Bus Accident: ଝାରପୋଖରିଆରେ ଓଲଟିଲା ଦିଲ୍ଲୀ ଯାଉଥିବା ‘ଶ୍ୟାମଳୀ’ ବସ୍: ୨ ଗୁରୁତର, ୧୫ ଆହତ
ମୟୂରଭଞ୍ଜ ଝାରପୋଖରିଆ ନିକଟ NH-18ରେ ଦିଲ୍ଲୀ ଯାଉଥିବା ଶ୍ୟାମଳୀ ବସ୍ ଓଲଟି ୨ ଗୁରୁତର ଓ ୧୦-୧୫ ଜଣ ଆହତ। ୪୨ ଯାତ୍ରୀଙ୍କୁ ଉଦ୍ଧାର କଲା ପୁଲିସ ଓ ଅଗ୍ନିଶମ ବାହିନୀ। ଘଟଣାର ନିରପେକ୍ଷ ତଦନ୍ତ ଦାବି କରାଯାଇଛି।
ବାରିପଦା/ଝାରପୋଖରିଆ: ଦିଲ୍ଲୀ ଯାଉଥିବା ଏକ ଘରୋଇ ‘ଶ୍ୟାମଳୀ’ ଯାତ୍ରୀବାହୀ ବସ୍ ଦୁର୍ଘଟଣା। ଭାରସାମ୍ୟହରାଇ ରାସ୍ତାକଡ଼କୁ ଓଲଟି ପଡ଼ିଲା। ପ୍ରାୟ ୪୨ ଜଣ ଯାତ୍ରୀଙ୍କୁ ନେଇ ଦିଲ୍ଲୀ ଯାଉଥିବା ବେଳେ ଦୁଇ ଜଣ ଯାତ୍ରୀ ଗୁରୁତର ହୋଇଛନ୍ତି। ମୟୂରଭଞ୍ଜଜିଲ୍ଲା ଝାରପୋଖରିଆ ବଜାର ନିକଟସ୍ଥ ଜାତୀୟ ରାଜପଥ-୧୮ ଉପରେ ଆଜି ଭୋର ପ୍ରାୟ ୩ଟା ସମୟରେ ପ୍ରାୟ ୪୨ ଜଣ ଯାତ୍ରୀଙ୍କୁ ନେଇ ଦିଲ୍ଲୀ ଯାଉଥିବା ଏକ ଘରୋଇ ‘ଶ୍ୟାମଳୀ’ ବସ୍ ଭାରସାମ୍ୟ ହରାଇ ଓଲଟି ପଡ଼ିବା ଫଳରେ ଭୟଙ୍କର ଦୁର୍ଘଟଣା ଘଟିଛି। ଯେଉଁଥିରେ ଦୁଇ ଜଣ ଯାତ୍ରୀ ଗୁରୁତର ହୋଇଥିବା ବେଳେ ୧୦-୧୫ ଜଣ ଆହତ ହୋଇଛନ୍ତି।
ଘଟଣାର ନିରପେକ୍ଷ ତଦନ୍ତ ଦାବି
ଖବର ପାଇ ଝାରପୋଖରିଆ ପୁଲିସ ଏବଂ ସାରସକଣା ଓ ବାଙ୍ଗିରିପୋଷି ଅଗ୍ନିଶମ ବାହିନୀ ତୁରନ୍ତ ଘଟଣାସ୍ଥଳରେ ପହଞ୍ଚି ଫସି ରହିଥିବା ଯାତ୍ରୀମାନଙ୍କୁ ଉଦ୍ଧାର କରିବା ସହ ଗୁରୁତରଙ୍କୁ ନିକଟସ୍ଥ ଶୀର୍ଷା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇଥିବା ବେଳେ, ଦୀର୍ଘପଥ ଯାତ୍ରୀବାହୀ ବସ୍ର ଫିଟନେସ୍, ଗତି ନିୟନ୍ତ୍ରଣ ଓ ଚାଳକଙ୍କ ବିଶ୍ରାମ ବ୍ୟବସ୍ଥା ଉପରେ ପରିବହନ ବିଭାଗର ତଦାରଖକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ଏବଂ ଘଟଣାର ନିରପେକ୍ଷ ତଦନ୍ତ ଦାବି କରାଯାଇଛି।
ସୌଜନ୍ୟ ସମ୍ବାଦ
