Seikh Hasina: ଶେଖ ହସିନା ପ୍ରସଙ୍ଗରେ ବଢୁଛି ମତଭେଦ: ଅନିଶ୍ଚିତତାରେ ତାରିକ ରହମାନଙ୍କ ଭାରତ ଗସ୍ତ

ଏହି ଗସ୍ତର ମୁଖ୍ୟ ପ୍ରସଙ୍ଗ ହୋଇଛି ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କ ପ୍ରତ୍ୟର୍ପଣ। ହସିନା ବର୍ତ୍ତମାନ ଭାରତରେ ଅଛନ୍ତି। ତାଙ୍କୁ ବାଂଲାଦେଶକୁ ପ୍ରତ୍ୟର୍ପଣ ପାଇଁ ଢାକା ଦାବି କରିଆସୁଛି। ଅଗଷ୍ଟ ୫ରେ ଭାରତରେ ହସିନାଙ୍କ ଏକ ସାମ୍ବାଦିକ ସମ୍ମିଳନୀକୁ ନେଇ ମଧ୍ୟ ବାଂଲାଦେଶ ଆପତ୍ତି ଉଠାଇଥିଲା। ଭାରତ ଏହାକୁ ‘ବ୍ୟକ୍ତିଗତ କାର୍ଯ୍ୟକ୍ରମ’ ବୋଲି ବର୍ଣ୍ଣନା କରିଥିଲା। କିନ୍ତୁ ଏଥିରେ ଢାକା ସନ୍ତୁଷ୍ଟ ହୋଇନାହିଁ। ବାଂଲାଦେଶର ନ୍ୟାସନାଲ ସିଟିଜେନ୍ସ ପାର୍ଟିର ପ୍ରତିଷ୍ଠାତା ଆହ୍ବାୟକ ନାହିଦ ଇସ୍‌ଲାମ ହସିନାଙ୍କ ପ୍ରତ୍ୟର୍ପଣ ନ ହେବା ପର୍ଯ୍ୟନ୍ତ ଭାରତ ସହ ସ୍ବାଭାବିକ କୂଟନୈତିକ ସମ୍ପର୍କ ଆଡ଼କୁ ଯିବା ଉଚିତ ନୁହେଁ ବୋଲି ମତ ଦେଇଛନ୍ତି। ଅନ୍ୟପକ୍ଷରେ ସରକାର ମଧ୍ୟରେ ଭାରତ ନୀତିକୁ ନେଇ ଏକମତ ନ ଥିବା ଦେଖାଯାଉଛି। ବିଦେଶ ବ୍ୟାପାର ଉପଦେଷ୍ଟା ହୁମାୟୁନ କବୀର ଓ ବିଦେଶମନ୍ତ୍ରୀ ଖଲିଲୁର ରହମାନଙ୍କ ଆଭିମୁଖ୍ୟରେ ମଧ୍ୟ ଭିନ୍ନତା ଦେଖାଯାଇଛି।