Harassment case: ଟିଭିକେ ବିଧାୟକଙ୍କ ବିରୋଧରେ ତଦନ୍ତ ହେବ: ମନ୍ତ୍ରୀ

ସୋସିଆଲ ମିଡିଆରେ ପ୍ରସାରିତ ଖବର ଅନୁଯାୟୀ, କଲ୍ଲାକୁରିଚି ବିଧାନସଭା ଆସନର ବିଧାୟକ ଅରୁଲ ବିଗ୍ନେଶ ଜିଲ୍ଲାପାଳ ପଦ୍ମଜାଙ୍କୁ ଅଶାଳୀନ ବାର୍ତ୍ତା ପଠାଇଥିଲେ। ଏପରିକି ମଦ୍ୟପାନ କରି ତାଙ୍କ ବାସଭବନକୁ ଯାଇ ହଇରାଣ କରିଥିବା ମଧ୍ୟ ଅଭିଯୋଗ ହୋଇଛି। ଏହି ଘଟଣା ପରେ ଜିଲ୍ଲାପାଳଙ୍କ ସୁରକ୍ଷା ପାଇଁ ଜଣେ ସ୍ବତନ୍ତ୍ର ସୁରକ୍ଷା ଅଧିକାରୀ ନିଯୁକ୍ତ ହୋଇଥିବା ନେଇ ମଧ୍ୟ ଖବର ପ୍ରକାଶ ପାଇଛି।

ସାମ୍ବାଦିକମାନଙ୍କୁ ମନ୍ତ୍ରୀ ରାଜମୋହନ କହିଛନ୍ତି ଯେ, ମୁଖ୍ୟମନ୍ତ୍ରୀ ସି. ଜୋସେଫ ବିଜୟଙ୍କ ସରକାରରେ ମହିଳାଙ୍କୁ ହଇରାଣ ଓ ନିର୍ଯାତନା ଭଳି ଅଭିଯୋଗକୁ ଆଦୌ ବରଦାସ୍ତ କରାଯିବ ନାହିଁ। ଅଭିଯୁକ୍ତଙ୍କ ରାଜନୈତିକ ପରିଚୟ ବା ପଦପଦବିକୁ ବିଚାରକୁ ନ ନେଇ ତଦନ୍ତ ହେବ। ତେବେ ପୀଡ଼ିତାଙ୍କ ପକ୍ଷରୁ ଆନୁଷ୍ଠାନିକ ଅଭିଯୋଗ ମିଳିବା ପରେ ହିଁ ତଦନ୍ତ ପ୍ରକ୍ରିୟା ଆରମ୍ଭ ହେବ ବୋଲି ସେ ସ୍ପଷ୍ଟ କରିଛନ୍ତି।