IND vs AFG 2nd ODI: ଅଳ୍ପକେ ଅର୍ଦ୍ଧଶତକ ହାତଛଡ଼ା କଲେ ରୋହିତ ଶର୍ମା, କିନ୍ତୁ ରଚିଲେ ନୂଆ ଇତିହାସ
ଆଫଗାନିସ୍ତାନ ବିପକ୍ଷ ଦ୍ୱିତୀୟ ଦିନିକିଆରେ ଭାରତୀୟ ଦଳର ଷ୍ଟାର ଖେଳାଳି ରୋହିତ ଶର୍ମାଙ୍କ ବ୍ୟାଟରୁ ଏକ ବିସ୍ଫୋରକ ଇନିଂସ ଦେଖିବାକୁ ମିଳିଛି। ବୁଧବାର ଖେଳାଯାଇଥିବା ଏହି ମ୍ୟାଚରେ ରୋହିତ ମାତ୍ର ୩୯ଟି ବଲରୁ ୪୮ ରନର ଏକ ଦମଦାର ପାଳି ଖେଳିଛନ୍ତି। ଏହି ଇନିଂସରେ ସେ ୬ଟି ଚୌକା ଓ ୨ଟି ଛକା ସାମିଲ୍। ପ୍ରଥମ ମ୍ୟାଚରେ ମାତ୍ର ୧୬ ରନ୍ କରି ଆଉଟ୍ ହୋଇଥିବା 'ହିଟମ୍ୟାନ' ଏହି ମ୍ୟାଚରେ ମଧ୍ୟ ଅଳ୍ପକେ ଅର୍ଦ୍ଧଶତକରୁ ବଞ୍ଚିତ ହୋଇଛନ୍ତି।
ଲକ୍ଷ୍ନୌ: ଆଫଗାନିସ୍ତାନ ବିପକ୍ଷ ଦ୍ୱିତୀୟ ଦିନିକିଆରେ ଭାରତୀୟ ଦଳର ଷ୍ଟାର ଖେଳାଳି ରୋହିତ ଶର୍ମାଙ୍କ ବ୍ୟାଟରୁ ଏକ ବିସ୍ଫୋରକ ଇନିଂସ ଦେଖିବାକୁ ମିଳିଛି। ବୁଧବାର ଖେଳାଯାଇଥିବା ଏହି ମ୍ୟାଚରେ ରୋହିତ ମାତ୍ର ୩୯ଟି ବଲରୁ ୪୮ ରନର ଏକ ଦମଦାର ପାଳି ଖେଳିଛନ୍ତି। ଏହି ଇନିଂସରେ ସେ ୬ଟି ଚୌକା ଓ ୨ଟି ଛକା ସାମିଲ୍। ପ୍ରଥମ ମ୍ୟାଚରେ ମାତ୍ର ୧୬ ରନ୍ କରି ଆଉଟ୍ ହୋଇଥିବା ‘ହିଟମ୍ୟାନ’ ଏହି ମ୍ୟାଚରେ ମଧ୍ୟ ଅଳ୍ପକେ ଅର୍ଦ୍ଧଶତକରୁ ବଞ୍ଚିତ ହୋଇଛନ୍ତି। ତେବେ ୫୦ ରନ୍ ସ୍କୋର କରିପାରି ନଥିଲେ ବି ରୋହିତ ଏହି ମ୍ୟାଚରେ ଏକ ବିରାଟ ସଫଳତା ହାସଲ କରିଛନ୍ତି ଏବଂ ଭାରତୀୟ କ୍ରିକେଟର ଏକ ସ୍ୱତନ୍ତ୍ର କ୍ଲବରେ ନିଜ ନାମ ସାମିଲ କରିଛନ୍ତି।
ଲିଷ୍ଟ-ଏ କ୍ରିକେଟରେ ୧୪ ହଜାର କ୍ଲବରେ ‘ହିଟମ୍ୟାନ’
