Death: ପୋଲକୁ ପିଟିଲା ସ୍କୁଟି: ଘଟଣା ସ୍ଥଳରେ ଦୁଇ ମୃତ

ଏକ ସ୍କୁଟିରେ ବସିଥିବା ଦୁଇ ଯୁବକ ଜୋରରେ ଆସି ପୋଲର ସାଇଡଗାର୍ଡକୁ ଧକ୍କା ଦେବାରୁ ଘଟଣା ସ୍ଥଳରେ ଦୁଇ ଜଣଙ୍କର ମୃତ୍ୟୁ ହୋଇଯାଇଥିଲା। ଏହି ଧକ୍କା ଏତେ ଜୋରରେ ହୋଇଥିଲା ଯେ ଜଣେ ଯୁବକ ପୋଲ ଉପରେ ପଡିଥିବା ବେଳେ ଅନ୍ୟଜଣେ ଯୁବକ କୋଡିଏଫୁଟ ତଳ ବୁଢ଼ାବଳଙ୍ଗ ନଦୀ ପାର୍ଶ୍ୱକୁ ଖସି ପଡ଼ିଥିଲା। ମୃତକଙ୍କ ମଧ୍ୟରୁ ଜଣେ ହେଲେ ବଡ଼ସାହି ଥାନା ଅଧିନ ନାଉପାଳ ଅଞ୍ଚଳର ବିଦ୍ୟାଧର ନାଏକଙ୍କ ପୁଅ ସରୋଜ କୁମାର ନାଏକ (୨୭) ଓ ଅନ୍ୟଜଣେ ରାସଗୋବିନ୍ଦପୁର ଅଞ୍ଚଳର ଧୀରେନ୍ଦ୍ର ପାତ୍ର।

ହମ୍ପସ ନିର୍ମାଣ ଜରୁରୀ

ଉଭୟେ ବାରିପଦା ସହର ଷ୍ଟେସନବଜାର ସ୍ଥିତ ରିଲାଏନ୍ସ ଟ୍ରେଣ୍ଡରେ କାର୍ଯ୍ୟ କରନ୍ତି। ଘଟଣା ସ୍ଥଳରେ ବାରିପଦା ଟାଉନ ଥାନା ପୁଲିସ ପହଞ୍ଚି ଉଭୟଙ୍କ ଶବ ଉଦ୍ଧାର କରିବା ସହ ବ୍ୟବଛେଦ ନିମନ୍ତେ ପଣ୍ଡିତ ରଘୁନାଥ ମୁର୍ମୁ ମେଡ଼ିକାଲ କଲେଜକୁ ଆଣିଛି। ସ୍ଥାନୀୟ ଲୋକଙ୍କ କହିବା ଅନୁଯାୟୀ ପୋଲର ଉଭୟ ପାର୍ଶ୍ଵରେ ହମ୍ପସ ନିର୍ମାଣ ଜରୁରୀ ହୋଇପଡିଛି, ଅନ୍ୟଥା ଏପରି ଦୁର୍ଘଟଣା ପୂର୍ବରୁ ଘଟୁଥିଲା ଓ ଆଗକୁ ମଧ୍ୟ ଘଟୁଥିବ।