Shooting; ଟ୍ରମ୍ପ୍ ଏକ କାର୍ଯ୍ୟକ୍ରମରେ ଯୋଗଦେବା ସମୟରେ ସନ୍ଦିଗ୍ଧ ବ୍ୟକ୍ତିଙ୍କୁ ଗୁଳି କଲେ ସିକ୍ରେଟ୍ ସର୍ଭିସ୍ ଏଜେଣ୍ଟ

ୱାସିଂଟନ: ଆମେରିକା ରାଷ୍ଟ୍ରପତିଙ୍କ ସରକାରୀ ବାସଭବନ ହ୍ୱାଇଟ୍ ହାଉସ୍ ନିକଟରେ ଗୁଳିକାଣ୍ଡ ଘଟିଛି। ଯାହା ଫଳରେ ଅଞ୍ଚଳକୁ କିଛି ସମୟ ପାଇଁ ସିଲ୍ କରାଯାଇଥିଲା। ଆମେରିକା ସିକ୍ରେଟ୍ ସର୍ଭିସ୍ ନିଶ୍ଚିତ କରିଛି, ଇଣ୍ଡିପେଣ୍ଡନ୍ସ ଆଭେନ୍ୟୁରେ ଜଣେ ସଶସ୍ତ୍ର ସନ୍ଦିଗ୍ଧ ବ୍ୟକ୍ତିଙ୍କୁ ଗୁଳି କରାଯାଇଛି। ଘଟଣାଟି ଘଟିବା ସମୟରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ହ୍ୱାଇଟ୍ ହାଉସରେ ଏକ କାର୍ଯ୍ୟକ୍ରମରେ ଯୋଗ ଦେଉଥିଲେ।

ଟ୍ରମ୍ପଙ୍କ ସୁରକ୍ଷା ନେଇ ଚିନ୍ତା ବୃଦ୍ଧି ପାଇଥିବା ସମୟରେ ଏହି ସଦ୍ୟତମ ଗୁଳିକାଣ୍ଡ ଘଟିଛି। ତାଙ୍କୁ ଅନେକ ଥର ହତ୍ୟା ଧମକ ଏବଂ ହତ୍ୟା ଉଦ୍ୟମ କରାଯାଇଛି। ସବୁଠାରୁ ସାମ୍ପ୍ରତିକ ଘଟଣା ଏପ୍ରିଲରେ ଘଟିଥିଲା, ଯେତେବେଳେ ସାମ୍ବାଦିକମାନଙ୍କ ସହିତ ହ୍ୱାଇଟ୍ ହାଉସ୍ ରାତ୍ରୀଭୋଜନ ସମୟରେ ଗୁଳିକାଣ୍ଡ ହୋଇଥିଲା । ଟ୍ରମ୍ପ ମୁଖ୍ୟ ଅତିଥି ଥିଲେ। ସିକ୍ରେଟ୍ ସର୍ଭିସ୍ ତୁରନ୍ତ ଟ୍ରମ୍ପ, ପ୍ରଥମ ମହିଳା ମେଲାନିଆ ଏବଂ ଉପରାଷ୍ଟ୍ରପତି ଜେ.ଡି. ଭାନ୍ସଙ୍କୁ ମଞ୍ଚରୁ ବାହାର କରିଦେଇଥିଲା।

ସୌଜନ୍ୟ ସମ୍ବାଦ