Yogi Adityanath: କିଛି ଋଣ ଏଭଳି ହୋଇଥାଏ, ଯାହାକୁ ପରିଶୋଧ କରାଯାଇ ପାରିବ ନାହିଁ: ଯୋଗୀ

ପୁଲିସ ସ୍ମୁତି ଦିବସ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହିଛନ୍ତି, କିଛି ଋଣ ଏଭଳି ହୋଇଥାଏ, ଯାହାକୁ ପରିଶୋଧ କରାଯାଇ ପାରିବ ନାହିଁ। ସହିଦଙ୍କ ପ୍ରତି ରାଷ୍ଟର ଋଣ ଏହିଭଳି। ଆଜି ଆମେ ସେହି ବୀର ପୁଲିସ ଯବାନଙ୍କୁ ଭୂମିଷ୍ଠ ପ୍ରମାଣ ହେଉଛେ, ଯେଉଁମାନେ ଦେଶର ସୁରକ୍ଷା, ସମାଜର ଶାନ୍ତି, ନାଗରିକର ରକ୍ଷା କରିବା ସମୟରେ ନିଜ ପ୍ରାଣର ସର୍ବୋଚ୍ଚ ବଳିଦାନ ଦେଇଛନ୍ତି।

ଯୋଗୀ ଆଦିତ୍ୟନାଥ କହିଛନ୍ତି, ସହିଦଙ୍କ ବଳିଦାନକୁ ସ୍ମରଣ କରିବାରେ ମନରେ ଶ୍ରଦ୍ଧା ଏବଂ ସମ୍ମାନ ପୂର୍ଣ୍ଣ ହୋଇଯାଏ। ତାଙ୍କର ସାହସକୁ ନେଇ ମୁଣ୍ଡ ଗର୍ବରେ ଉଠିଥାଏ ଏବଂ ତାଙ୍କ ପ୍ରତି କୃତଜ୍ଞତା ଆମକୁ ନିଜର ଦାୟିତ୍ବବୋଧ କରିଥାଏ। କୌଣସି ରାଷ୍ଟ୍ରର ମହାନତା ଏହାରି ଉପରେ ନିର୍ଭର କରିଥାଏ ଯେ, ସେ ନିଜର ଇତିହାସ ଏବଂ ମୂଲ୍ୟର ‌ଅବଦାନକୁ କେତେ ସମ୍ମାନ ଦେଉଛି, ଯାହାଙ୍କର ତ୍ୟାଗ ଦ୍ବାରା ତାଙ୍କର ବର୍ତ୍ତମାନ ସୁରକ୍ଷିତ ଏବଂ ଭବିଷ୍ୟତ ସମ୍ଭବ ହୋଇପାରିଛି।

ସମାରୋହକୁ ସମ୍ବୋଧିତ କରି ମୁଖ୍ୟମନ୍ତ୍ରୀ କହିଛନ୍ତି, ମନେ ପକାନ୍ତୁ, ଏକଦା ସମୟ ଥିଲା, ଯେତେବେଳେ ପୁଲିସର ଜଣେ ଥାନାବାବୁ ହୁଅନ୍ତୁ ଅବା ଏସ୍‌ପି ଅପରାଧୀଙ୍କ ଉପରେ ହାତ ମାରିବା ପୂର୍ବରୁ ଚିନ୍ତା କରୁଥିଲେ। କାରଣ ଅପରାଧୀଙ୍କ ଉପରେ ନଜର ପକାଇବା ପରେ କ୍ଷମତାଶାଳୀ ବ୍ୟକ୍ତିମା‌ନଙ୍କର ଫୋନ୍‌ କଲ ଆସି ଯାଉଥିଲା। ଆଗାମୀ କିଛି ଘଣ୍ଟା ପରେ ଅପରାଧୀଙ୍କ ବଦଳରେ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ହୋଇ ଯାଉଥିଲା।