କ ପ୍ରତି ସେ କୃତଜ୍ଞତା ଜଣାଇଥିଲେ। ନିଜକୁ ସମର୍ଥନ କରିଥିବା ସମସ୍ତଙ୍କୁ ଧନ୍ୟବାଦ ଦେବା ସହ ଶାନ୍ତିପୂର୍ଣ୍ଣ ଓ ଗଣତାନ୍ତ୍ରିକ ଆନ୍ଦୋଳନ ଜାରି ରଖିବାକୁ ସେ ଆହ୍ୱାନ କରିଥିଲେ। ରାଜଘାଟ ପରିଦର୍ଶନ ପରେ ୱାଙ୍ଗଚୁକ କହିଥିଲେ, ମହାତ୍ମା ଗାନ୍ଧୀଙ୍କ ସତ୍ୟ ଓ ଅହିଂସାର ଆଦର୍ଶ ଆଜି ମଧ୍ୟ ଦେଶ ପାଇଁ ପ୍ରାସଙ୍ଗିକ।
ସାମାଜିକ ଓ ଜନସ୍ୱାର୍ଥ ସମ୍ପର୍କିତ ଯେକୌଣସି ଆନ୍ଦୋଳନ ଶାନ୍ତିପୂର୍ଣ୍ଣ ଓ ସମ୍ବିଧାନିକ ଉପାୟରେ ହେବା ଉଚିତ ବୋଲି ସେ କହିଥିଲେ। ସେ କହିଥିଲେ ଯେ, ଲଦାଖ ଫେରିବା ପରେ ସେ ଅଞ୍ଚଳର ପରିବେଶ ସୁରକ୍ଷା, ସ୍ଥାନୀୟ ଲୋକଙ୍କ ଅଧିକାର ଓ ବିକାଶ ସମ୍ପର୍କିତ ପ୍ରସଙ୍ଗରେ ପୂର୍ବଭଳି କାର୍ଯ୍ୟ ଜାରି ରଖିବେ। ଦେଶର ବିଭିନ୍ନ ସ୍ଥାନରୁ ମିଳିଥିବା ସମର୍ଥନ ତାଙ୍କୁ ନୂଆ ପ୍ରେରଣା ଦେଇଛି ବୋଲି ମଧ୍ୟ ସେ କହିଥିଲେ।
ସୌଜନ୍ୟ ସମ୍ବାଦ
