Mahanadi dispute: ଶାହ ତୁଟାଇବେ ମହାନଦୀ କଳି

ମହାନଦୀ ଜଳ ବଣ୍ଟନ ପ୍ରସଙ୍ଗରେ ଦୁଇ ରାଜ୍ୟ ମଧ୍ୟରେ ଆଲୋଚନାକୁ ଆହୁରି ଆଗକୁ ନେଇ ଯଥାଶୀଘ୍ର ଏହାକୁ ସମାଧାନ କରିବା ଏହି ବୈଠକର ମୁଖ୍ୟ ଉଦ୍ଦେଶ୍ୟ। ଏହି ଆପୋସ ଆଲୋଚନା ମାଧ୍ୟମରେ ଉଭୟ ରାଜ୍ୟ ପାଇଁ ଗ୍ରହଣଯୋଗ୍ୟ ଏକ ସମାଧାନ ସୂତ୍ର ଶୀଘ୍ର ବାହାରିବ ବୋଲି ଶ୍ରୀ ଆଚାର୍ଯ୍ୟ କହିଛନ୍ତି। କେନ୍ଦ୍ରୀୟ ଜଳ ଆୟୋଗ ଅଧ୍ୟକ୍ଷଙ୍କ ମଧ୍ୟସ୍ଥତାରେ ଉଭୟ ରାଜ୍ୟ ମଧ୍ୟରେ ମହାନଦୀ ଜଳର ସୁଷମ ବଣ୍ଟନ କିପରି ହୋଇପାରିବ ସେଥିପାଇଁ ଅନୁଷ୍ଠିତ ହୋଇଥିବା ବୈଠକର ବିସ୍ତୃତ ତଥ୍ୟ ଟ୍ରିବ୍ୟୁନାଲରେ ଦାଖଲ କରାଯାଇଛି। ଟ୍ରିବ୍ୟୁନାଲ ମଧ୍ୟ ଏହି ତଥ୍ୟକୁ ରେକର୍ଡରେ ଗ୍ରହଣ କରିଛନ୍ତି। ପାରସ୍ପରିକ ବୁଝାମଣା ମାଧ୍ୟମରେ ଏହି ବିବାଦର ସମାଧାନ ପାଇଁ ଏକ ପଥ ଉନ୍ମୁକ୍ତ ହେଉଛି ବୋଲି ସେ କହିଛନ୍ତି।