Flood In Jajpur: ଯୁବକଙ୍କୁ ଭସାଇ ନେଲା ବନ୍ୟାପାଣି; ଭାସିଗଲେ ପରିବା ବ୍ୟବସାୟୀ

ଜିଲ୍ଲାର ଦଶରଥପୁର ବ୍ଲକ ତରପଦା ପଞ୍ଚାୟତ ପାଟଣା ଠାରେ କାଣୀ ନଦୀ ଅନ୍ୟ ଦୁଇଟି ଘାଇ ସୃଷ୍ଟି ହୋଇଛି। ପ୍ରଥମ ଘାଇଟି ୭୦ ଫୁଟ ହୋଇଥିବାବେଳେ ଦ୍ୱିତୀୟ ଘାଇଟି ପ୍ରାୟ ୮୦ ଫୁଟରୁ ଅଧିକ ଚଉଡା ହୋଇଛି। ଘାଇଟି ଗାଁ ଏବଂ ଚାଷ ଜମି ନିକଟରେ ହୋଇଥିବା ଦେଖାଯାଉଛି। ତରପଦା, କସ୍ପା, ମଲିକାପୁର, ଛାଚିଣା, ଜୟନ୍ତରା, କଟିକଟା, ଦୁଦୁରାଅଣ୍ଟା, କୟାଁ, କମାରଢିଅ ଆଦି ପଞ୍ଚାୟତର ଚାଷ ଜମିକୁ ବନ୍ୟା ଜଳ ପ୍ରବାହିତ ହେଉଛି। ଅନ୍ୟପକ୍ଷରେ କାଣୀର କଣ୍ଟପଡା ଠାରେ ପ୍ରଥମ ବନ୍ୟାରେ ୭୦ ଫୁଟ ର ମୁକୁଳା ଘାଇ ଦେଇ ମଧ୍ୟ ବନ୍ୟା ଜଳ ପ୍ରବାହିତ ହେଉଛି. ବୈତରଣୀ ନଦୀ ଜୟନ୍ତରା ମହାପାତ୍ର ସାହି ଘେରିବନ୍ଧ ମଧ୍ୟ ୧୦୦ ଫୁଟ ର ଘାଇ।

ପ୍ରଖର ସୁଅରେ ଭାସିଗଲେ ପରିବା ବ୍ୟବସାୟୀ
ଯାଜପୁର ବ୍ଲକ୍‌ ଜାଫରପୁର ପଞ୍ଚାୟତ ସଇପୁର ଗାଁ ନିକଟରେ ପ୍ରଖର ବନ୍ୟାଜଳରେ ଜଣେ ପରିବା ବ୍ୟବସାୟୀ ଭାସିଯାଇଥିବା ଖବର ମିଳିଛି। ଉକ୍ତ ପଞ୍ଚାୟତ ମୁଗୁଡ଼ି ଗାଁର ଅଜୟ ସାହୁ(୫୦) ଯାଜପୁର ଟାଉନ ଅଞ୍ଚଳରେ ପରିବା ବ୍ୟବସାୟ କରି ସଂଧ୍ୟାରେ ଘରକୁ ଫେରୁଥିବା ବେଳେ ବନ୍ୟାଜଳରେ ଭାସି ଯାଇଥିଲେ। ଉକ୍ତ ସ୍ଥାନରେ ୫ ଫୁଟରୁ ଅଧିକ ଉଚ୍ଚର ପାଣି ପ୍ରଖର ସ୍ରୋତରେ ପ୍ରବାହିତ ହେଉଥିବା ବେଳେ ସ୍ଥାନୀୟ ଲୋକ ଡଙ୍ଗା ଯୋଗେ ତାଙ୍କୁ ଖୋଜାଖୋଜି କରୁଛନ୍ତି। ଏନେଇ ଉଦ୍ଧାରକାରୀ ଦଳକୁ ସୂଚନା ଦିଆଯାଇଥିବା ଜଣାଯାଇଛି।