Bill Gates warns: ସତର୍କ କଲେ ବିଲ୍‌ ଗେଟ୍‌ସ: ସବୁ ଏଆଇ କମ୍ପାନି ସଫଳ ହେବେନି

ଯେଉଁ ଦ୍ରୁତ ଗତିରେ ଓ ବ୍ୟାପକ ଭାବେ ଏହି ପରିବର୍ତ୍ତନ ଘଟିବାକୁ ଯାଉଛି ସେଥିପାଇଁ ସରକାରମାନେ ପ୍ରସ୍ତୁତ ହୋଇନାହାନ୍ତି। ଏହାର ପ୍ରଭାବରେ ବଢ଼ିବାକୁ ଯାଉଥିବା ଅସମାନତା ଦୂର କରିବା ସରକାରମାନଙ୍କ ଲାଗି କଷ୍ଟକର ହୋଇପଡ଼ିବ ବୋଲି ଗେଟ୍‌ସ କହିଛନ୍ତି। କିଛି ଦିନ ପୂର୍ବେ ଏକ ସାକ୍ଷାତକାରରେ ମଧ୍ୟ ଶ୍ରୀ ଗେଟ୍‌ସ ଏଆଇ କମ୍ପାନିରେ ହେଉଥିବା ବ୍ୟାପକ ନିବେଶକୁ ନେଇ ସତର୍କ କରାଇଥିଲେ। ସେ କହିଥିଲେ ଯେ ଏହି କ୍ଷେତ୍ରରେ ତୀବ୍ର ପ୍ରତିଯୋଗିତା ଚାଲିଛି ଓ ବିପୁଳ ନିବେଶ ହେଉଛି। କିନ୍ତୁ ସମସ୍ତେ ପ୍ରତିଯୋଗିତାରେ ତି‌ଷ୍ଠି ରହିବେ ବୋଲି କୁହାଯାଇପାରିବନାହିଁ। ୨୦୨୫ରେ ଆମାଜନ, ମାଇକ୍ରୋସଫ୍ଟ, ଆଲଫାବେଟ୍‌, ମେଟା ଓ ଓରାକଲ ୪୦,୦୦୦ କୋଟି ଡଲାର ନିବେଶ କରିଥିଲେ। ଗତ ତିନି ବର୍ଷ ମଧ୍ୟରେ ଷ୍ଟକ ବଜାରରେ ମୂଲ୍ୟାଙ୍କନ ବଢ଼ାଇବାରେ ଏଆଇ ପ୍ରମୁଖ ଭୂମିକା ନିର୍ବାହ କରୁଥିଲା। କିନ୍ତୁ ବଡ଼ ବଡ଼ ସଂସ୍ଥା ଏହି କ୍ଷେତ୍ରରେ ନିବେଶ ଆରମ୍ଭ କରିବା ପରେ କମ୍ପାନିଗୁଡ଼ିକର ମୂଲ୍ୟାଙ୍କନ ଓ ସେୟାର ମୂଲ୍ୟକୁ ନେଇ ସନ୍ଦେହ ସୃଷ୍ଟି ହୋଇଛି।

ସୌଜନ୍ୟ ସମ୍ବାଦ