ତିରୁବନନ୍ତପୁରମ: ମହିଳାଙ୍କ ବିରୋଧରେ ଚରିତ୍ର କଳଙ୍କିତ କରାଯାଉଥିବା ଅଭିଯୋଗ ଉପରେ କେରଳ ହାଇକୋର୍ଟ ଏକ କଡ଼ା ମନ୍ତବ୍ୟ ଦେଇଛନ୍ତି। କୋର୍ଟ କହିଛନ୍ତି ଯେ, କୌଣସି ଦୃଢ଼ ଆଧାର ବିନା ମହିଳାଙ୍କୁ ବଦନାମ କରିବା ସାମାଜିକ ହିଂସାର ଏକ ମାରାତ୍ମକ ରୂପ। କୋର୍ଟ ଏହା ମଧ୍ୟ କହିଛନ୍ତି, ଆମ ଭଳି ଏକ ସମାଜ ଜଣେ ମହିଳାଙ୍କ ସଫଳତା ଅପେକ୍ଷା ତାଙ୍କ ପ୍ରତିଛବି ଉପରେ ଅଧିକ ଧ୍ୟାନ ଦେଇଥାଏ ଜଷ୍ଟିସ୍ ସି.ଏସ୍. ଡିଆସ୍ ମାଲାୟଲମ ଚଳଚ୍ଚିତ୍ର ଅଭିନେତ୍ରୀ ଶ୍ୱେତା ମେନନଙ୍କ ବିରୋଧରେ ଦାୟର ଏକ ଏଫ୍ଆଇଆର୍କୁ ଖାରଜ କରିବା ସମୟରେ ଏହି ମନ୍ତବ୍ୟ ଦେଇଛନ୍ତି। ଶ୍ବେତାଙ୍କ ବିରୋଧରେ ତାଙ୍କର କିଛି ପୁରୁଣା ଚଳଚ୍ଚିତ୍ର ଏବଂ ବିଜ୍ଞାପନରୁ ଅଶ୍ଳୀଳ ଦୃଶ୍ୟ ପ୍ରକାଶନ କିମ୍ବା ପ୍ରସାରଣ କରାଯାଇଥିବାର ଅଭିଯୋଗ ଥିଲା। ହାଇକୋର୍ଟ କହିଛନ୍ତି, ଅଭିନେତ୍ରୀଙ୍କ ମତରେ ଏହା ଯୁକ୍ତିଯୁକ୍ତ ଯେ ଅଭିଯୋଗ କେବଳ ତାଙ୍କୁ ମାଲାୟଲମ ମୁଭି ଆର୍ଟିଷ୍ଟ ଆସୋସିଏସନର ସଭାପତି ପଦ ପାଇଁ ନିର୍ବାଚନ ଲଢ଼ିବାରୁ ରୋକିବା ପାଇଁ ଦାୟର କରାଯାଇଥିଲା, ତାହା ମଧ୍ୟ ନାମାଙ୍କନ ପ୍ରତ୍ୟାହାରର ଶେଷ ତାରିଖ ପୂର୍ବରୁ।
-
-
-
-
-
