Arrest : ଅନ୍ୟ ରାଜ୍ୟରେ କାମ ଓ ଚୁଟି କାଟିବାକୁ ବିରୋଧ; ଝିଅକୁ ହତ୍ୟା ଅଭିଯୋଗରେ ବାପା ଗିରଫ

ପୁଲିସ ଅନୁସାରେ, ନନ୍ଦନୀ କର୍ଣ୍ଣାଟକର ବିଜୟପୂରା ସହରର ଏକ ମଲ୍‌ରେ ମ୍ୟାନେଜର ଭାବେ କାମ କରୁଥିଲେ। ସେ ପୋଷ୍ଟଗ୍ରାଜୁଏଟ୍‌ ଛାତ୍ରୀ ମଧ୍ୟ ଥିଲେ। ପରିବାର ତାଙ୍କ ଅନ୍ୟ ରାଜ୍ୟରେ ରହି କାମ କରିବାକୁ ବିରୋଧ କରୁଥିଲା। ତେବେ ମା’ଙ୍କ ସମର୍ଥନରେ ସେ ବିଜୟପୂରା ଯାଇଥିଲେ। ଏସ୍‌ଡିପିଓ ସୌରଭ କୁମାରଙ୍କ କହିବା ଅନୁସାରେ, ଗତ ସପ୍ତାହରେ ରକ୍ଷାବନ୍ଧନ ଅବସରରେ ନନ୍ଦନୀ ତାଙ୍କ ‘ରାକ୍ଷୀ ଭାଇ’ ମହେନ୍ଦ୍ର ପାଣ୍ଡେଙ୍କ ସହ ଘରକୁ ଫେରିଥିଲେ। ମହେନ୍ଦ୍ର ମଧ୍ୟ ସେହି ମଲ୍‌ରେ କାମ କରନ୍ତି। ଏହାକୁ ନେଇ ବାପା ଓ କାକା ଅସନ୍ତୁଷ୍ଟ ଥିଲେ।

ସୋମବାର ଦୁଇ ଅଭିଯୁକ୍ତ ନନ୍ଦନୀଙ୍କୁ ପୁଣି ମାଡ଼ ମାରିଥିବା ଅଭିଯୋଗ ହୋଇଛି। ତାଙ୍କ ୧୭ ବର୍ଷୀୟା ଭଉଣୀ ଏହାର ବିରୋଧ କରିବାରୁ ତାଙ୍କୁ ମଧ୍ୟ ମାଡ଼ ମରାଯାଇଥିଲା। ମା’ ନନ୍ଦନୀଙ୍କୁ ବଞ୍ଚାଇବାକୁ ଚେଷ୍ଟା କରିଥିଲେ। ପରେ ନନ୍ଦନୀଙ୍କ ମୃତ୍ୟୁ ହୋଇଥିଲା। ଘଟଣା ପରେ ଦୁଇ ଅଭିଯୁକ୍ତପଳାଇ ଯାଇଥିଲେ। ନନ୍ଦନୀଙ୍କ ମା’ ଓ ଭଉଣୀଙ୍କ କାନ୍ଦ ଶୁଣି ପଡ଼ୋଶୀମାନେ ସେମାନଙ୍କୁ ଘରୁ ବାହାର କରି ପୁଲିସକୁ ଖବର ଦେଇଥିଲେ। ଏହି ଘଟଣାରେ ଏତଲା ରୁଜୁ ହୋଇଛି।