ତୁମୁସିଙ୍ଗା ପୁଲିସ ଘଟଣାର ତଦନ୍ତ କରୁଛି।

ସେହିପରି ଆଜି ସକାଳେ ଭାପୁର ରାକମାରୁ ନୟାଗଡ଼ ଆସୁଥିବା ଏକ ଘରୋଇ ଯାତ୍ରୀବାହୀ ବସ୍‌ ବାଲୁଙ୍ଗା ନିକଟ ଖେଡ଼ପଡ଼ାରେ ଓଲଟି ପଡ଼ିବାରୁ ୨୦ରୁ ଅଧିକ ଯାତ୍ରୀ ଆହତ ହୋଇଛନ୍ତି।

ଡାଏନା ନାମକ ଏକ ଘରୋଇ ଯାତ୍ରୀବାହୀ ବସ୍ ମଙ୍ଗଳବାର ଭୁବନେଶ୍ୱର ଅଭିମୁଖେ ଯାଉଥିବା ବେଳେ ଭଦ୍ରକ ଜିଲ୍ଲା ବାସୁଦେବପୁର ମାତାଜୀ ମଠ ଛକ ନିକଟରେ ଏଥିରେ ଯାନ୍ତ୍ରିକ ତ୍ରୁଟି ଦେଖା ଦେଇଥିଲା। ତେଣୁ ମରାମତି କରିବା ପାଇଁ ଜଣେ ମେକାନିକଙ୍କୁ ଡକା ଯାଇଥିଲେ।

ବସ୍‌ଟି ରାସ୍ତା ଉପରେ ଛିଡ଼ା ହୋଇଥିବା ବେଳେ ମେକାନିକ୍ ଓ ବସ୍‌ ହେଲପର ମରାମତି କାର୍ଯ୍ୟ କରୁଥିଲେ। ସେହି ସମୟରେ ପଛରୁ ଆସୁଥିବା ଏକ ଟ୍ରକ୍ ବସ୍‌ଟିକୁ ପିଟି ଦେଇଥିଲେ। ଫଳରେ ମେକାନିକ ଓ ବସ୍ ହେଲପର ଗୁରୁତର ଆହତ ହୋଇଛନ୍ତି।

କଟକ ଜିଲ୍ଲା ଖୁଣ୍ଟୁଣି ନିକଟରେ ଆଜି ଏକ ଚଳନ୍ତା ବସ୍‌ରେ ନିଆଁ ଲାଗିଯାଇଛି। ହରିଓମ ନାମକ ଏହି ବସ୍‌ଟି ଆଠଗଡ଼ରୁ ଢେଙ୍କାନାଳ ଅଭିମୁଖେ ଯାଉଥିବା ବେଳେ ଏହି ଘଟଣା ଘଟିଥିଲା। ବସ୍‌ଟି ଗନ୍ତବ୍ୟ ସ୍ଥଳ ଅଭିମୁଖେ ଯାତ୍ରା କରୁଥିବା ବେଳେ ହଠାତ୍ ଏଥିରୁ ଧୂଆଁ ବାହାରିଥିଲା। ଡ୍ରାଇଭର ଗାଡ଼ି ଅଟକାଇବା ପରେ ଯାତ୍ରୀମାନେ ତୁରନ୍ତ ସେଥିରୁ ବାହାରି ଯାଇଥିଲେ।