White Sugar vs Jaggery: ଚିନି ନା ଗୁଡ଼, ସ୍ୱାସ୍ଥ୍ୟ ପାଇଁ କେଉଁଟି ଅଧିକ ସ୍ୱାସ୍ଥ୍ୟକର ? ରିସର୍ଚ୍ଚରେ ବଡ଼ ଖୁଲାସା
ଚିନି ନା ଗୁଡ଼ ସ୍ୱାସ୍ଥ୍ୟ ପାଇଁ ଭଲ , ଦୈନନ୍ଦିନ ଖାଦ୍ୟରେ କଣ ସାମିଲ କରିବେ, କେତେ ପରିମାଣରେ ସାମିଲ୍ କରିବେ?
White Sugar vs Jaggery: ସକାଳର ଆରମ୍ଭ ଚା’ରୁ। ଆଉ ଚିନି ବିନା ଚା ପିଇବା ସମ୍ଭବ ନୁହେଁ। ତା ଛଡ଼ା ପୂରା ଦିନରେ ଚିନି ଆମ ସହ ଜଡ଼ିତ। ଚିନି ବିନା ପ୍ରତ୍ୟେକ ଖାଦ୍ୟ ଅଧୁରା। ଚିନି ଆମର ଅଧିକାଂଶ ଖାଦ୍ୟରେ ଏକ ଗୁରୁତ୍ୱପୂର୍ଣ୍ଣ ଅଂଶ। କିନ୍ତୁ ଆଜିକାଲି ଲୋକମାନେ ସ୍ୱାସ୍ଥ୍ୟ ପ୍ରତି ଅଧିକ ସଚେତନ। ସେଥିପାଇଁ ଅନେକ ଲୋକ ଚିନି ବଦଳରେ ଗୁଡ଼ ଭଳି ପ୍ରାକୃତିକ ବିକଳ୍ପକୁ ଆପଣାଉଛନ୍ତି। ଉଭୟ ଆଖୁରୁ ପ୍ରସ୍ତୁତ ହୋଇଥାଏ। ତଥାପି ପ୍ରକ୍ରିୟାକରଣ ଏବଂ ସ୍ୱାସ୍ଥ୍ୟ ପ୍ରଭାବରେ ଚିନି ଓ ଗୁଡ଼ ଭିନ୍ନ ଭିନ୍ନ। ପ୍ରକୃତରେ କେଉଁଟି ସ୍ୱାସ୍ଥ୍ୟ ପାଇଁ ଭଲ ଆସନ୍ତୁ ଜାଣିବା।
ଧଳା ଚିନି କ’ଣ?
ଧଳା ଚିନି ବା ପରିଷ୍କୃତ ଚିନି। ଆଖୁ ରସ ବାହାର କରି ଏବଂ ବିଶୋଧନ କରି ଉତ୍ପାଦିତ ହୁଏ। ପ୍ରକ୍ରିୟାକରଣ ସମୟରେ, ଖଣିଜ ଏବଂ ପୋଷକ ତତ୍ତ୍ୱ ଧାରଣ କରୁଥିବା ଗୁଡ଼ ବାହାର କରିଦିଆଯାଏ। ଯାହା ଶୁଦ୍ଧ ସୁକ୍ରୋଜ୍ ସ୍ପଟିକକୁ ହଟାଇ ଦିଆଯାଏ। ଏହାର ସ୍ୱାଦ ମିଠା ଲାଗିଥାଏ ଓ ସ୍ୱାଦ ବଢ଼ାଇଥାଏ ସତ କିନ୍ତୁ ଏଥିରେ ଫାଇବର, ଭିଟାମିନ୍ ଓ ଖଣିଜ ପଦାର୍ଥ ନାହିଁ।
ରୋଚକ ତଥ୍ୟ: ପରିଷ୍କୃତ ଚିନିର ଉଚ୍ଚ ଗ୍ଲାଇସେମିକ୍ ଇଣ୍ଡେକ୍ସ (GI) ଥାଏ, ଅର୍ଥାତ୍ ଏହା ଆପଣଙ୍କ ରକ୍ତ ଶର୍କରାକୁ ଶୀଘ୍ର ବୃଦ୍ଧି କରେ।
ଗୁଡ଼ କେମିତି ତିଆରି ହୁଏ ?
