Operation Sindoor: ଅପରେସନ ସିନ୍ଦୂରକୁ ନେଇ ପାକିସ୍ତାନର ନୂଆ ପ୍ରଚାର ଭିଡିଓ, ୩୨ ଭାରତୀୟ ବାୟୁସେନା ଘାଟିରେ ଆକ୍ରମଣ ଦାବି

ଭିଡିଓରେ ପାକିସ୍ତାନ ଦାବି କରିଛି ଯେ, ଅପରେସନ ସିନ୍ଦୂର ସମୟରେ ତା’ର ବାୟୁସେନା ଭାରତର ୩୨ଟି ବାୟୁସେନା ଘାଟିକୁ ଆକ୍ରମଣ କରିଥିଲା। ଏହା ସହ ଦୁଇଟି ଏସ୍‌-୪୦୦ ବାୟୁ ପ୍ରତିରକ୍ଷା ବ୍ୟବସ୍ଥା ନଷ୍ଟ କରିବା, ଭାରତୀୟ ସାମରିକ ଉପଗ୍ରହକୁ ଅଚଳ କରିବା, ବିଦ୍ୟୁତ୍‌ ଗ୍ରିଡ୍‌ରେ ବ୍ୟାଘାତ ସୃଷ୍ଟି କରିବା ଏବଂ ଇନ୍ଧନ ଯୋଗାଣ ବ୍ୟବସ୍ଥାକୁ ପ୍ରଭାବିତ କରିବା ଭଳି ଦାବି ମଧ୍ୟ କରାଯାଇଛି। ଭାରତର ୮ଟି ବିମାନ ଖସାଇଥିବା ନେଇ ମଧ୍ୟ ଭିଡିଓରେ ଦାବି ରହିଛି।

ଭିଡିଓରେ ଭାରତର ମାନଚିତ୍ର ଦେଖାଇ ବିଭିନ୍ନ ସ୍ଥାନରେ ବିସ୍ଫୋରଣର ଚିହ୍ନ ଦିଆଯାଇଛି। ‘୩୨ ଆଇଏଏଫ୍‌ ବେସ୍‌ ହିଟ୍‌’ ଲେଖା ମଧ୍ୟ ଦେଖାଯାଇଛି। ତେବେ ଏହି ଦାବିଗୁଡ଼ିକ ସପକ୍ଷରେ ପ୍ରକୃତ ଉପଗ୍ରହ ଚିତ୍ର, ବାୟୁସେନା ଘାଟିର କ୍ଷୟକ୍ଷତିର ଫଟୋ କିମ୍ବା ଅନ୍ୟ କୌଣସି ପ୍ରତ୍ୟକ୍ଷ ପ୍ରମାଣ ଭିଡିଓରେ ଦିଆଯାଇନାହିଁ। ଏଥିପାଇଁ ଭାରତୀୟ ସୋସିଆଲ୍‌ ମିଡିଆ ବ୍ୟବହାରକାରୀମାନେ ପାକିସ୍ତାନର ଦାବି ଉପରେ ପ୍ରଶ୍ନ ଉଠାଇଛନ୍ତି।