Britain: ଆଣ୍ଡି ବର୍ଣ୍ଣହାମ ବ୍ରିଟେନର ନୂଆ ପ୍ରଧାନମନ୍ତ୍ରୀ, ଷ୍ଟାର୍ମରଙ୍କ ବିଦାୟ

ଏହାପୂର୍ବରୁ ୧୦ ଡାଉନିଂ ଷ୍ଟ୍ରିଟ୍‌ ବାହାରେ ବିଦାୟୀ ଭାଷଣରେ ପୂର୍ବତନ ପ୍ରଧାନମନ୍ତ୍ରୀ କିର ଷ୍ଟାର୍ମର କହିଥିଲେ, ମୁଁ ସଦ୍‌ଭାବନା ସହ ହସିହସି ବିଦାୟ ନେଉଛି। ସେ ନିଜ ଉତ୍ତରାଧିକାରୀ ଆଣ୍ଡି ବର୍ଣ୍ଣହାମଙ୍କୁ ପୂର୍ଣ୍ଣ ସମର୍ଥନ ଜଣାଇ କହିଥିଲେ ଯେ, ତାଙ୍କ ନେତୃତ୍ୱରେ ବ୍ରିଟେନ ଆହୁରି ଆଗକୁ ବଢ଼ିବ। ଷ୍ଟାର୍ମର କହିଥିଲେ, ପ୍ରଧାନମନ୍ତ୍ରୀ ଭାବେ ଦେଶସେବା କରିବା ତାଙ୍କ ଜୀବନର ସବୁଠୁ ବଡ଼ ସମ୍ମାନ ଥିଲା। ନିଜ ସରକାର ସମୟରେ ଅର୍ଥନୀତିକୁ ସୁଦୃଢ଼ କରିବା, ଦାରିଦ୍ର୍ୟ ହ୍ରାସ, ଶ୍ରମିକଙ୍କ ଅଧିକାର ସୁରକ୍ଷା, ସାର୍ବଜନୀନ ସେବାରେ ସୁଧାର, ଦେଶର ସୁରକ୍ଷା ବ୍ୟବସ୍ଥାକୁ ଶକ୍ତିଶାଳୀ କରିବା ଓ ୟୁକ୍ରେନ ପ୍ରତି ବ୍ରିଟେନର ସମର୍ଥନ ଜାରି ରଖିବା ତାଙ୍କ ସରକାରର ପ୍ରମୁଖ ସଫଳତା ବୋଲି ସେ ଉଲ୍ଲେଖ କରିଥିଲେ।