Kanas Headmaster Suspended ଆର୍ଥିକ ଠକେଇ ମାମଲାରେ ଗିରଫ ପ୍ରଧାନଶିକ୍ଷକ ନିଲମ୍ବିତ

ମିଳିଥିବା ସୂଚନା ଅନୁଯାୟୀ, ଶ୍ରୀ କାଣ୍ଡି ଖୋର୍ଦ୍ଧାର ଜଣେ ଯୁବକଙ୍କୁ ଆଦର୍ଶ ବିଦ୍ୟାଳୟରେ ଚାକିରି ଦେବା ପ୍ରତିଶ୍ରୁତି ଦେଇଥିଲେ। ଏଥିପାଇଁ ସେ ଉକ୍ତ ଯୁବକଙ୍କ ଠାରୁ ଫୋନପେ ଓ ବ୍ୟାଙ୍କ ମାଧ୍ୟମରେ ଲକ୍ଷାଧିକ ଟଙ୍କା ନେଇଥିଲେ। ଏହା ବଦଳରେ ଏକ ନିଯୁକ୍ତି ପତ୍ର ପ୍ରଦାନ କରିଥିଲେ। ପରେ କ୍ଷତିଗ୍ରସ୍ତ ଯୁବକଜଣକ ଏହି ନିଯୁକ୍ତିପତ୍ର ଜାଲ୍‌ ବୋଲି ଜାଣିପାରି ଭୁବନେଶ୍ୱର ବଡ଼ଗଡ଼ ଥାନାରେ ଲିଖିତ ଅଭିଯୋଗ କରିଥିଲେ। ତଦନ୍ତ ପରେ  ଅକ୍ଟୋବର ୧୩ରେ ପୁଲିସ ଅଭିଯୁକ୍ତ ପ୍ରଧାନଶିକ୍ଷକଙ୍କୁ ଗିରଫ କରି କୋର୍ଟଚାଲାଣ କରିଥିଲା। ପୁଲିସ ହେଫାଜତ କିମ୍ବା ନ୍ୟାୟିକ ହାଜତରେ ୪୮ ଘଣ୍ଟାରୁ ଅଧିକ ସମୟ ରହିଥିବାରୁ, ଓଡ଼ିଶା ବେସାମରିକ ସେବା(ବର୍ଗୀକରଣ, ନିୟନ୍ତ୍ରଣ ଓ ଆପିଲ୍) ନିୟମାବଳୀ, ୧୯୬୨ର ନିୟମ ୧୨(୨) ଅନୁସାରେ ତାଙ୍କୁ ଗିରଫ ହୋଇଥିବା ତାରିଖ (୧୩.୧୦.୨୦୨୬)ଠାରୁ ନିଲମ୍ବିତ କରାଯାଇଛି।