Ram Mandir Donation Row: ରାମ ମନ୍ଦିର ଚାନ୍ଦା ଚୋରି ମାମଲାରେ ଚମ୍ପତ ରାୟ ଓ ଅନିଲ ମିଶ୍ରାଙ୍କୁ SITର କ୍ଲିନ୍ ଚିଟ୍ ! ସାମ୍ନାକୁ ଆସିଲା ବଡ଼ ସତ
ଅଯୋଧ୍ୟା, ୧୮।୮: ଅଯୋଧ୍ୟା ଶ୍ରୀ ରାମ ମନ୍ଦିର ନିର୍ମାଣ ପାଇଁ ସଂଗୃହୀତ ଚାନ୍ଦା ଦୁର୍ନୀତି ମାମଲାରେ ଏସଆଇଟି ନିଜର ଚୂଡ଼ାନ୍ତ ରିପୋର୍ଟ ଦାଖଲ କରିଛି । ଏହି ରିପୋର୍ଟରେ ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟର ପୂର୍ବତନ ମହାସଚିବ ଚମ୍ପତ ରାୟ ଏବଂ ଟ୍ରଷ୍ଟର ସଦସ୍ୟ ଅନିଲ ମିଶ୍ରଙ୍କୁ ବଡ଼ ଆଶ୍ୱସ୍ତି ମିଳିଛି ଏବଂ ଏସଆଇଟି ସେମାନଙ୍କୁ କ୍ଲିନ ଚିଟ୍ ପ୍ରଦାନ କରିଛି । ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଉଭୟଙ୍କ ବିରୋଧରେ ଅଣାଯାଇଥିବା ଅଭିଯୋଗଗୁଡ଼ିକ ସତ୍ୟ ବୋଲି ପ୍ରମାଣିତ ହୋଇନାହିଁ ।
ଅଭିଯୁକ୍ତ ତାଲିକାରେ ନାହାଁନ୍ତି ଚମ୍ପତ ରାୟ ଓ ଅନିଲ ମିଶ୍ର:
ତଦନ୍ତକାରୀ ସଂସ୍ଥାର ସୂତ୍ରରୁ ଜଣାପଡ଼ିଛି ଯେ, ଏସଆଇଟିର ଫାଇନାଲ ରିପୋର୍ଟରେ ଚମ୍ପତ ରାୟ ଏବଂ ଅନିଲ ମିଶ୍ରଙ୍କୁ କୌଣସି ପ୍ରକାରେ ଦୋଷୀ ସାମିଲ କରାଯାଇ ନାହିଁ । ଆରମ୍ଭରୁ ହିଁ ଚମ୍ପତ ରାୟଙ୍କୁ ନେଇ ବିଭିନ୍ନ ପ୍ରକାର ପ୍ରଶ୍ନ ଉଠିଥିବାବେଳେ, ଅନ୍ତିମ ରିପୋର୍ଟରେ ତାଙ୍କୁ ସମ୍ପୂର୍ଣ୍ଣ କ୍ଲିନ ଚିଟ୍ ମିଳିଛି । ସେହିପରି, ପ୍ରାରମ୍ଭିକ ତଦନ୍ତ ସମୟରେ ଅନିଲ ମିଶ୍ରଙ୍କ ବିରୋଧରେ ଦାନ ଗଣତି ବେଳେ କେବଳ ତଦାରଖରେ କିଛି ଅବହେଳା ଥିବା କୁହାଯାଇଥିଲା, କିନ୍ତୁ ତାଙ୍କୁ ସିଧାସଳଖ ଅଭିଯୁକ୍ତ କରାଯାଇ ନଥିଲା । ଫାଇନାଲ ରିପୋର୍ଟରେ ମଧ୍ୟ ତାଙ୍କ ବିରୋଧରେ କୌଣସି ଅପରାଧିକ ମାମଲା ପ୍ରମାଣିତ ହୋଇନାହିଁ ଏବଂ ତାଙ୍କ ନାମ ମଧ୍ୟ ଅଭିଯୁକ୍ତ ତାଲିକାରୁ ବାଦ୍ ଦିଆଯାଇଛି ।
କେବଳ ପୂର୍ବରୁ ଗିରଫ ହୋଇଥିବା ୮ ଜଣଙ୍କ ନାଁ ସାମିଲ:
ଏସଆଇଟିର ଏହି ଚୂଡ଼ାନ୍ତ ରିପୋର୍ଟରେ କେବଳ ସେହି ୮ ଜଣ ବ୍ୟକ୍ତିଙ୍କ ନାମ ରହିଛି, ଯାହାଙ୍କୁ ପୂର୍ବରୁ ପୁଲିସ ତଦନ୍ତ ସମୟରେ ଗିରଫ କରିଥିଲା । ତଦନ୍ତ ଏଜେନ୍ସି ଏହି ଗିରଫ ଅଭିଯୁକ୍ତମାନଙ୍କୁ ହିଁ ଏହି ସମଗ୍ର ମାମଲାର ମୁଖ୍ୟ ଦାୟୀ ବୋଲି ଦର୍ଶାଇଛି । ଯଦିଓ ଏସଆଇଟି ରିପୋର୍ଟରେ କୌଣସି ବଡ଼ ପଦାଧିକାରୀଙ୍କ ସିଧାସଳଖ ଅପରାଧିକ ସମ୍ପୃକ୍ତି ମିଳି ନାହିଁ, ତଥାପି ପ୍ରଶାସନିକ ସ୍ତରରେ କିଛି ତ୍ରୁଟି ଥିବା କଥା ସ୍ପଷ୍ଟ ଭାବେ ଉଲ୍ଲେଖ କରାଯାଇଛି । ରିପୋର୍ଟ ଅନୁଯାୟୀ, ଦାନ ଗଣତି ସମୟରେ ବ୍ୟାଙ୍କ ଏବଂ ଟ୍ରଷ୍ଟ ମଧ୍ୟରେ ସମନ୍ୱୟ ଏବଂ ତଦାରଖ ବ୍ୟବସ୍ଥାରେ କିଛି ଦୁର୍ବଳତା ଓ ପ୍ରକ୍ରିୟାଗତ ତ୍ରୁଟି ଦେଖିବାକୁ ମିଳିଥିଲା । ଏହି ତ୍ରୁଟିଗୁଡ଼ିକ ସାମ୍ନାକୁ ଆସିବା ପରେ ଟ୍ରଷ୍ଟ ଏବଂ ସମ୍ପୃକ୍ତ ବ୍ୟାଙ୍କଗୁଡ଼ିକ ପକ୍ଷରୁ ସେମାନଙ୍କର ପ୍ରଶାସନିକ ଏବଂ ଆର୍ଥିକ ତଦାରଖ
ସୌଜନ୍ୟ ପ୍ରମେୟ
