Accident: ବିଲାସପୁରରେ ଲ୍ୟାଣ୍ଡିଂ ପରେ ବିମାନର ଟାୟାର ଫାଟିଲା, ୩୫ ଯାତ୍ରୀ ସୁରକ୍ଷିତ

ବିମାନଟି ଅଟକିବା ପରେ ବିମାନବନ୍ଦରର କର୍ମଚାରୀମାନେ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ। ସମସ୍ତ ୩୫ ଯାତ୍ରୀଙ୍କୁ ସୁରକ୍ଷିତ ଭାବେ ବିମାନରୁ ବାହାର କରାଯାଇଥିଲା। ଘଟଣାରେ କାହାରି କିଛି କ୍ଷତି ହୋଇନଥିବାରୁ ଯାତ୍ରୀ ଓ ବିମାନବନ୍ଦର କର୍ମଚାରୀମାନେ ଆଶ୍ୱସ୍ତ ହୋଇଥିଲେ। ଏହି ଘଟଣା ପରେ ସୁରକ୍ଷା ଦୃଷ୍ଟିରୁ ବିଲାସପୁରରୁ ପ୍ରୟାଗରାଜ ଯିବାକୁ ଥିବା ଆଲାଏନ୍ସ ଏୟାର୍‌ର ପରବର୍ତ୍ତୀ ଉଡ଼ାଣକୁ ବାତିଲ କରାଯାଇଛି। ବିମାନର ଟାୟାର ଫାଟିବାର ପ୍ରକୃତ କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ବିମାନର ବୈଷୟିକ ଯାଞ୍ଚ କରାଯାଉଛି। ଯାଞ୍ଚ ପରେ ଟାୟାରରେ କେଉଁ କାରଣରୁ ସମସ୍ୟା ଦେଖାଦେଇଥିଲା, ତାହା ସ୍ପଷ୍ଟ ହେବ।