ମାଷ୍ଟରକ୍ୟାଣ୍ଟିନ୍ ଛକରେ ଆନ୍ଦୋଳନ ଆଳରେ ଆତଙ୍କରାଜ ଘଟଣା: ଆହୁରି ୩ ମାମଲାରେ ଛନ୍ଦିଲା ପୁଲିସ୍, ନୋଟିସ୍ର ଜବାବ୍ ରଖିଛନ୍ତି ମାତ୍ର ଶହେ
ଭୁବନେଶ୍ୱର,୦୧/୦୯: ଆନ୍ଦୋଳନ ଆଳରେ ମାଷ୍ଟରକ୍ୟାଣ୍ଟିନ୍ ଛକରେ ଅନ୍ଲାଇନ୍ ଡ୍ରାଇଭରଙ୍କ ଆତଙ୍କରାଜ ଘଟଣାକୁ ୨ ସପ୍ତାହ ବିତିଛି । କିନ୍ତୁ ଏଯାଏଁ ଡ୍ରାଇଭରଙ୍କ ଦୁଃଖ ସରୁନି କି ସେମାନଙ୍କ ଘରେ ଚୁଲି ଜଳୁନି । ଜାମିନ୍ରେ ଜେଲ୍ରୁ ମୁକୁଳିବାକୁ ବାଟ ଖୋଜୁଥିବା ବେଳେ ପୁଲିସ ଆହୁରି ୩ଟି ମାମଲାରେ ଛନ୍ଦି ଦେଇଛି । ସେପଟେ ଅଟୋରିକ୍ସାକୁ ମୁକୁଳାଇବା ପାଇଁ ଆରଟିଓ ଅଫିସ ଚକ୍କର କାଟି ନୟାନ୍ତ ହେଲେଣି ଅନେକ ।
ଖାରବେଳନଗର ଥାନା ପୁଲିସ ଏହି ଘଟଣାରେ ମୋଟ ୭ଟି ମାମଲା ରୁଜୁ କରିଥିଲା । କିନ୍ତୁ ୧୧୪ଜଣ ଅଭିଯୁକ୍ତଙ୍କୁ ମାତ୍ର ଗୋଟିଏ ମାମଲାରେ ଗିରଫ କରାଯାଇ କୋର୍ଟଚାଲାଣ କରାଯାଇଥିଲା । ଅଦାଲତରେ ଜାମିନ୍ ନାମଞ୍ଜୁର ହେବାରୁ ସମସ୍ତଙ୍କୁ ଝାରପଡ଼ା ସ୍ୱତନ୍ତ୍ର କାରାଗାରର ବିଚାର ବିଭାଗୀୟ ହାଜତକୁ ପଠାଯାଇଥିଲା । ଆଜି ସେମାନଙ୍କ ବିରୋଧରେ ଅନ୍ୟ ୩ଟା ମାମଲାରେ ଜୁଡିସିଆଲ୍ ରିମାଣ୍ଡ ଯୋଡ଼ାଯାଇଛି । ସେଥିରେ ଆମ ବସ୍ ଭଙ୍ଗାରୁଜା ପାଇଁ କ୍ରୁଟ୍ର ଏତଲା ସହ ଅନ୍ୟାନ୍ୟ ଅଭିଯୋଗ ରହିଛି । ଏହାପରେ ଆଗକୁ ଆହୁରି ୩ ମାମଲା ଅଛି ।
ସୌଜନ୍ୟ ପ୍ରମେୟ
