ନୂଆଦିଲ୍ଲୀ,୨୨/୦୯: ରାଜଧାନୀରେ ପୁଣି ଲଜ୍ଜା। କେନ୍ଦ୍ରୀୟ ଦିଲ୍ଲୀର ଦେଶବନ୍ଧୁ ଗୁପ୍ତା ରୋଡ ଥାନା ଅଞ୍ଚଳରେ ଜଣେ ୭ ବର୍ଷୀୟା ନାବାଳିକାକୁ ଦୁଷ୍କର୍ମ କରାଯିବା ନେଇ ଅଭିଯୋଗ ହୋଇଛି । ଖବର ପାଇ ପୁଲିସ ଅଭିଯୁକ୍ତକୁ ଗିରଫ କରିଛି । ଜେରା ପରେ ଅଭିଯୁକ୍ତକୁ ଡାକ୍ତରୀ ମାଇନା ପାଇଁ ପଠାଯାଇଛି । ସ୍ଥାନୀୟ ଲୋକେ ହିଁ ୩୪ ବର୍ଷୀୟ ଅଭିଯୁକ୍ତ ଅଙ୍କିତକୁ ଧରି ଥାନାକୁ ନେଇଥିଲେ । ଏହାପରେ ପୁଲିସ ତା’ ବିରୋଧରେ ପୋକ୍ସୋ ଆଇନ ଏବଂ ବିଏନ୍ଏସ୍ ସମ୍ବନ୍ଧିତ ଧାରାଗୁଡ଼ିକରେ ଏଫ୍ଆଇଆର୍ ରୁଜୁ କରିଛି । ଘଟଣା ପରେ ଉକ୍ତ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି । ଲୋକମାନେ ଥାନାକୁ ଘେରି ହଙ୍ଗାମା କରିଛନ୍ତି । ଅଭିଯୁକ୍ତ ବିରୋଧରେ କଠୋର କାର୍ଯ୍ୟାନୁଷ୍ଠାନ ପାଇଁ ସେମାନେ ଦାବି କରିଛନ୍ତି । ବରିଷ୍ଠ ପୁଲିସ ଅଧିକାରୀମାନେ ପହଞ୍ଚି ସେମାନଙ୍କୁ ବୁଝାଶୁଝା କରିବା ପରେ ପରିସ୍ଥିତି ଶାନ୍ତ ପଡ଼ିଛି । ଥାନା ନିକଟରେ ଭାରୀ ପୁଲିସ ବଳ ମୁତୟନ କରାଯାଇଛି ।
ସୌଜନ୍ୟ ପ୍ରମେୟ
