ରାଜ୍ୟ
Death: ମେଡିକାଲ ନେବା ବାଟରେ ୧୦୮ ଆମ୍ବୁଲାନ୍ସ ଖରାପ, ବୃଦ୍ଧଙ୍କ ମୃତ୍ୟୁ ଅଭିଯୋଗ
ବିଦ୍ୟୁତ୍ ଆଘାତରେ ଗୁରୁତର ବୃଦ୍ଧଙ୍କୁ ଭଦ୍ରକ ମେଡିକାଲ ନେଉଥିବା ବେଳେ ୧୦୮ ଆମ୍ବୁଲାନ୍ସ ଖରାପ ହୋଇଥିବା ଅଭିଯୋଗ। ବିଳମ୍ବ ଯୋଗୁଁ ଭାଗବତ ସାହୁଙ୍କ ମୃତ୍ୟୁ ହୋଇଥିବା ପରିବାରର ଅଭିଯୋଗ।
ଖଇରା: ମେଡିକାଲ ନେବା ରାସ୍ତାରେ ୧୦୮ଆମ୍ବୁଲାନ୍ସ ଖରାପ ହେବାରୁ ବିଦ୍ୟୁତ୍ ଆଘାତରେ ଗୁରୁତର ହୋଇଥିବା ବୃଦ୍ଧଙ୍କ ମୃତ୍ୟୁ ହୋଇଥିବା ନେଇ ପରିବାର ଲୋକଙ୍କ ଅଭିଯୋଗ। ବାଲେଶ୍ୱର ଜିଲ୍ଲା ଖଇରା ଥାନା ନୟାଖଣ୍ଡି ପଞ୍ଚାୟତ ଅଧିନ ତୁରାଣୀପଦା ଗାଁର ବୃଦ୍ଧ ଭାଗବତ ସାହୁ ଆଜି ବିଦ୍ୟୁତ୍ ଆଘାତରେ ଗୁରୁତର ହୋଇଥିବାବେଳେ ତାଙ୍କୁ ଖଇରା ମେଡିକାଲରେ ଭର୍ତ୍ତି କରାଯାଇଥିଲା।
ଦୀର୍ଘ ସମୟ ଧରି ଆମ୍ବୁଲାନ୍ସ ଅଟକି ଥିଲା
ସେଠାରେ ତାଙ୍କର ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ୧୦୮ଆମ୍ବୁଲାନ୍ସ ଯୋଗେ ଭଦ୍ରକ ମେଡିକାଲକୁ ସ୍ଥାନାନ୍ତର କରାଯାଉଥିବା ବେଳେ ଧୋବାଗଢିଆ-ରାଣୀତାଳ ରାସ୍ତାର ଜଳଙ୍ଗ ଛକ ନିକଟରେ ଆମ୍ବୁଲାନ୍ସଟି ଖରାପ ହେବାରୁ ଦୀର୍ଘ ସମୟ ଧରି ଆମ୍ବୁଲାନ୍ସ ଅଟକି ଥିଲା। ଫଳରେ ଗୁରୁତର ବୃଦ୍ଧଙ୍କ ମୃତ୍ୟୁ ଘଟିଥିବା ପରିବାର ଲୋକେ ଅଭିଯୋଗ କରିଛନ୍ତି।
ସୌଜନ୍ୟ ସମ୍ବାଦ
