Dead body Found: ଝୁଲନ୍ତା ଅବସ୍ଥାରେ ବେଡ୍‌ରୁମ୍‌ରୁ ସ୍କୁଲ ଦିଦିଙ୍କ ମୃତଦେହ ଉଦ୍ଧାର

 ସଞ୍ଜନା ସରକାରୀ ୟୁଜି ହାଇସ୍କୁଲ ବଡ଼ବାସିନୀଠାରେ ସହକାରୀ ଶିକ୍ଷୟତ୍ରୀ ଭାବେ କାର୍ଯ୍ୟରତ ଥିଲେ। ତେବେ ସଞ୍ଜନାଙ୍କ ପିତା ପ୍ରଭାସଙ୍କ ଅଭିଯୋଗ ଅନୁସାରେ ବିବାହର ୧୦ ଦିନ ପରଠାରୁ ସଞ୍ଜନାଙ୍କ ସ୍ବାମୀ ଅନୁପମ ଚାନ୍ଦ, ଶ୍ଵଶୁର କାବୁଲ ଚାନ୍ଦ, ଶାଶୂ ଶାନ୍ତି ଚାନ୍ଦ, ଦେଢଶୁର ରୁପମ ଚାନ୍ଦ ,ଅନୁପମର ମାଉସୀ ଜୟା ମଣ୍ଡଳ ସମସ୍ତେ ମିଶି ଏକ କାର ଯୌତୁକରେ କାହିଁକି ଆଣିଲୁ ନାହିଁ ବୋଲି ନିୟମିତ ଭାବେ ନିର୍ଯାତନା ଦେଇ ଆସୁଥିଲେ।

ତେବେ ୩/୧/୨୬ ତାରିଖ ଦିନ ସନ୍ଧ୍ୟା ସମୟରେ ସଞ୍ଜନା ତାଙ୍କ ଦାଦା ପ୍ରଦୀପ କୁମାର ମିସ୍ତ୍ରୀଙ୍କୁ ଫୋନ୍ କରି କହିଥିଲେ ତୁରନ୍ତ ମୋତେ ଏଠାରୁ ନେଇଯାଅ ନ ହେଲେ ଏମାନେ ସମସ୍ତେ ମିଶିକି ମାରିଦେବେ ବୋଲି କହିଥିଲେ। ତେବେ ଆଜି ସକାଳେ ସେମାନେ ଖବର ପାଇଥିଲେ ଯେ ସଞ୍ଜନାଙ୍କ ମୃତ୍ୟୁ ଘଟିଛି।

ଅପର ପକ୍ଷରେ ଯୌତୁକ ନିର୍ଯାତନା ଅଭିଯୋଗକୁ ଶ୍ୱଶୁର କାବୁଲ ଚାନ୍ଦ ଅସ୍ବୀକାର କରିଛନ୍ତି | ତେବେ ସଞ୍ଜନାଙ୍କ ପିତା ପ୍ରଭାସ ମିସ୍ତ୍ରୀ ଉମରକୋଟ ଥାନାରେ ଲିଖିତ ଅଭିଯୋଗ କରିବା ପରେ କାବୁଲଙ୍କ ସାନ ପୁଅ ଅନୁପମ ଚାନ୍ଦକୁ ଉମରକୋଟ ପୋଲିସ ଥାନାରେ ଅଟକ ରଖି ପଚରାଉଚରା କରୁଛି। ଆଜି ସନ୍ଧ୍ୟାରେ ମୃତ ଶିକ୍ଷୟତ୍ରୀଙ୍କ ମର ଶରୀରକୁ ଉମରକୋଟ ହସ୍ପିଟାଲରେ ବ୍ୟବଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି। ତେବେ ଘଟଣାକୁ ନେଇ ସମଗ୍ର ଉମରକୋଟରେ ଏକ ଆଲୋଚନାର ବିଷୟ ପାଲଟିଛି। ଉମରକୋଟ ପୋଲିସ ମକଦ୍ଦମା ରୁଜୁ କରି ତଦନ୍ତ କରୁଛି ବୋଲି ଇନ୍ସପେକ୍ଟର ଶିବଜି ପଣ୍ଡା ସୂଚନା ଦେଇଛନ୍ତି।

ସୌଜନ୍ୟ ସମ୍ବାଦ