ନୂଆଦିଲ୍ଲୀ, ୨୪।୯: ଦୋକାନରୁ ଜିନିଷ କିଣିବା ବେଳେ ମୋବାଇଲ୍ QR କୋଡ୍ ସ୍କାନ୍ କରି UPI ପେମେଣ୍ଟ କରୁଛନ୍ତି କି ? ଯଦି ହଁ, ତେବେ ଏହି ଖବରଟି ଆପଣଙ୍କ ପାଇଁ ଅତ୍ୟନ୍ତ ଜରୁରୀ । ଆଗାମୀ ଅକ୍ଟୋବର ୨ ତାରିଖ ଅର୍ଥାତ୍ ଗାନ୍ଧୀ ଜୟନ୍ତୀ ଦିନ ଦେଶବ୍ୟାପୀ ‘ନୋ ୟୁପିଆଇ ଡେ’ ପାଳନ କରିବାକୁ ଘୋଷଣା କରିଛନ୍ତି ଦେଶର ପ୍ରମୁଖ ବ୍ୟବସାୟୀ ସଂଗଠନ । ଯଦି ଏହି ନିୟମ ଲାଗୁ ରହେ, ତେବେ ସେହିଦିନ ଗ୍ରାହକମାନଙ୍କୁ UPI ଜରିଆରେ ପେମେଣ୍ଟ କରିବାକୁ ଦିଆଯିବ ନାହିଁ ଏବଂ କେବଳ କ୍ୟାସ୍ କିମ୍ବା କାର୍ଡରେ ଜିନିଷ କିଣିବାକୁ ପଡ଼ିବ । ୟୁପିଆଇ ଟ୍ରାଞ୍ଜାକ୍ସନ ଉପରେ ଲାଗୁ ହେବାକୁ ଯାଉଥିବା 0.୪% MDR (Merchant Discount Rate) ଶୁଳ୍କକୁ ବିରୋଧ କରୁଛନ୍ତି ବ୍ୟାପାରୀ । ଫେଡେରେସନ୍ ଅଫ୍ ଅଲ୍ ଇଣ୍ଡିଆ ବେପାର ମଣ୍ଡଳ (FAIVM) ଏବଂ କନଫେଡେରସନ୍ ଅଫ୍ ଅଲ୍ ଇଣ୍ଡିଆ ଟ୍ରେଡର୍ସ (CAIT) ଭଳି ବଡ଼ ବଡ଼ ସଂଗଠନ ଏହା ବିରୁଦ୍ଧରେ ମଇଦାନକୁ ଓହ୍ଲାଇଛନ୍ତି ।
ବେପାରୀମାନଙ୍କ କହିବା କଥା ଯେ, ପେଟ୍ରୋଲ-ଡିଜେଲ, ଇଲେକ୍ଟ୍ରୋନିକ୍ସ ଏବଂ ଆଶ୍ଵସ୍ତିକର ସାମଗ୍ରୀରେ ଲାଭ ପୂର୍ବରୁ ବହୁତ କମ୍ ରହିଛି । ଏଭଳି ସ୍ଥଳେ ନୂଆ ଟିକସ ବୋଝ ସେମାନଙ୍କ ଆର୍ଥିକ ଅବସ୍ଥାକୁ ଆହୁରି ଖରାପ କରିଦେବ । ଇନ୍ଦୋର ରିଟେଲ ଗାର୍ମେଣ୍ଟ୍ସ ଆସୋସିଏଏସନ୍ ଚେତାବନୀ ଦେଇଛି ଯେ, ଯଦି ଅକ୍ଟୋବର ୧୫ ଭିତରେ ଏହି ନିଷ୍ପତ୍ତି ପ୍ରତ୍ୟାହୃତ ନହୁଏ, ତେବେ ସେମାନେ UPI QR କୋଡ୍ ମେସିନ୍ ଗୁଡ଼ିକୁ ପାଣିରେ ଭସାଇଦେବେ ।
ସୌଜନ୍ୟ ପ୍ରମେୟ