ଗୁଡ଼ ଆଖୁ ରସ କିମ୍ବା ତାଳ ରସକୁ ପୃଥକ ନକରି ଫୁଟାଇ ତିଆରି କରାଯାଏ। ଏଥିପାଇଁ ଏହାର ରଙ୍ଗ ବାଦାମୀ ରଙ୍ଗ ହୋଇଥାଏ। କନ୍ତୁ ଏହା ଚିନିର ବିପରୀତ। ଗୁଡ଼ରେ ଆଇରନ୍, କ୍ୟାଲସିୟମ, ପଟାସିୟମ ଏବଂ ମ୍ୟାଗ୍ନେସିୟମର ଭରପୁର ମାତ୍ରାରେ ରହିଛି। ସେଥିପାଇଁ ଏହା କମ୍ ପ୍ରକ୍ରିୟାକରଣ ହୋଇଥାଏ। ପୁଷ୍ଟିକର ବିକଳ୍ପ ପାଲଟିଥାଏ।
ରୋଚକ ତଥ୍ୟ: ଗୁଡ଼ର GI ଚିନି ତୁଳନାରେ କମ୍, କିନ୍ତୁ ଅତ୍ୟଧିକ ସେବନ କଲେ ଏହା ରକ୍ତରେ ଶର୍କରା ବୃଦ୍ଧି କରିପାରେ।
ଗୁଡ଼ର ଉପକାରିତା
୧. ଆଇରନ୍ ସ୍ତର ବୃଦ୍ଧି କରେ: ଏଥିରେ ଥିବା ଆଇରନ୍ ରକ୍ତହୀନତା ରୋକିବାରେ ସାହାଯ୍ୟ କରିପାରେ।
୨. ପାଚନ ପ୍ରକ୍ରିୟାରେ ସାହାଯ୍ୟ କରେ: ଭାରତରେ ଖାଦ୍ୟ ପରେ ଗୁଡ଼ ଖାଇବା ହଜମ ପ୍ରକ୍ରିୟାକୁ ଭଲ କରିଥାଏ।
୩. ଲିଭରକୁ ବିଷ ମୁକ୍ତ କରେ: ଗୁଡ଼ ପ୍ରାକୃତିକ ଭାବରେ ଶରୀରରୁ ବିଷାକ୍ତ ପଦାର୍ଥ ବାହାର କରିବାରେ ସାହାଯ୍ୟ କରେ।
୪. ଥଣ୍ଡା ଏବଂ କାଶରୁ ମୁକ୍ତି ଦିଏ: ଅଦା କିମ୍ବା ଗୋଲମରିଚ ସହିତ ଗରମ ଗୁଡ଼ ଗଳା ଜଳିବାକୁ କମ୍ କରିପାରେ।
ଗୁଡ଼ରେ ଉଚ୍ଚ କ୍ୟାଲୋରୀ ଏବଂ ଚିନିର ମାତ୍ରା ଅଧିକ ଥାଏ, ତେଣୁ ଏହାର ଅତ୍ୟଧିକ ସେବନ ଓଜନ ବୃଦ୍ଧି କରିପାରେ ଏବଂ ମଧୁମେହ ରୋଗୀଙ୍କୁ ପ୍ରଭାବିତ କରିପାରେ। ଧଳା ଚିନି କେବଳ “ଖାଲି କ୍ୟାଲୋରୀ” ପ୍ରଦାନ କରେ, ଏଥିରେ କୌଣସି ପୋଷକ ତତ୍ତ୍ୱ ନାହିଁ। ଏହା ମେଦବହୁଳତା, ଇନସୁଲିନ୍ ପ୍ରତିରୋଧ ଏବଂ ହାର୍ଟ ରୋଗର ବିପଦ ବୃଦ୍ଧି କରେ।
ଧଳା ଚିନି ଅପେକ୍ଷା ସ୍ୱାସ୍ଥ୍ୟକର ଗୁଡ଼?
ହଁ ଗୁଡ଼ ଧଳା ଚିନି ଅପେକ୍ଷା ସ୍ୱସ୍ଥ୍ୟକର, କିନ୍ତୁ ବହୁତ କମ୍ । ଯଦିଓ ଗୁଡ଼ ଖଣିଜ ପଦାର୍ଥ ଏବଂ କମ୍ ଗ୍ଲାଇସେମିକ୍ ଇଣ୍ଡେକ୍ସ ପ୍ରଦାନ କରେ, ତଥାପି ଏହାର ମୂଳ ଚିନି । ଯଦି ଆପଣ ଉତ୍ତମ ସ୍ୱାସ୍ଥ୍ୟ ପାଇଁ ଲକ୍ଷ୍ୟ ରଖିଛନ୍ତି, ତେବେ ଯଥା ସମ୍ଭବ ଚିନି ବଦଳରେ ଗୁଡ଼ ବ୍ୟବହାର କରନ୍ତୁ। କିନ୍ତୁ ଏହାକୁ ଏଧିକ କରନ୍ତୁ ନାହିଁ। କାରଣ ଅଧିକ ସବୁବେଳେ ଖରାପ।
ସୌଜନ୍ୟ Prameya News7
