ପୁରୀ: ବିବାଦପାଇଁ ରଥ କାମ ଅଧାରୁ ବନ୍ଦ କଲେ ତିନି ରଥର ବିଶ୍ବକର୍ମା ମହାରଣା । ରଥଖଳାରେ ରଥ ନିର୍ମାଣ ବନ୍ଦ କଲେ ରଥ ବିଶ୍ୱକର୍ମା ମହାରଣା । ସ୍ଵତ୍ଵଲିପି ଆଧାରରେ ମହାରଣାଙ୍କ ଖେଇକୁ ନେଇ ହୋଇଛି ବିବାଦ। ଚିରଟ କାଠ, ଖେଇକୁ ନେଇ ବିବାଦ ଦେଖାଦେଇଛି । ପ୍ରତ୍ୟେକ ଦିନ ସକାଳ ୮ ଟାରୁ ୯ଟା ମଧ୍ୟରେ ଉପସ୍ଥାନ ଦେଇ ନିର୍ମାଣ କାର୍ଯ୍ୟ ଆରମ୍ଭ କରନ୍ତି ମହାରଣା ଓ ଅନ୍ୟ ସେବକ । ଆଜି ୫୮ ଦିନରେ ରଥ କାର୍ଯ୍ୟ ପହଁଚିଛି । ତେବେ ଆଜି ବର୍ତ୍ତମାନ ପର୍ଯ୍ୟନ୍ତ ଆରମ୍ଭ ହୋଇନାହିଁ ରଥ ନିର୍ମାଣକାମ ।
ସମାଧାନ ନହେବା ଯାଏଁ କାମ ଆରମ୍ଭ ନ କରିବାକୁ ଚେତାବନୀ
ରଥ ତତ୍ତ୍ୱବାଧାରକ ଆସି ବିଶ୍ଵକର୍ମା ସେବକଙ୍କ ସହ ଆଲୋଚନା କରିଥିଲେ ବି ନିଜ ଜିଦ୍ରେ ଅଟଳ ରହିଛନ୍ତି ତିନି ରଥର ମୁଖ୍ୟ ମହାରଣା । ସମାଧାନ ନହେବା ଯାଏଁ କାମ ଆରମ୍ଭ ନ କରିବାକୁ ଚେତାବନୀ ଦେଇଛନ୍ତି ।ମହାରଣାଙ୍କ କହିବା ଅନୁସାରେ ସ୍ଵତ୍ଵଲିପି ଅନୁଯାୟୀ ସେମାନେ ୪ ଫୁଟ ରୁ କମ୍ ବଳକା କାଠ ସେମାନେ ଖେଇ ବା ପ୍ରାପ୍ୟ ହିସାବରେ ନେଇଥାନ୍ତି । କିନ୍ତୁ ଚିରଟ କାଠରେ ଯେକୌଣସି ମାପ ବଳକା କାଠକୁ ନେଇଥାନ୍ତି ମହାରଣା । ତେବେ ଏହା ନନେବାକୁ ବାରଣ କରି ଶ୍ରୀମନ୍ଦିର ପ୍ରଶାସନ ନୋଟିସ୍ ଜାରି କରିବା ପରେ ଦେଖାଦେଇଛି ବିବାଦ ।
ସୌଜନ୍ୟ ସମ୍ବାଦ
