ଦ୍ୱିତୀୟ ଦିନିକିଆ : କିଓ୍ୱି ପାଇଁ ‘କର ବା ମର’ ସ୍ଥିତି, ସିରିଜ୍ ବିଜୟ ଲକ୍ଷ୍ୟରେ ଟିମ୍ ଇଣ୍ଡିଆ
ବଦୋଦରାରେ ଖେଳାଯାଇଥିବା ପ୍ରଥମ ଦିନିକିଆରେ ଦମଦାର୍ ବ୍ୟାଟିଂ କରିଥିଲେ ବିରାଟ କୋହଲି । ସେ୯୩ ରନ୍ କରି ଆଉଟ୍ ହୋଇଥିଲେ । ରାଜକୋଟରେ ମଧ୍ୟ ତାଙ୍କ ବ୍ୟାଟରୁ ବଡ ସ୍କୋର ଆଶା କରୁଛନ୍ତି ଫ୍ୟାନ୍ସ୍ । ସେପଟେ ରୋହିତ ଶର୍ମା ଭଲ ଷ୍ଟାର୍ଟ୍ ଦେଇଥିଲେ ବି ବଡ ସ୍କୋର୍ କରିପାରିନଥିଲେ । ତେଣୁ ରାଜକୋଟରେ ସେ ବଡ ପାଳି ଖେଳିପାରନ୍ତି ।
ନୂଆଦିଲ୍ଲୀ ୧୪/୦୧:ବୁଧବାର ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ସିରିଜର ଦ୍ୱିତୀୟ ଦିନିକିଆ ଖେଳାଯିବ । ଏବେସୁଦ୍ଧା ଭାରତ୧–୦ରେ ଆଗୁଆ ରହିଛି । ଦଳ ଦ୍ୱିତୀୟ ଦିନିକିଆ ଜିତି ସିରିଜ୍ ଉପରେ ଆଗୁଆ କବଜା କରିବାକୁ ଲକ୍ଷ୍ୟ ରଖିବ ।ରାଜକୋଟରେ ଖେଳାଯିବାକୁ ଥିବା ମୁକାବିଲା କିଓ୍ୱି ଟିମ୍ ପାଇଁ କର ବା ମର ସ୍ଥିତି ଆଣିଦେଇଛି । ଦଳ ଦ୍ୱିତୀୟ ମ୍ୟାଚ୍ ଜିତି ସିରିଜକୁ ଫେରିବାକୁ ପ୍ରୟାସ କରିବ । ତେବେ ମୁକାବିଲାରେ ଟିମ୍ ଇଣ୍ଡିଆ ଏକ ଶକ୍ତିଶାଳୀ ପ୍ଲେଇଂ ଇଲେଭେନ୍ ନେଇ ପଡିଆକୁ ଓହ୍ଲାଇବ ।
ଓ୍ୱାସିଂଟନ୍ ଆଉଟ୍
ଦ୍ୱିତୀୟ ଦିନିକିଆ ପୂର୍ବରୁ ଭାରତୀୟ ଦଳକୁ ବଡ ଝଟକା ଲାଗିଛି । ଅଲରାଉଣ୍ଡର ଓ୍ୱାସିଂଟନ ସୁନ୍ଦର ଆହତ ଜନିତ କାରଣରୁ ସିରିଜରୁ ବାଦ୍ ପଡିଛନ୍ତି । ବଦୋଦରାରେ ଖେଳାଯାଇଥିବା ପ୍ରଥମ ଦିନିକିଆରେ ସେ ଆହତ ହୋଇଥିଲେ । ତାଙ୍କ ଅଣ୍ଟା ଏବଂ ପିଠିର ମାଂସପେଶୀରେ କଷ୍ଟ ଅନୁଭବ ହୋଇଥିଲା । ତେଣୁ ତାଙ୍କୁ ବିଶ୍ରାମ ଦରକାର । ଯେଉଁଥିପାଇଁ ସୁନ୍ଦରଙ୍କ ଜାଗାରେ ଆୟୁଷ ବଦୋନୀଙ୍କୁ ଦଳରେ ସାମିଲ କରାଯାଇଛି । ସେ ରାଜକୋଟରେ ଦଳ ପାଇଁ ପଦାର୍ପଣ କରିପାରନ୍ତି । ଦଳକୁ୫ନମ୍ବର ସ୍ଥାନରେ ଏପରି ଜଣେବ୍ୟାଟର ଦରକାର ଯିଏକି ବୋଲିଂ କରିବା ସହ ବ୍ୟାଟିଂ ମଧ୍ୟ କରିପାରିବେ ।
ରୋହିତ-ବିରାଟଙ୍କ ଉପରେ ନଜର
ବଦୋଦରାରେ ଖେଳାଯାଇଥିବା ପ୍ରଥମ ଦିନିକିଆରେ ଦମଦାର୍ ବ୍ୟାଟିଂ କରିଥିଲେ ବିରାଟ କୋହଲି । ସେ୯୩ ରନ୍ କରି ଆଉଟ୍ ହୋଇଥିଲେ । ରାଜକୋଟରେ ମଧ୍ୟ ତାଙ୍କ ବ୍ୟାଟରୁ ବଡ ସ୍କୋର ଆଶା କରୁଛନ୍ତି ଫ୍ୟାନ୍ସ୍ । ସେପଟେ ରୋହିତ ଶର୍ମା ଭଲ ଷ୍ଟାର୍ଟ୍ ଦେଇଥିଲେ ବି ବଡ ସ୍କୋର୍ କରିପାରିନଥିଲେ । ତେଣୁ ରାଜକୋଟରେ ସେ ବଡ ପାଳି ଖେଳିପାରନ୍ତି ।
ସମ୍ଭାବ୍ୟ ଭାରତୀୟ ଏକାଦଶ
ରୋହିତ ଶର୍ମା, ଶୁଭମନ ଗିଲ୍, ବିରାଟ କୋହଲି, ଶ୍ରେୟସ ଆୟର, କେଏଲ ରାହୁଲ, ମହମ୍ମଦ ସିରାଜ, ହର୍ଷିତ ରାଣା, ରବୀନ୍ଦ୍ର ଜାଡେଜା, ଆୟୁଷ ବଦୋନୀ, ପ୍ରସିଦ୍ଧ କ୍ରିଷ୍ଣା, କୁଲଦୀପ ଯାଦବ
ସୌଜନ୍ୟ Prameya News7
