Men’s Hockey World Cup: କେହି କାହାକୁ କମ୍ ନଥିଲେ…ଅସଲ ଗେମ୍ ଖେଳି ଟ୍ରଫି ଜିତିଲା ଜର୍ମାନୀ, ସ୍ପେନ୍ ସ୍ବପ୍ନ ଚୁରମାର୍
ନୂଆଦିଲ୍ଲୀ,୩୧/୦୮: ଜର୍ମାନୀ ପୁରୁଷ ହକି ବିଶ୍ୱକପ୍ରେ ଟାଇଟଲ ବଜାୟ ରଖିଛି । ରବିବାର ଖେଳାଯାଇଥିବା ଫାଇନାଲରେ ଦଳ ୧-୦ ଗୋଲରେ ସ୍ପେନକୁ ପରାଜିତ କରିଥିଲା । ବ୍ରୋଞ୍ଜ ପଦକ ଲଢ଼େଇରେ ଆର୍ଜେଣ୍ଟିନା ୨-୧ ଗୋଲରେ ନେଦରଲାଣ୍ଡସକୁ ହରାଇଥିଲା । ଫାଇନାଲ ଡିଫେଣ୍ଡିଂ ଚାମ୍ପିଅନ ଜର୍ମାନୀ ଓ ସ୍ପେନ ଫାଇନାଲ ବେଶ ସଂଘର୍ଷପୂର୍ଣ୍ଣ ହୋଇଥିଲା । ଉଭୟ ଦଳ କେହି କାହାକୁ ଊଣା ନଥିଲେ । ଆକ୍ରମଣ ଓ ପ୍ରତି ଆକ୍ରମଣ ମଧ୍ୟରେ ଖେଳ ବେଶ ଚିତାକର୍ଷକ ହୋଇଥିଲା । ପ୍ରଥମ ଓ ଦ୍ୱିତୀୟ କ୍ୱାର୍ଟର ଖେଳ ଗୋଲ ଶୂନ୍ୟ ରହିଥିଲା ।
ତୃତୀୟ କ୍ୱାର୍ଟରରେ ମଧ୍ୟ ସମାନ ଖେଳ ଦେଖିବାକୁ ମିଳିଥିଲା । ମାତ୍ର ଏହି କ୍ୱାର୍ଟର ଗୋଟିଏ ମିନିଟ ଶେଷ ହେବା ପୂର୍ବରୁ ଜର୍ମାନୀର ମିଚେଲ ଷ୍ଟ୍ରୁଥଅଫ ଏକ ଚମତ୍କାର ଫିଲ୍ଡ ଗୋଲ ଦେଇଥିଲେ । ୧-୦ ଗୋଲରେ ଦଳ ଅଗ୍ରଣୀ ଲାଭ କରିଥିଲା । ଅନ୍ତିମ କ୍ୱାର୍ଟରରେ ସ୍ପେନ ସ୍ଥିତି ବରାବର କରିବା ନେଇ ବହୁ ପ୍ରୟାସ କରିଥିଲା । କିନ୍ତୁ ସଫଳ ହୋଇ ପାରିନଲା । ଗୋଟିଏ ଗୋଲରେ ଅଗ୍ରଣୀ ସହ ଶେଷରେ ଜର୍ମାନୀ ବିଜୟୀ ହୋଇଥିଲା । ଏହାକୁ ମିଶାଇ ଜର୍ମାନୀ ବିଶ୍ୱକପ୍ରେ ଚତୁର୍ଥ ଟାଇଟଲ ହାସଲ କରି ପାକିସ୍ତାନ ସହ ସମକକ୍ଷ ହୋଇଛି । ପୂର୍ବରୁ ଦଳ ୨୦୨୩, ୨୦୦୬ ଓ ୨୦୦୨ରେ ଚାମ୍ପିଅନ ହୋଇଥିଲା । ଏଥର ବି ଟାଇଟଲ୍ ବଜାୟ ରଖିଛି ଜର୍ମାନୀ । ହକି ବିଶ୍ୱକପରେ ମହିଳା ଭାରତୀୟ ଦଳ ପଞ୍ଚମ ସ୍ଥାନରେ ରହି ଅଭିଯାନ ଶେଷ କରିଥିଲା । ଭାରତ ଅଷ୍ଟମ ସ୍ଥାନରେ ରହିଥିଲା । ମହିଳା ହକି ବିଶ୍ୱକପ ବିଜୟ ମୁକୁଟ ପିନ୍ଧିଥିଲା ଆର୍ଜେଣ୍ଟିନା । ୯ ଥରର ଚାମ୍ପିଅନ୍ ନେଦରଲାଣ୍ଡସକୁ ପେନାଲ୍ଟି ସୁଟ୍ ଆଉଟ୍ରେ ଦେଇଥିଲା ମାତ୍ ।
ସୌଜନ୍ୟ ପ୍ରମେୟ
