ରାଜ୍ୟ
Cattle Rescue: ଗୋରୁ ବୋଝେଇ ପିକ୍ଅପ୍ ଜବତ, ୯ ଗୋରୁ ଉଦ୍ଧାର; ଚାଳକ ଓ ହେଲପର ଅଟକ
କେନ୍ଦୁଝର ପାଟଣା ଥାନା ଅନ୍ତର୍ଗତ ସାହାରପଡ଼ା ଫାଣ୍ଡିରେ ଗୋରୁ ବୋଝେଇ ପିକ୍ଅପ୍ ଜବତ। ଗାଡ଼ିରୁ ୯ ଟି ଗୋରୁ ଉଦ୍ଧାର ସହ ଚାଳକ ଓ ହେଲପରଙ୍କୁ ପୁଲିସ ଅଟକ ରଖିଛି। ପୁଲିସ ଅଧିକ ତଦନ୍ତ କରୁଛି।
ପାଟଣା: କେନ୍ଦୁଝରଜିଲ୍ଲା ପାଟଣା ଥାନା ଅନ୍ତର୍ଗତ ସାହାରପଡ଼ା ଫାଣ୍ଡିରେ ଏକ ଜବତ ଗୋରୁବୋଝେଇ ପିକ୍ଅପ୍ ଥିବା ଦେଖିବାକୁ ମିଳିଛି। ସେଥିରେ ଥିବା ୯ଟି ଗୋରୁ ଉଦ୍ଧାର ହୋଇଛି।
ସାହାରପଡ଼ା ଫାଣ୍ଡିରେ ସେହି ଜବତ ଗୋରୁ ବୋଝେଇ ପିକ୍ଅପ୍ ରହିଛି
ସୂଚନା ଅନୁଯାୟୀ, ବନ ବିଭାଗକୁ ଖବର ମିଳିଥିଲା ଯେ ଏକ ଚୋରା କାଠ ବୋଝେଇ ପିକ୍ଅପ୍ ଢେଙ୍କିକୋଟରୁ କରଞ୍ଜିଆ ଅଭିମୁଖେ ଯାଉଛି। ଏହାପରେ ବନ ବିଭାଗ କର୍ମଚାରୀମାନେ ତାର ପିଛା କରିଥିଲେ। ପରେ ଦେଖିବାକୁ ମିଳିଲା ଯେ ଏକ ଗୋରୁ ବୋଝେଇ ପିକ୍ଅପ୍ ବି ତାର ପଛେପଛେ ଯାଉଛି। ବନ ବିଭାଗ କର୍ମଚାରୀମାନେ ପୁଲିସକୁ ଖବର ଦେଇଥିଲେ। ତାପରେ ଉଭୟ ପୁଲିସ ଓ ବନ ବିଭାଗ କର୍ମଚାରୀମାନେ ଦୁଇ ଗାଡ଼ିର ପିଛା କରିଥିଲେ। ତେବେ ଉଭୟ ଟିମ୍କୁ ଚକମା ଦେଇ ଚୋରା କାଠ ବୋଝେଇ ପିକ୍ଅପ୍ ଫେରାର୍ ହୋଇଯାଇଥିଲା। କିନ୍ତୁ ପୁଲିସ୍ ଗୋରୁ ବୋଝେଇ ପିକ୍ଅପ୍କୁ ଧରିଥିଲେ। ସେହି ଗାଡ଼ିର ଚାଳକ ଓ ହେଲପରକୁ ବି ଧରି ଥାନାରେ ଅଟକ ରଖିଥିବା ଜଣାଯାଇଛି। ସାହାରପଡ଼ା ଫାଣ୍ଡିରେ ସେହି ଜବତ ଗୋରୁ ବୋଝେଇ ପିକ୍ଅପ୍ ରହିଛି।
ସୌଜନ୍ୟ ସମ୍ବାଦ
