Vande Mataram row: କଂଗ୍ରେସ ଓ ସୋନିଆ ଗାନ୍ଧୀଙ୍କୁ ତୀବ୍ର ସମାଲୋଚନା କଲେ ସ୍ମୃତି ଇରାନୀ
ବିଜେପିର ନବନିଯୁକ୍ତ ଜାତୀୟ ସାଧାରଣ ସମ୍ପାଦକ ସ୍ମୃତି ଇରାନୀ ଶୁକ୍ରବାର ବନ୍ଦେ ମାତରମ୍ ବିବାଦକୁ ନେଇ କଂଗ୍ରେସ ଉପରେ ବର୍ଷିଛନ୍ତି। ଭାରତର ପ୍ରଥମ ରାଷ୍ଟ୍ରପତି ରାଜେନ୍ଦ୍ର ପ୍ରସାଦ ୧୯୫୦ ମସିହାରେ ସମ୍ବିଧାନ ପ୍ରଣୟନ ସଭାରେ ବନ୍ଦେ ମାତରମ୍କୁ ‘ଜନ ଗଣ ମନ’ ସହିତ...
ନୂଆଦିଲ୍ଲୀ: ବିଜେପିର ନବନିଯୁକ୍ତ ଜାତୀୟ ସାଧାରଣ ସମ୍ପାଦକ ସ୍ମୃତି ଇରାନୀ ଶୁକ୍ରବାର ବନ୍ଦେ ମାତରମ୍ ବିବାଦକୁ ନେଇ କଂଗ୍ରେସ ଉପରେ ବର୍ଷିଛନ୍ତି। ଭାରତର ପ୍ରଥମ ରାଷ୍ଟ୍ରପତି ରାଜେନ୍ଦ୍ର ପ୍ରସାଦ ୧୯୫୦ ମସିହାରେ ସମ୍ବିଧାନ ପ୍ରଣୟନ ସଭାରେ ବନ୍ଦେ ମାତରମ୍କୁ ‘ଜନ ଗଣ ମନ’ ସହିତ ସମାନ ସମ୍ମାନ ପ୍ରଦାନ କରାଯିବା ଉଚିତ ବୋଲି ସ୍ପଷ୍ଟ କରିଥିବାବେଳେ, ଏହି ଜାତୀୟ ସଙ୍ଗୀତକୁ ସମାନ ସମ୍ମାନ ଦିଆଯିବ କି ନାହିଁ ତାହା କଂଗ୍ରେସ କିପରି ସ୍ଥିର କରିପାରିବ ବୋଲି ସେ ପ୍ରଶ୍ନ କରିଛନ୍ତି। ଏକ ସାକ୍ଷାତକାରରେ ସ୍ମୃତି ଇରାନୀ କହିଛନ୍ତି ଯେ, ଭାରତର ସଂସଦ ଏକ ନିର୍ଦ୍ଦିଷ୍ଟ ବିଷୟ ଉପରେ ମତାମତ ଦେଇ ଆଇନ ପ୍ରଣୟନ କରିବା ପରେ, ସେହି ଆଇନକୁ ଅଳିଆ ଗଦାକୁ ଫିଙ୍ଗିଦେବା ପାଇଁ ସୋନିଆ ଗାନ୍ଧୀଙ୍କ ଅଧିକାର ନାହିଁ ବୋଲି ସେ କହିଛନ୍ତି
ଉଲ୍ଲେଖଯୋଗ୍ୟ, ସ୍ୱାଧୀନତା ଦିବସ ଅବସରରେ କଂଗ୍ରେସ ମୁଖ୍ୟାଳୟରେ ବନ୍ଦେ ମାତରମ୍ ଗାନ କରାଯାଉଥିବା ସମୟରେ ସୋନିଆ ଗାନ୍ଧୀ କଂଗ୍ରେସ ମୁଖ୍ୟ ମଲ୍ଲିକାର୍ଜୁନ ଖାଗଡ଼େଙ୍କ ସହ କ୍ରୋଧିତ ହୋଇ ଆଲୋଚନା କରୁଥିବାର ଏକ ଭିଡିଓକୁ ସେ ସୂଚିତ କରିଛନ୍ତି। ଏହି ଗୀତର ପଞ୍ଚମ ଏବଂ ଷଷ୍ଠ ଅନୁଚ୍ଛେଦରେ ଦେବୀ ଦୁର୍ଗାଙ୍କୁ ଆବାହନ କରାଯାଇଥିବାରୁ ସୋନିଆ ଗାନ୍ଧୀଙ୍କର ଏଥିରେ କଣ ସମସ୍ୟା ରହିଛି ବୋଲି ସେ ପ୍ରଶ୍ନ କରିଛନ୍ତି।
ବନ୍ଦେ ମାତରମ୍ର ପଦଗୁଡ଼ିକ ମା’ ଭାରତୀଙ୍କୁ ଜ୍ଞାନ, ଶକ୍ତି ଏବଂ ପୋଷଣର ଉତ୍ସ ତଥା ରାଷ୍ଟ୍ରଧର୍ମର ଏକ ସ୍ୱରୂପ ଭାବରେ ଚିତ୍ରଣ କରେ ବୋଲି ସ୍ମୃତି ଇରାନୀ ପ୍ରକାଶ କରିଛନ୍ତି। ଏହି ସଙ୍ଗୀତରେ ଦଶଭୁଜା ଦେବୀ ଭଗବତୀଙ୍କୁ ଆବାହନ କରାଯାଇଛି ଏବଂ ସମୃଦ୍ଧିର ଉତ୍ସ ଭାବେ ମା’ ଲକ୍ଷ୍ମୀଙ୍କ ସହ ତାଙ୍କୁ ତୁଳନା କରାଯାଇଛି। ମା’ ଭାରତୀଙ୍କୁ ଜ୍ଞାନ ଏବଂ ଶକ୍ତିର ଉତ୍ସ ଭାବରେ ଚିତ୍ରଣ କରାଯିବାକୁ ନେଇ ସୋନିଆ ଗାନ୍ଧୀ କିମ୍ବା କଂଗ୍ରେjସ ଦଳର କଣ ସମସ୍ୟା ରହିଛି ବୋଲି ସେ କଂଗ୍ରେସକୁ ପ୍ରଶ୍ନ କରିଛନ୍ତି।
ସୌଜନ୍ୟ ସମ୍ବାଦ