ଚଳିତ ମ୍ୟାଚ୍ରେ ୪୮ ରନ୍ର ଇନିଂସ ଖେଳିବା ପରେ ରୋହିତ ଶର୍ମା ଭାରତ ପାଇଁ ଲିଷ୍ଟ-ଏ କ୍ରିକେଟରେ ୧୪,୦୦୦ ରନ୍ ପୂରଣ କରିଛନ୍ତି। ଏହି ମାଇଲଖୁଣ୍ଟ ଛୁଇଁବାରେ ସେ ଭାରତର ପଞ୍ଚମ ବ୍ୟାଟର ହୋଇଛନ୍ତି। ଏହି ତାଲିକାରେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ଶୀର୍ଷରେ ଥିବା ବେଳେ ବିରାଟ କୋହଲି ଦ୍ୱିତୀୟ ସ୍ଥାନରେ ଅଛନ୍ତି।
ଭାରତ ପାଇଁ ସବୁଠାରୁ ଅଧିକ ଲିଷ୍ଟ-ଏ ରନ୍
ସଚିନ ତେନ୍ଦୁଲକର: ୨୧,୯୯୯ ରନ୍
ବିରାଟ କୋହଲି: ୧୬,୪୪୭ ରନ୍
ସୌରଭ ଗାଙ୍ଗୁଲି: ୧୫,୬୨୨ ରନ୍
ରାହୁଲ ଦ୍ରାବିଡ: ୧୫,୨୭୧ ରନ୍
ରୋହିତ ଶର୍ମା: ୧୪,୦୩୮* ରନ୍
ଦିନିକିଆରେ ତୃତୀୟ ସ୍ଥାନରେ ରୋହିତ
ରୋହିତ ଶର୍ମାଙ୍କ ଦିନିକିଆ କ୍ୟାରିୟରରେ ଭାରତ ପାଇଁ ସବୁଠାରୁ ଅଧିକ ରନ୍ କରିଥିବା ତୃତୀୟ ବ୍ୟାଟର। ସଚିନ ଓ ବିରାଟ ଯଥାକ୍ରମେ ପ୍ରଥମ ଓ ଦ୍ୱିତୀୟ ସ୍ଥାନରେ ରହିଛନ୍ତି।
ଭାରତ ପାଇଁ ଦିନିକିଆରେ ସର୍ବାଧିକ ରନ
ସଚିନ ତେନ୍ଦୁଲକର – ୧୮,୪୨୬ ରନ୍
ବିରାଟ କୋହଲି – ୧୪,୭୯୭ ରନ୍
ରୋହିତ ଶର୍ମା – ୧୧,୬୪୧ ରନ୍
ସୌରଭ ଗାଙ୍ଗୁଲି – ୧୧,୨୨୧ ରନ୍
ରାହୁଲ ଦ୍ରାବିଡ – ୧୦,୭୬୮ ରନ୍
ଏମିତି ରହିଛି ରୋହିତଙ୍କ ଦିନିକିଆ କ୍ୟାରିୟର
ରୋହିତ ଶର୍ମା ଏପର୍ଯ୍ୟନ୍ତ ନିଜ କ୍ୟାରିୟରରେ ୨୮୪ଟି ଦିନିକିଆ ମ୍ୟାଚ୍ ଖେଳିଛନ୍ତି। ଏହାର ୨୭୬ ଇନିଂସରେ ସେ ୪୮.୭୦ ହାରରେ ୧୧,୬୪୧ ରନ କରିଛନ୍ତି। ଏଥିରେ ୩୩ଟି ଶତକ ଏବଂ ୬୧ଟି ଅର୍ଦ୍ଧଶତକ ସାମିଲ୍।ଦିନିକିଆ କ୍ରିକେଟ୍ ଇତିହାସରେ ସର୍ବାଧିକ ବ୍ୟକ୍ତିଗତ ସ୍କୋର ୨୬୪ ରନ କରିବାର ବିଶ୍ୱ ରେକର୍ଡ ମଧ୍ୟ ରୋହିତଙ୍କ ନାମରେ ରହିଛି। ସେ ୧୩ ନଭେମ୍ବର ୨୦୧୪ରେ ଶ୍ରୀଲଙ୍କା ବିପକ୍ଷରେ ଏହି ଐତିହାସିକ ଇନିଂସ ଖେଳିଥିଲେ।
ସୌଜନ୍ୟ Prameya News7
